完整藏文原文 · 德格版页 当前仅加载第 36 函德格 366b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཡོལ་བར་མི་བྱེད་པར་མངོན་པར་འབེབས་སོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཐམས་ཅད་ཤེས་པའི་ཡེ་ཤེས་ཀྱི་མངོན་པར་ཤེས་པ་སྟེ་དགུ་པའོ། །ཀྱེ་རྒྱལ་བའི་སྲས་
D44.036.0366b01.01དག །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་སྐད་ཅིག་རེ་རེ་ཞིང་ཆོས་ཐམས་ཅད་འགོག་པའི་ཏིང་ངེ་འཛིན་ལ་སྙོམས་པར་འཇུག་ཀྱང་། བྱང་ཆུབ་སེམས་དཔའི་ལམ་གྱི་རྒྱུན་མི་གཅོད་དོ། །བྱང་ཆུབ་སེམས་དཔའི་ལས་
D44.036.0366b02.01ཀྱང་ཐོགས་པར་མི་བྱེད་དོ། བྱང་ཆུབ་སེམས་དཔའི་བྱམས་པ་ཆེན་པོ་ལས་ཀྱང་རྣམ་པར་མི་འདའོ། །སྙིང་རྗེ་ཆེན་པོ་ལས་ཀྱང་ཕྱིར་མི་ལྡོག་གོ །ཕ་རོལ་ཏུ་ཕྱིན་པ་རྣམས་ཀྱང་རྒྱུན་མི་གཅོད་དོ། །ཞིང་ཐམས་ཅད་རབ་ཏུ་
D44.036.0366b03.01དབྱེ་ཞིང་མཁས་པར་བྱ་བས་ཀྱང་སྐྱོ་བར་མི་བྱེད་དོ། །འགྲོ་བ་ཐམས་ཅད་ཡོངས་སུ་དགྲོལ་བའི་སྨོན་ལམ་ཡང་རྒྱུན་མི་གཅོད་དོ། །ཆོས་ཀྱི་འཁོར་ལོ་ཡང་ཐོགས་པར་མི་བྱེད་དོ། །སེམས་ཅན་ཡོངས་སུ་སྨིན་པར་བྱ་བ་དང་། གདུལ་
D44.036.0366b04.01བར་བྱ་བ་ཡང་རིང་དུ་མི་སྤོང་ངོ་། །སངས་རྒྱས་མཆོད་ཅིང་རིམ་གྲོ་བྱ་བ་ཡང་རྒྱུན་མི་གཅོད་དོ། །ཆོས་ཐམས་ཅད་ལ་དབང་བསྒྱུར་བའི་སྒོ་ལས་ཀྱང་ཕྱིར་མི་ལྡོག་གོ །སངས་རྒྱས་མཐོང་བའི་སྐལ་བ་མེད་པར་ཡང་མི་འགྱུར་
D44.036.0366b05.01རོ། །ཆོས་ཐམས་ཅད་ཡོངས་སུ་དྲི་བ་ལས་ཀྱང་ཕྱིར་མི་ལྡོག་གོ །མཉམ་པ་ཉིད་དང་བསྟོད་པ་ཡང་རབ་ཏུ་ཤེས་སོ། །བསྒྲིབས་པ་མེད་པར་ཡང་མངོན་པར་སྒྲུབ་བོ། །སངས་རྒྱས་ཀྱི་ཆོས་ཐམས་ཅད་ལ་ཁྱད་པར་གྱི་སྨོན་
D44.036.0366b06.01ལམ་མཉམ་པ་ཉིད་ཀྱང་ཡོངས་སུ་རྫོགས་པར་བྱེད་དོ། །ཞིང་ཐམས་ཅད་ཀྱི་གཞི་དང་། དབྱིབས་ཐ་དད་པའི་རྗེས་སུ་འང་རབ་ཏུ་འཇུག་སྟེ། སངས་རྒྱས་ཀྱི་རིགས་ཐམས་ཅད་ཀྱི་ཕ་རོལ་ཏུ་ཕྱིན་པ་ཡང་འཐོབ་པ་ཡིན། འཇིག་རྟེན་
D44.036.0366b07.01