完整藏文原文 · 德格版页 当前仅加载第 36 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ཡིད་ལ་བྱ་བ་དང་མི་འབྲལ་བ་ཡིན། དེའི་སེམས་བསྐྱེད་པ་རེ་རེ་ལ་ཡང་བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་བཅུ་དང་། བྱང་ཆུབ་སེམས་དཔའི་ས་བཅུ་ཡང་དག་པར་བསྒྲུབ་པ་ཡང་དག་པར་འབྱུང་ངོ་། །དེ་ཅིའི་
D44.036.0230b01.01ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྙིང་རྗེ་ཆེན་པོ་སྔོན་དུ་བཏང་བའི་སེམས་བསྐྱེད་པ་བྱུང་བ་རེ་རེ་ཞིང་ཡང་། སངས་རྒྱས་ཀྱི་ཆོས་ཡང་དག་པར་བསྒྲུབ་པ་དང་། དེ་བཞིན་གཤེགས་པའི་
D44.036.0230b02.01ཡེ་ཤེས་ཀྱི་དོན་དུ་ཡོངས་སུ་བསྔོ་བས་དེ་ལ་གང་སངས་རྒྱས་ཀྱི་ཡེ་ཤེས་ཡོངས་སུ་ཚོལ་ཞིང་། སེམས་ཅན་རྣམས་ལ་དགེ་བའི་རྩ་བ་ཡོངས་སུ་གཏོང་བ་འདི་ནི་དེའི་སྦྱིན་པའི་ཕ་རོལ་ཏུ་ཕྱིན་པའོ། །གང་ཉོན་མོངས་པའི་
D44.036.0230b03.01ཡོངས་སུ་གདུང་བ་ཐམས་ཅད་རབ་ཏུ་ཞི་བ་འདི་ནི་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་སྙིང་རྗེ་དང་བྱམས་པ་སྔོན་དུ་འགྲོ་བས་སེམས་ཅན་ཐམས་ཅད་ལ་འཚིག་པ་མེད་པ་འདི་ནི་དེའི་བཟོད་པའི་ཕ་རོལ་ཏུ་ཕྱིན་པའོ། །
D44.036.0230b04.01གང་གོང་ནས་གོང་དུ་དགེ་བའི་ཆོས་ཚོལ་བས་མི་ངོམས་པར་དམ་འཆའ་བ་འདི་ནི་དེའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །གང་ཐམས་ཅད་མཁྱེན་པའི་ཡེ་ཤེས་མངོན་དུ་བྱ་བའི་ཕྱིར། འགྱོད་པ་མེད་པའི་ལམ་དང་ལྡན་པ་
D44.036.0230b05.01འདི་ནི་དེའི་བསམ་གཏན་གྱི་ཕ་རོལ་ཏུ་ཕྱིན་པའོ། །གང་རང་བཞིན་གྱིས་མ་སྐྱེས་པ་མངོན་དུ་གྱུར་པ་འདི་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །གང་ཡེ་ཤེས་ཚད་མེད་པ་མངོན་པར་བསྒྲུབ་པ་འདི་ནི་དེའི་ཐབས་མཁས་པའི་ཕ་
D44.036.0230b06.01རོལ་ཏུ་ཕྱིན་པའོ། །གང་གོང་ནས་གོང་དུ་ཡེ་ཤེས་ལ་དམིགས་ཤིང་མངོན་པར་བསྒྲུབ་པ་འདི་ནི་དེའི་སྨོན་ལམ་གྱི་ཕ་རོལ་ཏུ་ཕྱིན་པའོ། །གང་ཕས་ཀྱི་རྒོལ་བ་ཐམས་ཅད་དང་བདུད་ཀྱི་ཚོགས་ཐམས་ཅད་ཀྱིས་ལམ་ཡོངས་སུ་མི་
D44.036.0230b07.01