完整藏文原文 · 德格版页 当前仅加载第 36 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་གྱི་ཡོ་བྱད་དང་། རྒྱན་ཐམས་ཅད་ཡོངས་སུ་གཏོང་བའི་ཚེ། ཁྱིམ་གྱི་སྦྱིན་པ་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་དཀོན་མཆོག་དམ་པར་འབྱུང་བ་ལ་མངོན་པར་
D44.036.0083b01.01མོས་ཤིང་བུ་དང་། བུ་མོ་ཤིན་ཏུ་གཏང་བར་གྱུར་ཅིག །སེམས་ཅན་ཐམས་ཅད་ཁྱིམ་མེད་པར་རབ་ཏུ་བྱུང་ཞིང་ཁྱིམ་ལས་རྣམ་པར་གྲོལ་ཏེ་ཡང་དག་པར་རྫོགས་པའི་སངས་རྒྱས་ཀྱི་བསྟན་པ་ལ་ཚངས་པའི་སྤྱད་པ་སྤྱོད་པར་གྱུར་ཅིག །སེམས་ཅན་
D44.036.0083b02.01ཐམས་ཅད་ཕྱིར་མི་ལྡོག་པའི་སེམས་ཀྱིས་འཇུག་པ་མེད་པར་གནས་ཤིང་ཐམས་ཅད་ཡོངས་སུ་གཏོང་བ་ལ་མངོན་པར་མོས་པར་གྱུར་ཅིག །སེམས་ཅན་ཐམས་ཅད་{སྩོགས་,སོགས་}པ་མེད་ཅིང་ཆོས་ཤེས་པ་ལ་བརྩོན་པས། ཁྱིམ་གྱི་ཆོས་དང་རབ་ཏུ་བྲལ་བར་གྱུར་ཅིག །
D44.036.0083b03.01སེམས་ཅན་ཐམས་ཅད་སངས་རྒྱས་ཀྱི་ཕོ་བྲང་དང་གནས་ལ་ཡང་དག་པར་གནས་ཤིང་ཁྱིམ་དང་། གནས་ལ་གནས་མེད་པར་གྱུར་ཅིག །སེམས་ཅན་ཐམས་ཅད་བར་དུ་གཅོད་པའི་ནན་ཏན་ཐམས་ཅད་འགག་པར་གྱུར་ཏེ། སྒྲིབ་པའི་ཆོས་ཐམས་ཅད་
D44.036.0083b04.01ཤིན་ཏུ་སྤངས་པར་གྱུར་ཅིག །སེམས་ཅན་ཐམས་ཅད་གོས་པ་མེད་པའི་སེམས་ཀྱི་གནས་ལ་རྟེན་པས་ལྗན་ལྗིན་མེད་པའི་ཁྱིམ་དང་ལྡན་པར་གྱུར་ཅིག །སེམས་ཅན་ཐམས་ཅད་ཁྱིམ་ན་གནས་པས་མངོན་པར་རྫོགས་པར་སངས་རྒྱས་
D44.036.0083b05.01པ་མཐོང་བའི་ཡེ་ཤེས་དང་ལྡན་ཞིང་ཡོངས་སུ་སྨིན་པར་བྱ་བ་ལ་མཁས་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་གནས་ཀྱི་རྗེས་སུ་སོང་བའི། སེམས་ཀྱི་ཡེ་ཤེས་དང་ལྡན་ཞིང་། ཁྱིམ་གྱི་གནས་རྣམ་པར་རིག་པ་རབ་ཏུ་
D44.036.0083b06.01མཐོང་བར་གྱུར་ཅིག །སེམས་ཅན་ཐམས་ཅད་ཁྱིམ་གྱིས་སངས་རྒྱས་ཀྱི་རྣམ་པར་སྤྱོད་པ་རབ་ཏུ་ཐོབ་ཅིང་། སེམས་ཅན་མཐའ་ཡས་པ་ཚིམ་པར་བྱེད་པར་གྱུར་ཅིག་ཅེས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་གྱི་སྦྱིན་པ་ཡོངས་སུ་
D44.036.0083b07.01