完整藏文原文 · 德格版页 当前仅加载第 36 函德格 350b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཏིང་ངེ་འཛིན་འདི་ལ་གནས་པ་ནི་ཡོན་ཏན་འདི་དག་དང་། གཞན་ཡང་ཡོངས་སུ་དག་པ་བརྗོད་དུ་མེད་པའི་ཡང་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་རབ་ཏུ་འཐོབ་བོ། །ཏིང་ངེ་འཛིན་ཆེན་པོའི་དཀྱིལ་འཁོར་འདི་དག་
D44.036.0350b01.01གི་དབང་དང་། སངས་རྒྱས་ཐམས་ཅད་ཀྱི་བྱིན་གྱི་རླབས་དང་། རང་གི་དགེ་བའི་རྩ་བའི་རྒྱུའི་སྟོབས་དང་། ཡེ་ཤེས་ཀྱི་སའི་སྒྲོལ་བའི་མཐུ་དང་། དགེ་བའི་བཤེས་གཉེན་གྱིས་ཉེ་བར་བརྟན་པའི་སྟོབས་དང་། བདུད་ཀྱི་
D44.036.0350b02.01ལས་ཐམས་ཅད་རབ་ཏུ་འཇོམས་པའི་མཐུ་དང་། དགེ་བའི་ལས་སྐལ་པ་མཉམ་པ་རྣམས་ཀྱི་གཞུང་གཅིག་པའི་མཐུ་དང་སྨོན་ལམ་རྣམས་ཀྱི་དག་པའི་སྟོབས་དང་། ཇི་ལྟར་བསྐྱེད་པའི་དགེ་བའི་རྩ་བ་རྣམས་ཡོངས་སུ་གྲུབ་པའི་སྟོབས་
D44.036.0350b03.01དང་། འཇིག་རྟེན་ལས་འདས་པའི་བསོད་ནམས་ཐུབ་པ་མེད་ཅིང་ཟད་མི་ཤེས་པའི་མཐུ་དེ་ལྟར་སྙོམས་པར་འཇུག་པ་ལ་གནས་པ་ནི། ཡོན་ཏན་མཚུངས་པ་མཉམ་པ་བཅུས་སངས་རྒྱས་འདས་པ་དང་། མ་བྱོན་པ་དང་ད་ལྟར་བྱུང་བ་
D44.036.0350b04.01ཐམས་ཅད་མཚུངས་པ་མཉམ་པ་ཡིན་ཏེ། བཅུ་གང་ཞེ་ན། འདི་ལྟར་གཟུགས་དང་མཚན་དང་དཔེ་བྱད་བཟང་པོ་སྣ་ཚོགས་ཀྱིས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། འོད་དང་འོད་ཟེར་གྱི་དྲ་བ་རབ་ཏུ་འགྱེད་པ་
D44.036.0350b05.01རྣམ་པར་དག་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། རྫུ་འཕྲུལ་དང་རྣམ་པར་འཕྲུལ་པ་དང་། སྤྲུལ་པ་སེམས་ཅན་འདུལ་བའི་ཚུལ་བཞིན་དུ་སྟོན་པས། བྱང་ཆུབ་སེམས་དཔའ་མཚུངས་པ་མཉམ་པ་ཡིན།
D44.036.0350b06.01ལུས་ཚད་མེད་པ་དང་། ཁ་དོག་མཐའ་ཡས་པ་དང་། དབྱངས་ཐམས་ཅད་རྣམ་པར་དག་པས། བྱང་ཆུབ་སེམས་དཔའ་མཚུངས་པ་མཉམ་པ་ཡིན། སངས་རྒྱས་ཀྱི་ཞིང་རྣམ་པར་དག་པ་བྱིན་གྱིས་རློབ་ཅིང་སེམས་ཅན་གྱི་
D44.036.0350b07.01