完整藏文原文 · 德格版页 当前仅加载第 36 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་སངས་རྒྱས་ཐམས་ཅད་ཀྱི་ཡུལ་གྱི་རྒྱལ་སྲིད་ལ་རབ་ཏུ་གཞོལ་བར་གྱུར་ཅིག །སེམས་ཅན་ཐམས་ཅད་ཆོས་ཀྱི་དབང་ཕྱུག་སངས་རྒྱས་ཀྱི་རིགས་རྒྱུན་མི་འཆད་པར་ཡང་དག་པར་འཛིན་པའི་ཚུལ་དུ་དེ་བཞིན་གཤེགས་
D44.036.0078a01.01པ་ཐམས་ཅད་ཀྱི་དགེ་བའི་རྩ་བས་མངོན་པར་བྱུང་བར་གྱུར་ཅིག །སེམས་ཅན་ཐམས་ཅད་བྱང་ཆུབ་སེམས་དཔའ་ཚད་མེད་པ་ཡང་དག་པར་བསྒྲུབ་པའི་ཕྱིར་སངས་རྒྱས་ཀྱི་རྒྱལ་སྲིད་ཡངས་ཤིང་ཚད་མེད་པ་རྗེས་སུ་སྐྱོང་བར་གྱུར་ཅིག །སེམས་ཅན་ཐམས་
D44.036.0078a02.01ཅད་སངས་རྒྱས་འབྱུང་བ་རྒྱུན་མ་ཆད་པ་དང་ལྡན་ཞིང་ཆོས་ཀྱི་དབྱིངས་ལ་ངེས་པའི་རྒྱལ་སྲིད་དང་ལྡན་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གདུལ་བ་ལ་ཐོགས་པ་མེད་པར་ཞུགས་པས་སངས་རྒྱས་ཀྱི་ཞིང་ཐམས་ཅད་དུ་ཡེ་ཤེས་ཀྱི་དབང་ཕྱུག་ཏུ་
D44.036.0078a03.01གྱུར་ཅིག །སེམས་ཅན་ཐམས་ཅད་འཇིག་རྟེན་གྱི་ཁམས་ཀུན་གྱི་སེམས་ཅན་ཐེག་པ་ཆེན་པོ་ལ་རབ་ཏུ་གཞོག་པའི་ཚུལ་གྱིས་འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པ་ཐམས་ཅད་དུ་ཆོས་ཀྱི་སྦྱིན་བདག་དུ་
D44.036.0078a04.01གྱུར་ཅིག །སེམས་ཅན་ཐམས་ཅད་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་། དགེ་བའི་རྩ་བའི་རྒྱུད་ཀྱི་ཚུལ་གཅིག་ཏུ་གྱུར་ཏེ། ལྟོད་པ་མེད་པའི་རྒྱལ་སྲིད་རབ་ཏུ་ཐོབ་པར་གྱུར་ཅིག །དེ་ལྟར་བྱང་ཆུབ་
D44.036.0078a05.01སེམས་དཔའ་སེམས་དཔའ་ཆེན་པོ་རྒྱལ་སྲིད་ཡོངས་སུ་བཏང་བས་ཡང་དག་པར་བཟུང་བའི་དགེ་བའི་རྩ་བ་དེ་དག་ཅི་ནས་ཀྱང་འགྲོ་བ་ཐམས་ཅད་དུ་ཤིན་ཏུ་བདེ་བ་དང་། ལེགས་པ་འབྱུང་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །
D44.036.0078a06.01འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་མ་འཁྲུགས་པ་དང་། བྱང་ཆུབ་སེམས་དཔའི་སེམས་རྩེ་གཅིག་པ་དང་། སྨོན་ལམ་ཚད་མེད་པར་བྱས་ཏེ། སྙིང་རྗེ་ཆེན་པོ་བསྐྱེད་ཅིང་བྱམས་པ་ཆེན་པོའི་སྟོབས་ཉེ་བར་
D44.036.0078a07.01