完整藏文原文 · 德格版页 当前仅加载第 36 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱབ་པའི་ཡེ་ཤེས་རྟོགས་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །ལྷག་པའི་བསམ་པ་རྡུལ་མེད་པའི་བྱང་ཆུབ་ཀྱི་སེམས་དང་ཡེ་ཤེས་ཚད་མེད་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །
D44.036.0110a01.01སེམས་ཅན་ཐམས་ཅད་བདེ་བའི་ལམ་བསྟན་པར་མཉམ་དུ་ཡོངས་སུ་བསྔོ་བའི་ཕྱིར་ཡོངས་སུ་བསྔོའོ། །ཡང་དག་པའི་སེམས་ལ་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་ལ་
D44.036.0110a02.01རྣམ་པར་བྱང་བའི་སྤྲིན་(ཀྱི་,གྱི་)ཆར་འབབ་པའི་ཚུལ་དང་། སེམས་ཅན་ཐམས་ཅད་ལ་བསོད་ནམས་ཀྱི་ཞིང་དུ་དམིགས་པའི་ཚུལ་དང་། སེམས་ཅན་ཐམས་ཅད་བྱང་ཆུབ་ཀྱི་སེམས་ཀྱི་ཁོངས་སུ་གཏོགས་པའི་ཡོངས་སུ་བསྔོ་བས་བསྲུང་བའི་བྱིན་གྱི་རླབས་ཀྱིས་
D44.036.0110a03.01སྒྲིབ་པ་ཐམས་ཅད་དང་མི་འགྲོགས་པར་བྱ་བའི་ཕྱིར་ཡོངས་སུ་བསྔོའོ། །བསྒྲིབས་པ་མེད་པའི་དབྱིངས་ལ་གནས་པར་ཡོངས་སུ་བསྔོའོ། །ཡེ་ཤེས་དང་མངོན་པར་ཤེས་པ་ཆགས་པ་མེད་པས་སེམས་ཅན་ཐམས་ཅད་ཀྱིས་ཡེ་ཤེས་མཐོང་བ་ཡོངས་སུ་རྫོགས་
D44.036.0110a04.01པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཀྱི་ལུས་ཀྱི་རྗེས་སུ་འགྲོ་བའི་རྣམ་པར་འཕྲུལ་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་དོན་ཡོད་པའི་དགེ་བའི་རྩ་བ་རྣམ་པ་མཆོག་ཐམས་ཅད་དང་ལྡན་
D44.036.0110a05.01པའི་ཡེ་ཤེས་ཀྱིས་ཕན་འདོགས་པར་བྱ་བའི་ཕྱིར་ཡོངས་སུ་བསྔོའོ། །འགྲོ་བ་ཐམས་ཅད་ཡོངས་སུ་སྡུད་པས་འགྲོ་བ་ཐམས་ཅད་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །ཐམས་ཅད་མཁྱེན་པ་ཉིད་ཀྱི་མཐར་ཐུག་སྟེ། སེམས་ཅན་
D44.036.0110a06.01ཐམས་ཅད་ཀྱི་སེམས་བསྒྲིབས་པ་མེད་ཅིང་མི་སྒུལ་བ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །གང་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་ཡུལ་དགའ་དགའ་ལྟར་འདུག་པ་མཐོང་བའམ། བཟའ་ཤིང་གི་ར་བ་དགའ་དགའ་
D44.036.0110a07.01