完整藏文原文 · 德格版页 当前仅加载第 36 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པར་གྱུར་ཅིག །དེ་དག་རིན་པོ་ཆེའི་ལག་པ་དེས་སེམས་ཅན་ཐམས་ཅད་སྦྱིན་པའི་གནས་ཀྱི་འདུ་ཤེས་རབ་ཏུ་ཐོབ་སྟེ། ཕན་ཚུན་གྱི་ལུས་ལ་རིན་པོ་ཆེས་འཐོར་བར་གྱུར་ཅིག །མངོན་པར་འཐོར་བར་གྱུར་ཅིག །
D44.036.0056a01.01རབ་ཏུ་འཐོར་བར་གྱུར་ཅིག །སངས་རྒྱས་ཀྱི་ཞིང་ཐམས་ཅད་དུ་ཁྱབ་པའི་རིན་པོ་ཆེའི་རྒྱན་གྱི་སྤྲིན་གྱིས་སངས་རྒྱས་ཐམས་ཅད་མཆོད་པར་གྱུར་ཅིག །སེམས་ཅན་དེ་དག་ཐམས་ཅད་ཀྱང་ཕན་ཚུན་དུ་ཞེ་སྡང་བ་{མྱེད་,མེད་}པའི་སེམས་དང་ལྡན་ཞིང་ཕན་ཚུན་
D44.036.0056a02.01བྱམས་པའི་སེམས་དང་ལྡན་པར་གྱུར་ཅིག །དེ་དག་སངས་རྒྱས་ཀྱི་ཞིང་ཐམས་ཅད་ཀྱི་རྗེས་སུ་དོང་ཞིང་འཇིགས་པ་མེད་པ་ལ་གནས་ཏེ། མངོན་པར་འདུ་བྱ་བ་མེད་པའི་ཕྱིར་ཐམས་ཅད་ལག་ན་རིན་པོ་ཆེ་ཐོགས་པ་དང་། ལག་ན་སྤོས་ཐོགས་པ་དང་
D44.036.0056a03.01ལག་ན་གོས་ཐོགས་པ་དང་། ལག་ན་གདུགས་ཐོགས་པ་དང་། ལག་ན་ཕྲེང་བ་ཐོགས་པ་དང་། ལག་ན་མེ་ཏོག་ཐོགས་པ་དང་། ལག་ན་ཕྱེ་མ་ཐོགས་པ་དང་། ལག་ན་ལྷབ་ལྷུབ་ཐོགས་པ་དང་། ལག་ན་མེ་ཏོག་མཐའ་ཡས་པ་ཐོགས་
D44.036.0056a04.01པར་གྱུར་ཏེ། ཀུན་ནས་སྒོ་དང་ལྡན་པའི་ཐབས་ལ་གནས་ཤིང་། སངས་རྒྱས་ཐམས་ཅད་ལ་མཆོད་པར་བརྩོན་པའི་སེམས་དང་། སངས་རྒྱས་ཀྱི་ཞིང་ཀུན་ཏུ་འགྲོ་བའི་རྫུ་འཕྲུལ་དང་། སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པའི་ལག་
D44.036.0056a05.01པ་དང་། འགྲོ་བ་ཐམས་ཅད་ཡང་དག་པར་འཛིན་པའི་རྫུ་འཕྲུལ་དང་། ཆོ་འཕྲུལ་གྱི་ལག་པ་མཚན་བཟང་པོ་དང་ལྡན་པའི་ལག་པ་དང་། འོད་གཟེར་གྱི་མཛོད་མཐའ་ཡས་པའི་དཀྱིལ་འཁོར་རབ་ཏུ་གཏོང་བའི་ལག་པ་དང་། འགྲོ་བ་ཐམས་
D44.036.0056a06.01ཅད་ལག་མཐིལ་གཅིག་གིས་ཡོག་པར་བྱེད་པའི་ལག་པ་དང་། དྲ་བར་འབྲེལ་ཅིང་སེན་མོ་ཟངས་ལྟར་འདུག་པའི་ལག་པ་དང་། སངས་རྒྱས་ཀྱི་ཕྱག་ཤིན་ཏུ་ཡངས་པ་དང་ལྡན་པས། སངས་རྒྱས་ཐམས་ཅད་ལ་མཆོད་པ་བྱེད་པར་གྱུར་ཅིག་
D44.036.0056a07.01