完整藏文原文 · 德格版页 当前仅加载第 36 函德格 377b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཚད་མེད་པའི་ཞིང་དུ་བྱིན་གྱིས་རློབ་པ་རབ་ཏུ་འཐོབ་བོ། །ནམ་མཁའ་རྒྱ་མཚོའི་ཚུལ་དུ་ཆོས་ཐམས་ཅད་ཀྱི་རྣམ་པར་འཕྲུལ་པ་རྒྱུན་མི་འཆད་པ་ཡང་དག་པར་སྟོན་པ་ཡང་ཡོངས་སུ་རྫོགས་པར་འགྱུར་རོ། །ནམ་མཁའ་ལྟར་འཇིག་རྟེན་
D44.036.0377b01.01ཐམས་ཅད་འཛིན་པའི་ཚུལ་དུ་ལུས་ཐམས་ཅད་འཇིག་པ་མེད་ཅིང་ཤིན་ཏུ་བརྟན་པ་ཡོངས་སུ་རྫོགས་པར་འགྱུར་རོ། །འཇིག་རྟེན་གྱི་གདུང་བ་ཐམས་ཅད་ཀྱིས་ནམ་མཁའ་འཚིག་པར་མི་འགྱུར་བའི་ཚུལ་དུ་རྡོ་རྗེ་ལྟར་སྲ་ཞིང་བརྟན་ལ་རྣོ་བའི་དབང་
D44.036.0377b02.01པོ་ཡོངས་སུ་འགྲུབ་པར་འགྱུར་རོ། །ནམ་མཁའ་ལྟ་བུའི་ཡེ་ཤེས་ཀྱི་བྱིན་གྱི་རླབས་ཀྱི་ཚུལ་དུ་འཇིག་རྟེན་ཐམས་ཅད་རབ་ཏུ་འཛིན་པའི་སྟོབས་ལ་ཡང་དག་པར་འབྱུང་ངོ་། །ཀྱེ་རྒྱལ་བའི་སྲས་དག་འདི་དག་ནི་བྱང་ཆུབ་སེམས་དཔའ་སེམས་དཔའ་
D44.036.0377b03.01ཆེན་པོ་རྣམས་ཀྱི་བཟོད་པ་ཐོབ་པ་བཅུའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་འདི་ཉིད་དེ་བས་ཀྱང་གསལ་བར་བསྟན་པའི་ཕྱིར། བྱང་ཆུབ་སེམས་དཔའ་དེ་དག་ལ་ཚིགས་སུ་
D44.036.0377b04.01བཅད་དེ་སྨྲས་པ། །ཇི་ལྟར་སྐྱེས་བུ་ལ་ལ་ཞིག །རིན་ཆེན་འབྱུང་གནས་ཐོས་གྱུར་ནས། །ནོར་ཚོགས་ཆེན་པོ་བསགས་དོན་དུ། །རབ་ཏུ་དགའ་བ་སྐྱེ་བ་ཡིན། །དེ་བཞིན་ཤེས་རབ་ཆེ་ལྡན་པའི། །བྱང་ཆུབ་སེམས་དཔའ་
D44.036.0377b05.01རྒྱལ་སྲས་རྣམས། །དེ་བཞིན་གཤེགས་པའི་ཆོས་ཀྱི་མཚན། །ཟབ་ཅིང་ཞི་བ་རབ་ཏུ་ཉན། །ཟབ་པའི་ཆོས་ནི་ཐོས་གྱུར་ཅིང་། །དེ་དག་ཡིད་ནི་འཇིགས་མི་འགྱུར། །དེ་དག་སེམས་ལ་སྡངས་བ་མེད། །སྐྲག་པ་སྐྱེ་བར་མི་འགྱུར་
D44.036.0377b06.01རོ། །རྒྱ་ཆེན་དབྱངས་ནི་ཐོས་གྱུར་ནས། །བཟོད་པའི་དབྱངས་ཀྱིས་བྱང་ཆུབ་ཏུ། །ཤེས་རབ་ཆེན་པོ་ཡང་དག་འཇུག །དེ་ལ་ཐེ་ཙོམ་སྐྱེ་བ་མེད། །བདག་ནི་ཐམས་ཅད་མཁྱེན་པར་བྱ། །བདག་ནི་མི་ཡི་མགོན་དུ་བྱ། །ཆོས་རབ་
D44.036.0377b07.01