完整藏文原文 · 德格版页 当前仅加载第 36 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། །དེ་ལྟ་བུའི་ཚུལ་གྱིས་བདག་ཡང་དག་པར་འཛིན་པ་དང་། མཆོད་རྟེན་དམ་པར་འགྱུར་རོ་ཞེས་འགྲོ་བ་ཐམས་ཅད་དུ་བདག་སྤྲོ་བར་བྱེད་པ་དང་། ཐམས་ཅད་མཁྱེན་པའི་སེམས་ཉིད་འགྲོ་བ་ཐམས་ཅད་
D44.036.0082a01.01དུ་ཤིན་ཏུ་སྒྲུབ་པ་དང་། བདག་འགྲོ་བ་ཐམས་ཅད་ལ་ཕན་པའི་མུ་སྟེགས་སུ་རྗེས་སུ་ལྟ་བ་དང་། བདག་འཇིག་རྟེན་ཐམས་ཅད་ཀྱི་འབབ་ས་བདེ་བར་རབ་ཏུ་རྟོགས་པ་དང་། བདག་འགྲོ་བ་ཐམས་ཅད་ཀྱི་སྦྱིན་བདག་དུ་མོས་པར་བྱེད་པ་དང་། བདག་ཡེ་ཤེས་ཀྱི་ཡིད་
D44.036.0082a02.01དང་ལྡན་པར་བྱས་ཤིང་། བདག་བྱང་ཆུབ་སེམས་དཔའི་སྤྱོད་པ་ལ་རབ་ཏུ་བརྩོན་པར་ཡང་དག་པར་ཤེས་པ་དང་། བདག་ཇི་ལྟར་སྨྲས་པ་དེ་ལྟར་བྱེད་པ་ལ་སྦྱོར་བ་དང་། བདག་གིས་ཐམས་ཅད་མཁྱེན་པའི་གོ་ཅ་བགོས་པར་རབ་ཏུ་རྟོག་ཅིང་ཡེ་ཤེས་
D44.036.0082a03.01དང་བསོད་ནམས་ཀྱི་ཞིང་ཚོལ་བ་དང་། འགྲོ་བ་ཐམས་ཅད་ལ་དམ་བཅས་པའི་སེམས་རྗེས་སུ་བསྲུང་བ་དང་། རབ་ཏུ་ནན་ཏན་བྱེད་པ་ལ་བདག་ཤིན་ཏུ་གཞོག་པ་དང་། འགྲོ་བ་ཐམས་ཅད་དུ་སྣང་བའི་ཡེ་ཤེས་ཡང་དག་པར་སྐྱེད་པ་དང་།
D44.036.0082a04.01བྱང་ཆུབ་སེམས་དཔའ་ཐམས་ཅད་ཀྱི་གཏོང་བའི་སེམས་ཡིད་ལ་བྱེད་པ་དང་། དེ་བཞིན་གཤེགས་པ་ཐམས་ཅད་མངོན་སུམ་དུ་དམིགས་པར་བྱེད་པའི་ཚེ། ཆགས་པ་མེད་པ་དང་། གྲོལ་ཞིང་བཅིངས་པ་མེད་པའི་སེམས་དང་ལྡན་པ། སེམས་
D44.036.0082a05.01ཅན་ཐམས་ཅད་ཀྱི་དོན་དུ་ཡེ་ཤེས་དང་བསོད་ནམས་ཀྱི་ཚོགས་བསགས་པ་དེ་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། བུ་དང་བུ་མོ་དང་ཆུང་མ་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་འདིས་སེམས་ཅན་ཐམས་ཅད་ཆོས་
D44.036.0082a06.01ཐམས་ཅད་ཀྱིས་འཇིག་རྟེན་གྱི་ཁམས་རྒྱས་པར་འགེངས་པའི་ཆོས་ཀྱི་འཁོར་ལོ་ཕྱིར་མི་ལྡོག་པ་ཡང་དག་པར་བསྐོར་བས་སངས་རྒྱས་ཀྱི་བྱང་ཆུབ་ལ་གཞོག་པར་བྱེད་ཅིང་། བདག་གི་ལུས་ཀྱི་སྤྲུལ་པ་རབ་ཏུ་འགྱེད་པར་གྱུར་ཅིག །སེམས་ཅན་ཐམས་
D44.036.0082a07.01