完整藏文原文 · 德格版页 当前仅加载第 36 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་ཞེས་བྱའོ། །བསྒྲིབས་པ་{མྱེད་,མེད་}པའི་སྤྱོད་ཡུལ་ཅན་ཞེས་བྱའོ། །ཆོས་ཐམས་ཅད་ཀྱི་དབང་ཕྱུག་ཅེས་བྱའོ། །བྱང་ཆུབ་སེམས་དཔའ་གང་གིས་ཏིང་ངེ་འཛིན་འདི་དག་ཐོབ་པ་དེ་ནི་འཇིག་རྟེན་གྱི་ཁམས་ཐམས་ཅད་དུ་རྗེས་སུ་སོང་བ་ཡང་ཡིན་ལ། འཇིག་རྟེན་གྱི་ཁམས་
D44.036.0297a01.01ཐམས་ཅད་ནས་ཕྱིར་ལོག་པ་འང་ཡིན། སེམས་ཅན་ཐམས་ཅད་ཀྱི་ཁམས་སུ་རབ་ཏུ་སོང་བ་འང་ཡིན་ལ་སེམས་ཅན་མེད་པའི་མཐའ་ཡང་ཁོང་དུ་ཆུད་པ་ཡིན། ཆགས་པ་མེད་པའི་ལུས་ཀྱི་སྙིང་པོའི་རྗེས་སུ་སོང་བ་འང་ཡིན་ལ། ཆོས་ཀྱི་དབྱིངས་
D44.036.0297a02.01ཐམས་ཅད་ལ་འཇུག་པར་སྤྱོད་པ་ཡིན་ནོ། །ཆོས་ཀྱི་དབྱིངས་མཐའ་དང་དབུས་མེད་པས་ཀྱང་རྣམ་པར་དག་ལ་འདས་པ་དང་། མ་བྱོན་པ་དང་ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་ཡང་རྗེས་སུ་འབྲང་བ་ཡིན། དེ་བཞིན་གཤེགས་
D44.036.0297a03.01པ་ཐམས་ཅད་ཀྱི་ཆོས་རྣམ་པར་མཐོང་བ་ཡང་ཡིན་ལ། སྤྱོད་པ་ཐམས་ཅད་ཀྱི་ཡང་རྗེས་སུ་སོང་བ་ཡིན། དབྱངས་ཀྱི་ཡན་ལག་དང་ཡི་གེ་ལ་རབ་ཏུ་སྤོབས་ཤིང་། བྱང་ཆུབ་སེམས་དཔའི་སྤྱོད་པ་ཐམས་ཅད་ཡོངས་སུ་རྫོགས་པས་རྣམ་པར་དག་པ་ཡིན་
D44.036.0297a04.01ལ། བྱང་ཆུབ་སེམས་དཔའི་སྤྱོད་པ་རྣམ་པར་ཕྱེ་བ་ཡོངས་སུ་རྫོགས་པར་བྱ་བ་ལ་འང་རབ་ཏུ་གནས་པ་ཡིན། རྟག་པར་དུས་གསུམ་སྐད་ཅིག་ཏུ། ཞུགས་པ་འང་ཡིན་ལ་དུས་གསུམ་ཐམས་ཅད་ཡོངས་སུ་ཤེས་པར་བྱ་བའི་ཕྱིར་ཡང་ཡང་
D44.036.0297a05.01དག་པར་གཞོལ་བ་འང་ཡིན། སངས་རྒྱས་ཐམས་ཅད་ཀྱི་ཆོས་སྟོན་པ་ཡང་ཡིན་ལ། ཐབས་ཀྱིས་ཆོས་ཐམས་ཅད་ཀྱི་འཁོར་ལོ་བསྐོར་བ་ལས་ཕྱིར་མི་ལྡོག་པའི་ལུས་དང་ཡང་ལྡན་པ་ཡིན། འདས་པ་དང་། མ་འོངས་པ་དང་། ད་ལྟར་བྱུང་
D44.036.0297a06.01བའི་བྱང་ཆུབ་སེམས་དཔའ་ཐམས་ཅད་རྣམ་པར་འཚང་རྒྱ་བར་བྱ་བའི་ཚུལ་ལ་ཡང་རབ་ཏུ་ཞུགས་ལ་སངས་རྒྱས་གཅིག་མངོན་པར་སངས་རྒྱས་པས། སངས་རྒྱས་ཐམས་ཅད་དུ་འང་ཤིན་ཏུ་སྟོན་པ་ཡིན་ཏེ། འདི་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་རྣམ་
D44.036.0297a07.01