完整藏文原文 · 德格版页 当前仅加载第 36 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་འཐུན་པ་ལ་རབ་ཏུ་གནས་པར་གྱུར་ཅིག །སེམས་ཅན་ཐམས་ཅད་བྱང་ཆུབ་སེམས་དཔའི་འབྱུང་བའི་ལམ་བཅུ་དང་། བྱང་ཆུབ་སེམས་དཔའི་ཏིང་ངེ་འཛིན་ཐམས་ཅད་ལ་རབ་ཏུ་དགའ་བའི་ཡིད་དང་ལྡན་ཞིང་བྱང་ཆུབ་སེམས་དཔའི་སྤྱོད་པ་རྣམ་
D44.036.0037b01.01པར་དག་པའི་ཤིང་རྟ་ལ་ཞོན་པར་གྱུར་ཅིག །སེམས་ཅན་ཐམས་ཅད་ཚུལ་དང་འདྲ་བའི་ཡུལ་ན་གནས་པ་དང་ལྡན་པ་དང་། སྐྱེས་བུ་དམ་པ་ལ་རྟེན་པ་ཐོབ་པས། སྔོན་བྱས་པའི་བསོད་ནམས་ཤིན་ཏུ་བསྩགས་པ་དང་། ཡང་དག་པའི་སྨོན་ལམ་
D44.036.0037b02.01ལ་ཤིན་ཏུ་བརྩོན་པ་དང་། བྱང་ཆུབ་སེམས་དཔའི་ཚངས་པར་སྤྱོད་པ་རྣམ་པར་དག་པ་ཡོངས་སུ་རྫོགས་པ་ཕུན་སུམ་ཚོགས་པས་འཁོར་ལོ་བཞི་པའི་ཤིང་རྟ་ལ་ཞོན་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པ་མ་ལུས་པའི་སྟོབས་
D44.036.0037b03.01དང་ཡེ་ཤེས་ལ་བརྩོན་པས་ཕྱོགས་ཐམས་ཅད་ཀྱི་ཆོས་ཀྱི་དབྱིངས་སུ་ཆོས་ཀྱི་སྣང་བ་གཏོང་བ་ལ་བསླབ་པར་གྱུར་ཅིག །སེམས་ཅན་ཐམས་ཅད་ཆོས་ཀྱི་ཤིང་རྟས་འབྱུང་བའི་ཕ་རོལ་དུ་ཕྱིན་པ་ཐོབ་སྟེ། སངས་རྒྱས་ཀྱི་ཆོས་ཀྱི་ཤིང་རྟ་ལ་ཞོན་པར་གྱུར་ཅིག །
D44.036.0037b04.01སེམས་ཅན་ཐམས་ཅད་ཕྱོགས་ཐམས་ཅད་དུ་ལེགས་པ་དང་བདེ་བ་ཡང་དག་པར་སྟོན་པས་བསོད་ནམས་ཐམས་ཅད་དགེ་བའི་རྩ་བ་ཚད་{མྱེད་,མེད་}པ་དང་། ཆོས་བསམ་གྱིས་མི་ཁྱབ་པའི་ཤིང་རྟ་ལ་མཁས་པར་གྱུར་ཅིག །སེམས་ཅན་ཐམས་ཅད་འཇུངས་པའི་དྲི་
D44.036.0037b05.01མ་རབ་ཏུ་བྱང་སྟེ་སྦྱིན་པ་གཏོང་བས་འབྱུང་བའི་ཤིང་རྟ་དང་ལྡན་པར་གྱུར་ཅིག །སེམས་ཅན་ཐམས་ཅད་ཆོས་ཀྱི་དབྱིངས་མཐའ་དང་དབུས་མེད་པ་མ་ལུས་པས་ཚུལ་ཁྲིམས་རྣམ་པར་དག་པས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ཡེ་ཤེས་རྣམ་པར་དག་པའི་
D44.036.0037b06.01ཤིང་རྟ་དང་ལྡན་པར་གྱུར་ཅིག །སེམས་ཅན་ཐམས་ཅད་སེམས་འཁྲུགས་པ་{མྱེད་,མེད་}པར་གནས་པས་འགྲོ་བ་ཐམས་ཅད་ཀྱི་བསམ་པ་འཁྲུགས་པ་{མྱེད་,མེད་}ཅིང་བཟོད་པའི་ཕ་རོལ་ཏུ་ཕྱིན་པའི་ཡེ་ཤེས་ཀྱི་ཤིང་རྟ་དང་ལྡན་པར་གྱུར་ཅིག །སེམས་ཅན་ཐམས་
D44.036.0037b07.01