完整藏文原文 · 德格版页 当前仅加载第 36 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བྱིན་གྱིས་རླབས་ཀྱང་དེ་ལྟར་ཚད་མེད་ན་དེ་བཞིན་གཤེགས་པ་རྣམས་ཀྱི་སྤྱོད་ཡུལ་དང་ཡུལ་གྱི་རྒྱུད་ཅི་འདྲ་བ་ཞིག་ཡོད། བྱང་ཆུབ་སེམས་དཔའ་རྡོ་རྗེའི་སྙིང་པོས་སྨྲས་པ། ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། {མྱི་,མི་}ལ་ལ་ཞིག་
D44.036.0273a01.01གིས་གླིང་བཞི་པའི་འཇིག་རྟེན་གྱི་ཁམས་ནས་རྡེའུ་རྒྱ་ཤུག་གི་ཚིག་གུ་ཙམ་གཉིས་སམ་གསུམ་ཞིག་བླངས་ཏེ། འཇིག་རྟེན་གྱི་ཁམས་མཐའ་ཡས་པ་དག་ན། སའི་ཁམས་ཇི་སྙེད་ཅིག་ཡོད་པ། རྡོ་བ་འདི་ལས་ཇི་ཙམ་ཞིག་གིས་ལྷག་པར་འཕགས་ཤིང་
D44.036.0273a02.01ལྷག་པར་ཚད་མེད་ཅེས་ཟེར་བ་ཞིག་ཡོད་ན། ཀྱེ་རྒྱལ་བའི་སྲས་དེ་ལྷར་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་ཚད་མེད་པ་མངའ་བ་རྣམས་ཀྱི་ཆོས་ཉིད་བྱང་ཆུབ་སེམས་དཔའི་ཆོས་ཉིད་ཀྱིས་འཇལ་བ་ནི་ཁྱོད་ཀྱི་
D44.036.0273a03.01ཚིག་འདི་དེ་དང་འདྲ་བར་བདག་གིས་དཔགས་སོ། །ཀྱེ་རྒྱལ་བའི་སྲས་ཇི་ལྟར་གླིང་བཞི་པའི་འཇིག་རྟེན་གྱི་ཁམས་ནས་གང་བླངས་པའི་སའི་ཁམས་{ཆུང་ཟད་,ཅུང་ཟད་}ལ་ལྷག་མ་ལས་ཚད་མེད་པ་དེ་བཞིན་དུ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་ཆོས་ཀྱི་སྤྲིན་
D44.036.0273a04.01འདི་ཁོ་ན་ཡང་བསྐལ་པ་གྲངས་མེད་པར་ཤིན་ཏུ་བསྟན་ཀྱང་ཕྱོགས་ཙམ་ཞིག་བསྟན་དུ་ཟད་ན། དེ་བཞིན་གཤེགས་པའི་ས་ལྟ་སྨོས་སུ་འང་ག་ལ་ཡོད། ཀྱེ་རྒྱལ་བའི་སྲས་ཁྱོད་ཀྱིས་ཁོང་དུ་ཆུད་པ་དང་། ཡིད་ཆེས་པར་བྱ་ན་དེ་བཞིན་གཤེགས་པ་འདི་བདག་
D44.036.0273a05.01གི་མདུན་ན་དཔང་དུ་བཞུགས་ཏེ། ཀྱེ་རྒྱལ་བའི་སྲས། གལ་ཏེ་ཕྱོགས་བཅུའི་ཕྱོགས་རེ་རེའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་མུ་མེད་པའི་རྡུལ་ཤིན་ཏུ་ཕྲ་བ་ཇི་སྙེད་ཅིག་ས་འདི་ལྟ་བུ་ཐོབ་པའི་བྱང་ཆུབ་སེམས་དཔའ་རྣམས་ཀྱིས་བུ་རམ་ཤིང་གི་
D44.036.0273a06.01ཚལ་ལམ། སྨྱིག་མའི་ཚལ་ལམ། འོད་མའི་ཚལ་ལམ། ཏིལ་གྱི་ཞིང་ཐིབས་པོ་བཞིན་དུ་ཡོངས་སུ་གང་བར་གྱུར་ཀྱང་། བྱང་ཆུབ་སེམས་དཔའི་སྤྱོད་པ་མངོན་པར་བསྒྲུབ་པ་བསྐལ་པ་མུ་མེད་པར་མངོན་པར་བསྒྲུབས་པ་དེ་དག་གིས་ནི་དེ་བཞིན་
D44.036.0273a07.01