完整藏文原文 · 德格版页 当前仅加载第 36 函德格 332b 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་ངེ་འཛིན་གྱི་རྣམ་པ་ཐམས་ཅད་ལ་མཁས་པར་བྱ་བ་འང་ཁོང་དུ་ཆུད་ལ། ཆོས་ཐམས་ཅད་ཀྱི་དེ་བཞིན་ཉིད་ཁོང་དུ་ཆུད་པས་ཆགས་པ་ཡང་མེད་པ་ཡིན། ཆོས་ཀྱི་ཚིག་རྣམ་པར་ཤེས་པ་མཐའ་ཡས་པའི་སྤོབས་པ་དང་ཡང་ལྡན་
D44.036.0332b01.01ལ་ཚིག་མེད་ཅིང་ཡི་གེ་མེད་པ་ཡང་ཁོང་དུ་ཆུད་པ་ཡིན། བརྗོད་དུ་མེད་པ་ལའང་ཤིན་ཏུ་སྤྱོད་ལ། དབྱངས་ཀྱི་ཡན་ལག་རྣམ་པར་དག་པ་དང་ཡང་ལྡན་པ་ཡིན། ཆོས་ཐམས་ཅད་ཀྱི་འང་མཐར་ཕྱིན་ལ་གཟུགས་སྣ་ཚོགས་ཀྱིས་འདུལ་བ་རྣམས་
D44.036.0332b02.01ཀྱང་ཡུལ་དུ་བྱེད་པ་ཡིན། ཆོས་ཐམས་ཅད་ཀྱི་རང་བཞིན་གྱི་མཐར་ཡང་རབ་ཏུ་ཐུག་ལ་སྙིང་རྗེ་ཆེན་པོས་སེམས་ཅན་གྱི་ཁམས་ཐམས་ཅད་ཡོངས་སུ་དགྲོལ་ཞིང་གདུལ་བ་ལ་ཡང་རབ་ཏུ་བརྩོན་པ་ཡིན། སེམས་ཅན་གྱི་ཁམས་འཕེལ་བ་
D44.036.0332b03.01དང་། འགྲིབ་པ་མེད་པའང་རབ་ཏུ་ཤེས་ལ་ཆོས་ཀྱི་དབྱིངས་ཀུན་ཏུ་ཁྱབ་པ་ཁོང་དུ་ཆུད་པ་ལས་ཀྱང་མི་གཡོ་བ་ཡིན། འགྲོ་བ་ཐམས་ཅད་གདུལ་བ་ཡང་རྒྱུན་མི་གཅོད་ལ་དེ་བཞིན་གཤེགས་པའི་སྤྱོད་པ་འཁོར་གསུམ་ཡོངས་སུ་དག་པ་ཡང་ཁོང་
D44.036.0332b04.01དུ་ཆུད་པ་ཡིན། ཆོས་རྣམ་པ་སྣ་ཚོགས་ལའང་རྣམ་པར་མི་རྟོག་ལ་བསྟན་པ་སྣ་ཚོགས་ལ་འཇིགས་པ་མེད་པས་ཆོས་བསྟན་པའི་ཆོས་ཀྱི་འཁོར་ལོ་ཡང་རྒྱུན་མི་ཆད་པ་ཡིན། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་
D44.036.0332b05.01དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་མཁས་པའི་ཡེ་ཤེས་ཆོས་ཀྱི་དབྱིངས་ལ་དབང་བསྒྱུར་བ་ཞེས་བྱ་བ་སྟེ་དགུ་པའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་
D44.036.0332b06.01མཁས་པའི་ཡེ་ཤེས་བཅུ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་ཏིང་ངེ་འཛིན་ཆགས་པ་མེད་ཅིང་དྲི་མ་མེད་པ་ཞེས་བྱ་བ་ལ་སྙོམས་པར་འཇུག་སྟེ། ཏིང་ངེ་འཛིན་དེ་ལ་སྙོམས་
D44.036.0332b07.01