完整藏文原文 · 德格版页 当前仅加载第 36 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཡང་སྒྱུ་མའི་རྣམ་པ་དེ་དག་ནི་སྔགས་ཀྱི་སྒྲའི་མཐར་ཐུག་པ་ཡིན་ཏེ། མིག་གི་རྣམ་པར་ཤེས་པས་ཤེས་པར་བྱ་བའི་སྒྱུ་མའི་གཟུགས་ཀྱི་རྣམ་པ་དང་། སྒྱུ་མ་དང་། རྣ་བའི་རྣམ་པར་ཤེས་པས་ཤེས་པར་བྱ་བའི་སྒྱུ་མའི་སྒྲ་དང་སྒྱུ་
D44.036.0319b01.01མ་དང་། སྣའི་རྣམ་པར་ཤེས་པས་ཤེས་པར་བྱ་བའི་སྒྱུ་མའི་དྲི་དང་། སྒྱུ་མ་དང་། ལྕེའི་རྣམ་པར་ཤེས་པས་ཤེས་པར་བྱ་བའི་སྒྱུ་མའི་རོ་དང་། སྒྱུ་མ་དང་། ལུས་ཀྱི་རྣམ་པར་ཤེས་པས་ཤེས་པར་བྱ་བའི་སྒྱུ་མའི་རེག་བྱ་དང་།
D44.036.0319b02.01སྒྱུ་མ་དང་། ཡིད་ཀྱི་རྣམ་པར་ཤེས་པས་ཤེས་པར་བྱ་བའི་སྒྱུ་མའི་རྣམ་པ་དང་། སྤྲུལ་པ་མང་པོས་ཆོ་འཕྲུལ་ཞིང་རྣམ་པར་འགྱུར་བ་དག་ཀྱང་དེ་བཞིན་ནོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་ཡང་
D44.036.0319b03.01སྐལ་བ་མཉམ་པར་སྙོམས་པར་ཞུགས་ཤིང་། སྐལ་བ་མི་མཉམ་པ་ལས་རྣམ་པར་ལྡང་བར་སྟོན་ཏོ། །སྐལ་བ་མི་མཉམ་པ་ལ་སྙོམས་པར་ཞུགས་ཤིང་། སྐལ་བ་སྙམ་པ་ལས་རྣམ་པར་ལྡང་བར་སྟོན་ཏོ། །
D44.036.0319b04.01ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། ལྷ་དང་ལྷ་མ་ཡིན་གཡུལ་དུ་ལྷགས་པའི་ཚེ། ལྷ་རྣམས་རྒྱལ་ཞིང་ལྷ་མ་ཡིན་ཕམ་པར་གྱུར་ན། དེའི་ཚེ་ལྷའི་དབང་པོ་དཔག་ཚད་བརྒྱའི་ལུས་མིག་སྟོང་དང་ལྡན་པ། དཔུང་གི་
D44.036.0319b05.01ཚོགས་ཡན་ལག་བཞིས་ཡོངས་སུ་བསྐོར་ཅིང་། ལྷ་མ་ཡིན་རྣམ་པར་འཐོར་ཏེ། དེའི་ཚེ་ལྷ་མ་ཡིན་གྱི་དབང་པོ་དེ་ལྷ་མ་ཡིན་གྱི་སྒྱུ་ལ་ཤིན་ཏུ་མཁས་པས། སུམ་ཅུ་རྩ་གསུམ་པའི་ལྷའི་སྡེ་ཀུན་ཏུ་འབྱེར་བ་དང་། རྫིང་བདེ་བ་
D44.036.0319b06.01འབྱུང་བའི་དྲུང་གི་ཁུང་ནས་ལྷ་མ་ཡིན་ཤིང་རྟ་དང་། བཞོན་པ་དང་དཔུང་དུ་བཅས་པ་མང་པོ་འབྱུང་བར་སྟོན་ཏོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་སྒྱུ་མ་ལྟ་བུའི་ཡེ་ཤེས་ལ་
D44.036.0319b07.01