完整藏文原文 · 德格版页 当前仅加载第 36 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
པ། ཉན་ཐོས་དང་། རང་སངས་རྒྱས་ཐམས་ཅད་ཀྱིས་མི་འཕྲོགས་པ། དབེན་པ་ཐམས་ཅད་མངོན་དུ་གྱུར་པ། ཤིན་ཏུ་ཐོབ་པ་ཡིན། ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། དགེ་སློང་རྫུ་འཕྲུལ་དང་ལྡན་པ་སེམས་
D44.036.0240a01.01ཀྱི་དབང་དམ་པའི་ཕ་རོལ་ཏུ་བགྲོད་པར་ཕྱིན་པ་མཐར་གྱིས་འགོག་པའི་བར་དུ་མཉམ་པར་བཞག་པ་ནི་རྒྱུ་བ་དང་སེམས་པ་དང་། གཡོ་བའི་རྣམ་པར་རྟོག་པ་དང་། འདུ་ཤེས་ཐམས་ཅད་དང་བྲལ་བ་ཡིན། ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་
D44.036.0240a02.01དཔའ་ཡང་བྱང་ཆུབ་སེམས་དཔའི་ས་བརྒྱད་པ་མི་གཡོ་བ་འདི་ཐོབ་མ་ཐག་ཏུ་ཆེད་དུ་བྱ་བ་ཐམས་ཅད་དང་བྲལ་ཏེ་ལྷུན་གྱིས་གྲུབ་པའི་ཆོས་ཉིད་ཐོབ་ཅིང་ལུས་དང་ངག་དང་སེམས་ཀྱི་རྩོལ་བ་ཐམས་ཅད་དང་བྲལ་ཏེ་ཤིན་ཏུ་དབེན་པའི་ཆོས་ཉིད་ལ་གནས་པ་ཡིན། ཀྱེ་རྒྱལ་བའི་སྲས་དག་
D44.036.0240a03.01འདི་ལྟ་སྟེ་དཔེར་ན། མི་ལ་ལ་ཞིག་གཉིད་ཀྱིས་ལོག་པའི་རྨི་ལམ་དུ་བདག་ཆུ་ཀླུང་ཆེན་པོས་ཁྱེར་བ་སྙམ་བྱེད་ལ། དེ་དེ་ནས་ཅི་ཕྱིན་ཏུ་འབད་ཅིང་རྩོལ་བ་ཆེན་པོ་རྩོམ་རྩོམ་པ་ལས་དེ་འབད་ཅིང་རྩོལ་བ་ཆེན་པོ་དེ་ཉིད་ཀྱིས་སད་པར་གྱུར་ན། དེ་སད་མ་ཐག་ཏུ་འབད་ཅིང་
D44.036.0240a04.01རྩོལ་བ་ཐམས་ཅད་དང་བྲལ་བར་འགྱུར་རོ། །ཀྱེ་རྒྱལ་བའི་སྲས་དག་དེ་བཞིན་དུ་བྱང་ཆུབ་སེམས་དཔའ་ཡང་ཉོན་མོངས་པའི་ཆུ་ཀླུང་ཆེན་པོ་བཞིར་སེམས་ཅན་མང་པོ་དོང་བར་ཤེས་ནས་འབད་ཅིང་རྩོལ་བ་ཡོངས་སུ་རྩོམ་མོ། །དེ་བརྩོན་འགྲུས་ཆེན་པོ་དང་ལྡན་པས་བྱང་
D44.036.0240a05.01ཆུབ་སེམས་དཔའི་ས་མི་གཡོ་བ་འདི་ཐོབ་མ་ཐག་ཏུ་ཆེད་དུ་བྱ་བ་ཐམས་ཅད་བྲལ་བ་ཡིན་ཏེ། དེའི་གཉིས་པོ་རྒྱུ་བ་འམ། མཚན་མ་རྒྱུ་བ་དག་ཀྱང་ཐམས་ཅད་དུ་མི་སྣང་བར་འགྱུར་རོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། ཚངས་པའི་འཇིག་རྟེན་
D44.036.0240a06.01དུ་སྐྱེས་ཤིང་གནས་པ་ནི་འདོད་པ་ལ་སྤྱོད་པའི་ཉོན་མོངས་པ་རྣམས་ཡོངས་སུ་མི་རྒྱུ་བ་ཡིན། ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའི་ས་མི་གཡོ་བ་ལ་གནས་པའི་བྱང་ཆུབ་སེམས་དཔའ་ཡང་སེམས་དང་ཡིད་དང་། རྣམ་པར་ཤེས་པ་ཡོངས་སུ་རྒྱུ་བ་
D44.036.0240a07.01