完整藏文原文 · 德格版页 当前仅加载第 36 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
མཐུ་འབྱིན་པའི་ལུས་དང་ལྡན་ཞིང་ཆོས་ཀྱི་ལུས་ཀྱིས་འགྲོ་བ་ཐམས་ཅད་དུ་རྣམ་པར་བརྒྱན་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་ཁ་ན་མ་ཐོ་བ་{མྱེད་,མེད་}ཅིང་བལྟ་ན་དོན་ཡོད་པ་དང་ལྡན་ཏེ། བསོད་ནམས་ཀྱི་སྟོབས་ཀྱི་ལུས་དང་ལྡན་པར་གྱུར་
D44.036.0061b01.01ཅིག །སེམས་ཅན་ཐམས་ཅད་གནས་མེད་པའི་ཡེ་ཤེས་ཀྱི་མཐར་ཐུག་སྟེ། གནས་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱིས་བསམ་པ་བྱིན་གྱིས་བརླབས་པ་དང་ལྡན་ཞིང་སངས་རྒྱས་ཀྱིས་ཡོངས་སུ་བཟུང་
D44.036.0061b02.01བའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་དུ་འགྲོ་བའི་ལམ་གྱི་ལུས་ཀྱི་རྗེས་སུ་སོང་བས་འགྲོ་བ་ཐམས་ཅད་ལ་ཕན་འདོགས་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཆོས་ཐམས་ཅད་ལ་ཕྱིར་ཕྱོགས་པ་མེད་ཅིང་
D44.036.0061b03.01མངོན་པར་ལྟ་བའི་སྣང་བས་སྒོ་ཀུན་ནས་བལྟ་བའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་ཐམས་ཅད་མཁྱེན་པའི་ཐེག་པ་ལ་སྤྱོད་པ་བརྩམས་པ་མཐར་ཕྱིན་པར་བྱ་བ་ལ་བརྩོན་པའི་བརྩོན་འགྲུས་དང་ལྡན་པའི་ལུས་ཕུན་སུམ་ཚོགས་པར་གྱུར་ཅིག
D44.036.0061b04.01སེམས་ཅན་ཐམས་ཅད་ཡེ་ཤེས་བརྟན་པར་གནས་པ་ཐོབ་པས་ང་རྒྱལ་དང་རློམ་པ་དང་། དྲེགས་པ་ཐམས་ཅད་རྒྱུན་ཆད་ཅིང་རྣམ་པར་དག་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་ཐམས་ཅད་མཁྱེན་པའི་ཐེག་པ་ལ་ཡང་དག་པར་ཇི་ལྟ་བ་
D44.036.0061b05.01བཞིན་དུ་ལས་གྲུབ་པར་གྱུར་པས་བརྟུལ་ཞུགས་དམ་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་འཇིག་རྟེན་དུ་སྐྱེས་པའི་ལུས་ཐམས་ཅད་ལས་རྣམ་པར་འདས་ཤིང་དེ་བཞིན་གཤེགས་པའི་དགེ་བས་བྱུང་བའི་ལུས་སུ་གྱུར་ཅིག་ཅེས། དེ་
D44.036.0061b06.01ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཡན་ལག་དང་ཉིང་ལག་དང་རུས་པ་དེ་དག་སློང་བ་རྣམས་ལ་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་ཐམས་ཅད་མཁྱེན་པའི་ཡེ་ཤེས་གྲུབ་པར་བྱ་བ་དང་། ཤིན་ཏུ་རྣམ་
D44.036.0061b07.01