完整藏文原文 · 德格版页 当前仅加载第 36 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པའི་ཕྱིར་ཡོངས་སུ་བསྔོའོ། །འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རང་གི་ལུས་ལས་སློང་བ་དག་གིས་མདོག་དང་ལྡན་པའི་པགས་པ་བསླངས་པའི་ཚེ། མཚོན་ཆ་ཐོགས་པའི་སློང་བ་མཐོང་ཡང་
D44.036.0062a01.01དགའ་བར་བྱེད་པའི་དབང་པོས་སློང་བ་ལ་ལྟ་ཞིང་སློང་བ་རྣམས་ལ་དྲིན་དུ་གཟོ་བའི་འདུ་ཤེས་ཉེ་བར་བཞག་ནས་ལེགས་པར་བཏིང་བའི་སྟན་ལ་སློང་བ་རྣམས་བཀོད་དེ། སློང་བ་རྣམས་ལ་རིམ་གྲོའི་འདུ་ཤེས་ཉེ་བར་གཞོག་པ་དང་། ལེན་པ་རྣམས་ལ་
D44.036.0062a02.01ཤིན་ཏུ་དཀོན་པའི་འདུ་ཤེས་ཡང་དག་པར་སྐྱེད་པ་དང་། ཐམས་ཅད་མཁྱེན་པའི་གཞིར་གྱུར་པ་སྨོན་པར་བྱ་བ་ཡང་དག་པར་མཐོང་བར་སེམས་ཤིང་སློང་བ་རྣམས་ལ་ཕན་འདོགས་པའི་སེམས་ཀྱིས་རྟོག་ཅིང་འཛུམ་པ་དང་ལྡན་པར་ལྟ་བས་སློང་བ་རྣམས་
D44.036.0062a03.01ལ་ལྟ་ཞིང་ཚུར་ཤེག །ལོངས་ཤིག་ཅེས་བྱ་བའི་ཚིག་བརྗོད་པ་དང་། སློང་བ་རྣམས་ལ་བདག་ཉིད་ཇི་དགའ་བར་བྱ་བ་གཏོང་བ་དེ་ཇི་ལྟར་བྱང་ཆུབ་སེམས་དཔའ་དག་པའི་སྙིང་པོ་དང་། {རི་དགས་,རི་དྭགས་}ཀྱི་རྒྱལ་པོ་གསེར་གྱི་རྩིབ་ལོགས་ལྟར་མདོག་དང་ལྡན་པའི་
D44.036.0062a04.01པགས་པ་སློང་བ་རྣམས་ལ་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་དེ་བཞིན་གཤེགས་པའི་ཡོན་ཏན་གྱིས་མི་ངོམས་ཤིང་རྣམ་པར་དག་པས་ཤིན་ཏུ་འཇམ་པའི་མདོག་དང་
D44.036.0062a05.01ལྡན་པར་གྱུར་ཅིག །སེམས་ཅན་ཐམས་ཅད་རྡོ་རྗེའི་མདོག་ཐུབ་པར་དཀའ་བའི་ཁ་དོག་དང་ལྡན་ཞིང་མ་འདྲེས་པའི་ཁ་དོག་དང་ལྡན་པར་གྱུར་ཅིག །སེམས་ཅན་ཐམས་ཅད་འཛམ་བུ་ཆུ་ཀླུང་གི་གསེར་གྱི་སྙིང་པོ་ལྟར་དག་ཅིང་གསེར་གྱི་མདོག་དང་ལྡན་པར་གྱུར་ཅིག །
D44.036.0062a06.01སེམས་ཅན་ཐམས་ཅད་བསམ་པ་ཇི་ལྟ་བ་བཞིན་དུ་ཁ་དོག་རྣམ་པར་སྦྱང་བས་དག་ཅིང་ཁ་དོག་མཐའ་ཡས་པའི་མདོག་དང་ལྡན་པར་གྱུར་ཅིག །སེམས་ཅན་ཐམས་ཅད་དགེ་སྦྱོང་དེ་བཞིན་གཤེགས་པ་ཤིན་ཏུ་གཞོན་པའི་ཁ་དོག་གིས་རྣམ་པར་དག་ཅིང་རྙོག་
D44.036.0062a07.01