完整藏文原文 · 德格版页 当前仅加载第 36 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲག་ཁྲིག་སྟོང་ཕྲག་བཅུ་ཡང་དག་པར་སྟོན་ནོ། །རྣམ་པར་འཕྲུལ་བ་ཁྲག་ཁྲིག་སྟོང་ཕྲག་བཅུ་མངོན་སུམ་དུ་འགྱུར་རོ། །བྱང་ཆུབ་སེམས་དཔའི་ཆགས་པ་མེད་པ་ཁྲག་ཁྲིག་སྟོང་ཕྲག་བཅུ་ཡང་དག་པར་འགྲུབ་བོ། །བྱང་ཆུབ་
D44.036.0323a01.01སེམས་དཔའི་ཚོགས་ཁྲག་ཁྲིག་སྟོང་ཕྲག་བཅུ་ཡོངས་སུ་རྫོགས་པར་འགྱུར་རོ། །བྱང་ཆུབ་སེམས་དཔའི་རིགས་ཁྲག་ཁྲིག་སྟོང་ཕྲག་བཅུས་ཡོངས་སུ་སྦྱོང་ཞིང་ཀུན་ཏུ་འགྲོའོ། །བྱང་ཆུབ་སེམས་དཔའི་ཚུལ་ཁྲག་ཁྲིག་སྟོང་ཕྲག་བཅུས་ཡོངས་སུ་སྣང་
D44.036.0323a02.01བར་འགྱུར་རོ། །དོན་ཁྲག་ཁྲིག་སྟོང་ཕྲག་བཅུ་ཤིན་ཏུ་སྟོན་ཏོ། །སྨོན་ལམ་ཁྲག་ཁྲིག་སྟོང་ཕྲག་བཅུ་དང་ཡང་དག་པར་ལྡན་ནོ། །ཡོངས་སུ་བསྔོ་བ་ཁྲག་ཁྲིག་སྟོང་ཕྲག་བཅུ་ཤིན་ཏུ་སྟོན་ཏོ། །བྱང་ཆུབ་སེམས་དཔའི་སྐྱོན་མེད་པ་ཁྲག་ཁྲིག་
D44.036.0323a03.01སྟོང་ཕྲག་བཅུ་ཡོངས་སུ་དག་པར་བྱེད་དོ། །ཆོས་ཀྱི་སྒོ་ཁྲག་ཁྲིག་སྟོང་ཕྲག་བཅུ་རབ་ཏུ་སྣང་བར་བྱེད་དོ། །བྱང་ཆུབ་སེམས་དཔའི་བསྟན་པ་ཁྲག་ཁྲིག་སྟོང་ཕྲག་བཅུ་ཡོངས་སུ་རྫོགས་པར་བྱེད་དོ། །བྱང་ཆུབ་སེམས་
D44.036.0323a04.01དཔའི་རྣམ་པར་དག་པ་ཁྲག་ཁྲིག་སྟོང་ཕྲག་བཅུ་རྣམ་པར་དག་པར་བྱེད་དེ། བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་ལ་དབང་བསྒྱུར་བ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི།
D44.036.0323a05.01ཡོན་ཏན་གྱི་ཚོགས་དུ་མ་དང་ལྡན་པ་ཡིན། ཡོན་ཏན་གྱི་ཚོགས་ཚད་མེད་པ་དང་ལྡན་པ་ཡིན། ཡོན་ཏན་གྱི་ཚོགས་མཐའ་ཡས་པ་དང་ལྡན་པ་ཡིན། ཡོན་ཏན་གྱི་ཚོགས་བསམ་གྱིས་མི་ཁྱབ་པ་དང་ལྡན་
D44.036.0323a06.01པ་ཡིན། ཡོན་ཏན་གྱི་ཚོགས་མཚུངས་པ་མེད་པ་དང་ལྡན་པ་ཡིན། ཡོན་ཏན་གྱི་ཚོགས་གཞལ་དུ་མེད་པ་དང་ལྡན་པ་ཡིན། ཡོན་ཏན་གྱི་ཚོགས་བརྗོད་དུ་མེད་པ་དང་ལྡན་པ་ཡིན། ཡོན་ཏན་གྱི་ཚོགས་ཟད་མི་ཤེས་པ་དང་ལྡན་པ་ཡིན། །
D44.036.0323a07.01