完整藏文原文 · 德格版页 当前仅加载第 36 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟ་བ་བཞིན་དུ་རབ་ཏུ་ཤེས་སོ། །ཆོས་ཀྱི་བྱིན་གྱི་རླབས་དང་། དགེ་འདུན་གྱི་བྱིན་གྱི་རླབས་དང་། ལས་ཀྱི་བྱིན་གྱི་རླབས་དང་། ཉོན་མོངས་པའི་བྱིན་གྱི་རླབས་དང་། དུས་ཀྱི་བྱིན་གྱི་རླབས་དང་། སྨོན་ལམ་གྱི་བྱིན་
D44.036.0266a01.01གྱི་རླབས་དང་། མཆོད་པའི་བྱིན་གྱི་རླབས་དང་། སྤྱོད་པའི་བྱིན་གྱི་རླབས་དང་། བསྐལ་པའི་བྱིན་གྱི་རླབས་དང་། ཡེ་ཤེས་ཀྱི་བྱིན་གྱི་རླབས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །གང་འདི་དེ་བཞིན་གཤེགས་པ་དགྲ་བཅོམ་པ་ཡང་དག་
D44.036.0266a02.01པར་རྫོགས་པའི་སངས་རྒྱས་རྣམས་ཀྱི་ཕྲ་བ་ལ་འཇུག་པའི་ཡེ་ཤེས་འདི་ལྟ་སྟེ། སྤྱོད་པ་ཕྲ་བ་ལ་འཇུག་པའི་ཡེ་ཤེས་སམ། སྐྱེ་བ་དང་འཕོ་བ་ཕྲ་བ་ལ་འཇུག་པའི་ཡེ་ཤེས་སམ། སྐུ་ཚེ་ཕྲ་བ་ལ་འཇུག་པའི་ཡེ་ཤེས་སམ། མངོན་པར་འབྱུང་བ་ཕྲ་བ་
D44.036.0266a03.01ལ་འཇུག་པའི་ཡེ་ཤེས་སམ། མངོན་པར་བྱང་ཆུབ་བ་ཕྲ་བ་ལ་འཇུག་པའི་ཡེ་ཤེས་སམ། རྣམ་པར་འཕྲུལ་པ་ཕྲ་བ་ལ་འཇུག་པའི་ཡེ་ཤེས་སམ། ཆོས་ཀྱི་འཁོར་ལོ་བསྐོར་བ་ཕྲ་བ་ལ་འཇུག་པའི་ཡེ་ཤེས་སམ། སྐུ་ཚེའི་ཚད་བྱིན་གྱི་རླབས་པ་ཕྲ་བ་
D44.036.0266a04.01ལ་འཇུག་པའི་ཡེ་ཤེས་སམ། ཡོངས་སུ་མྱ་ངན་ལས་འདའ་བ་ཕྲ་བ་ལ་འཇུག་པའི་ཡེ་ཤེས་སམ། བསྟན་པ་གནས་པ་ཕྲ་བ་ལ་འཇུག་པའི་ཡེ་ཤེས་དེ་དག་ཐམས་ཅད་ཡང་དག་པ་ཇི་ལྟ་བ་བཞིན་དུ་དེས་རབ་ཏུ་ཤེས་སོ། །གང་འདི་དེ་བཞིན་གཤེགས་པ་
D44.036.0266a05.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་གསང་བ་ལ་འཇུག་པའི་གནས་འདི་ལྟ་སྟེ། སྐུའི་གསང་བ་འམ། གསུང་གི་གསང་བ་འམ། ཐུགས་ཀྱི་གསང་བ་འམ། དུས་དང་དུས་མ་ཡིན་པ་ཐུགས་སུ་ཆུད་པའི་གསང་བ་འམ།
D44.036.0266a06.01བྱང་ཆུབ་སེམས་དཔའ་ལུང་བསྟན་པའི་གསང་བ་འམ། སེམས་ཅན་བསྡུ་བ་དང་། ཚར་གཅད་པ་གསང་བ་འམ། ཐེག་པ་ཐ་དད་པ་གསང་བ་འམ། སེམས་ཅན་གྱི་སྤྱོད་པ་དང་། དབང་པོ་རྣམ་པར་ཕྱེ་བ་གསང་བ་འམ། ལས་དང་བྱ་བ་ལ་འཇུག་པ་
D44.036.0266a07.01