完整藏文原文 · 德格版页 当前仅加载第 36 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོས་སྒྱུར་བའི་རྒྱན་བཟང་ཡོངས་སུ་བྱང་བ་བཞིན། །དེ་ཡི་འོད་ཀྱང་ཉོན་མོངས་ཐིབས་པོ་སྣང་བར་བྱེད། །ཚངས་པའི་འོད་ཀྱིས་སྟོང་གཉིས་འཇིག་རྟེན་ཇི་བཞིན་ནོ། །འདི་ལ་གནས་པ་ལེགས་ལྡན་ཚངས་ཆེན་འཇིག་རྟེན་དུ། །སྐྱེ་འགྱུར་
D44.036.0260b01.01ཐེག་གསུམ་སྟོན་ལ་མཁས་ཤིང་མཐུ་ཡོད་པ། །འགྲོ་བ་ཀུན་ལ་ཕན་ཕྱིར་ཅི་རྩོམ་གང་ཡང་རུང་། །ཡོན་ཏན་ཤེས་ལྡན་བདེ་གཤེགས་ཡེ་ཤེས་ལྡན་པར་སྔོ། །གྲངས་མེད་ཞིང་དུ་གཏོགས་པ་རྡུལ་ཕྲན་དུ་ཡོད་པ། །དེ་སྙེད་ཏིང་འཛིན་སྐད་ཅིག་
D44.036.0260b02.01གཅིག་ཏུ་བརྟན་པས་འཐོབ། །ཕྱོགས་རྣམས་ཀུན་གྱི་རྒྱལ་བ་མཐོང་ཞིང་གསུང་ཡང་ཉན། །ཡན་ཅད་སྨོན་ལམ་ལྡན་པ་ཚད་མེད་རྣམ་པར་འཕྲུལ། །འདི་ནི་ས་རབ་དགུ་པ་སྟེ། །ཡེ་ཤེས་ཆེན་པོ་རྣམ་པར་སྤྱོད། །ཟབ་ཅིང་བལྟ་དཀའ་ཤིན་ཏུ་ཕྲ། །
D44.036.0260b03.01རྒྱལ་བའི་སྲས་ཀྱིས་བསྟན་པ་ཡིན། །ལེགས་པའི་བློ་གྲོས་ཤེས་བྱ་བ་སྟེ། བྱང་ཆུབ་སེམས་དཔའི་ས་དགུ་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་པའོ། །
D44.036.0260b04.01སྤྱོད་པ་བླ་ན་མེད་པ་འདི་ཐོས་ནས། །གཙང་གནས་ལྷ་རྣམས་བྱེ་བ་རབ་ཏུ་དགའ། །དབང་པོ་ཚིམ་པར་བར་སྣང་མཁའ་ལ་གནས། །བདེ་བར་གཤེགས་ལ་རྗེ་སར་མཆོད་པ་བྱེད། །བྱང་ཆུབ་སེམས་དཔའ་བྱེ་བ་བསམ་ཡས་པ། །བར་སྣང་མཁའ་གནས་
D44.036.0260b05.01རབ་ཏུ་དགར་གྱུར་ཅིང་། །སྤོས་སྤྲིན་ཚད་མེད་ཡིད་དུ་འོང་བ་དག །འགྲོ་བའི་ཉོན་མོངས་སེལ་བ་དྲི་ཞིམ་བདུག་པ་བྱེད། །ལྷ་ཡི་དབང་པོ་དབང་བསྒྱུར་རབ་དགའ་ཞིང་། །བར་སྣང་གནས་ལས་ལྷ་འཁོར་ཁྲག་ཁྲིག་དང་། །རིམ་གྲོ་བཅས་པར་གོས་རྣམས་
D44.036.0260b06.01འདོར་བར་བྱེད། །ཡིད་འོང་གོས་བརྒྱ་ཡོངས་སུ་བསྐོར་བ་བྱས། །ལྷ་ཡི་བུ་མོ་མང་པོ་ཤིན་ཏུ་དགའ། །བདེ་བར་གཤེགས་ལ་རྗེས་སུ་མཆོད་པ་བྱེད། །རོལ་མོ་བརྡུང་བ་བྱེ་བ་ཁྲག་ཁྲིག་བྱེད། །འདི་འདྲའི་སྒྲ་དབྱངས་ཀུན་ལས་བྱུང་བར་གྱུར། །ཞིང་མཆོག་
D44.036.0260b07.01