完整藏文原文 · 德格版页 当前仅加载第 36 函德格 354a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་པའི་ལྷ་རྣམས་སུ་འདི་དག་ནི་སུམ་ཅུ་རྩ་གསུམ་པའི་ལྷའོ། །འདི་དག་ནི་གླང་པོའི་རྒྱལ་པོ་ཤུགས་དང་ལྡན་པའོ་ཞེས་བྱ་བར་རྣམ་པར་བརྟག་ཏུ་མེད་དོ། །སུམ་ཅུ་རྩ་གསུམ་པའི་ལྷ་རྣམས་དང་གླང་པོའི་རྒྱལ་པོ་ཤུགས་
D44.036.0354a01.01དང་ལྡན་པར་འདྲའོ། །གླང་པོའི་རྒྱལ་པོ་ཤུགས་དང་ལྡན་པ་དང་། སུམ་ཅུ་རྩ་གསུམ་པའི་ལྷ་རྣམས་སུ་འདྲའོ། །ཀྱེ་རྒྱལ་བའི་སྲས་དག་དེ་ལྟར་གླང་པོའི་རྒྱལ་པོ་ཤུགས་དང་ལྡན་པ་གསེར་གྱི་ལོགས་ཀྱི་རི་རིན་པོ་ཆེ་བདུན་གྱི་རང་བཞིན་
D44.036.0354a02.01གྱི་ལུང་པ་ནས་དགའ་བ་སྣ་ཚོགས་མངོན་པར་སྤྲུལ་པ་བྱས་ཏེ། སུམ་ཅུ་རྩ་གསུམ་པའི་ལྷའི་ནང་དུ་ལྷའི་དབང་པོ་བརྒྱ་བྱིན་གྱི་ལོངས་སྤྱོད་ཀྱི་དོན་དུ་འོངས་ནས་ལྷའི་དབང་པོ་བརྒྱ་བྱིན་ལ་མཆོད་པ་དང་རིམ་གྲོ་བྱ་བ་དང་།
D44.036.0354a03.01བཀུར་སྟི་བྱ་བ་དང་། ཕུ་དུད་བྱ་བའི་ཕྱིར་སུམ་ཅུ་རྩ་གསུམ་པའི་ལྷ་དང་ཐ་མི་དད་པའི་ཚུལ་གྱིས་ལྷའི་དགའ་བ་ལ་སྤྱོད་པ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་
D44.036.0354a04.01དང་སྨོན་ལམ་ལ་བརྩོན་པ། བྱང་ཆུབ་སེམས་དཔའི་ཏིང་ངེ་འཛིན་རིན་པོ་ཆེའི་རྒྱན་གྱིས་བརྒྱན་པ། བྱང་ཆུབ་སེམས་དཔའི་ཡོན་ཏན་བྱང་ཆུབ་ཀྱི་ཡན་ལག་བདུན་ཤིན་ཏུ་གནས་པ། འོད་གཟེར་ཀུན་ཏུ་འགྱེད་པའི་ལུས་དང་ལྡན་
D44.036.0354a05.01པ། ཆོས་ཀྱི་དྲིལ་གྱི་སྒྲ་ཀུན་ཏུ་སྒྲོག་པའི་དབྱངས་དང་ལྡན་པ། ཆོས་ཀྱི་རྒྱལ་མཚན་རབ་ཏུ་བསྒྲེང་བའི་རྒྱལ་མཚན་ཅན། སྙིང་རྗེའི་ལུང་པའི་གནས་ན་འདུག་པ། མཐུ་བོ་ཆེའི་སྟོབས་ཀྱི་ལུས་ཀྱི་ཁྱད་པར་ཅན། ཐེག་པ་ཆེན་པོའི་
D44.036.0354a06.01སྨོན་ལམ་གྱི་མཆེ་བ་དང་ལྡན་པ། དྲག་ཤུལ་གྱི་སེང་གེས་བག་ཚ་བ་མེད་པ། ཡེ་ཤེས་ཀྱི་རྒྱུད་ཀྱི་ཆོས་ཀྱི་ཅོད་པན་བཏགས་པ། གསང་བའི་གནས་ཐམས་ཅད་ནས་རབ་ཏུ་བྱུང་བ། བྱང་ཆུབ་སེམས་དཔའི་སྤྱོད་པ་དང་སྨོན་ལམ་གྱིས་སྐྱོ་བ་{མྱེད་,མེད་}
D44.036.0354a07.01