完整藏文原文 · 德格版页 当前仅加载第 36 函德格 366a 版页；藏文 NFD、目录标记与异常页序保留在来源切片中，重复版页行以稳定序号区分。
{མྱེད་,མེད་}དོ། །ཆོས་ལ་རབ་ཏུ་རྟོག་པ་མེད་དོ། །ཡི་གེ་ཡོངས་སུ་སྒྲུབ་པ་མེད་དོ། །ཞི་བའི་རྗེས་སུ་ཤིན་ཏུ་འབྲང་ངོ་། །སྨོན་ལམ་ཡོངས་སུ་མི་གཏོང་ངོ་། །དོན་གྱི་ཚུལ་ལ་རྣམ་པར་ལྟའོ། །ཆོས་
D44.036.0366a01.01ཀྱི་ཚུལ་ལ་རབ་ཏུ་འཇུག་གོ །ཆོས་ཀྱི་སྤྲིན་ཀུན་ནས་སློང་ངོ་། །ཆོས་ཡོངས་སུ་འབབ་པའི་ཡི་གེའི་ཆར་མངོན་པར་འབེབས་སོ། །ཚུལ་བརྗོད་དུ་མེད་པ་ལ་འཇུག་གོ །ཐ་དད་པ་ཡང་དག་པར་ཤེས་པ་ཟད་མི་ཤེས་པ་དོན་གྱི་ཚུལ་རབ་ཏུ་
D44.036.0366a02.01བརྗོད་ཅིང་ཆོས་ཀྱི་ཚུལ་མངོན་པར་སྟོན་པས་ཆོས་ཐམས་ཅད་ཀྱི་ངེས་པའི་ཚིག་ལ་མཁས་པ་དང་། ཆོས་ཐམས་ཅད་སྤོབས་པས་ཐབས་མཁས་པའི་ཚུལ་བརྗོད་དུ་མེད་པའི་ཡང་བརྗོད་དུ་མེད་པ་ལ་རབ་ཏུ་འཇུག་གོ །བྱམས་པ་ཆེན་
D44.036.0366a03.01པོ་རྣམ་པར་དག་པ་དང་ལྡན་ཞིང་སྙིང་རྗེ་ཆེན་པོ་རབ་ཏུ་ཐོབ་པ། ཡི་གེ་མེད་པའི་ཡུལ་དང་ལྡན་པ། ཡི་གེ་མངོན་པར་བསྒྲུབ་པའི་དོན་ལ་བརྩོན་ཞིང་འགལ་བ་མེད་པ། རང་གཞན་གྱི་ཆོས་ལ་བརྩོན་པ་ཆོས་ཐམས་ཅད་རྟེན་ཅིང་འབྲེལ་བར་འབྱུང་བར་
D44.036.0366a04.01སྟོན་པས་གོས་པ་མེད་པ། བརྗོད་པ་ཐམས་ཅད་ཀྱི་རྗེས་སུ་སོང་བའི་སྤོབས་པ་དང་ལྡན་པ། དེ་ཆོས་ཐམས་ཅད་ཟད་མི་ཤེས་པའི་སྤོབས་པས་སྟོན་ཏོ། །བརྗོད་དོ། །རྣམ་པར་འགོད་དོ། །ཡང་དག་པར་སྟོན་ཏོ། །འགྲེལ་ཏོ། །རྣམ་པར་
D44.036.0366a05.01འགྱེད་དོ། །འབྱིན་ཏོ། །ཁོང་དུ་ཆུད་པར་བྱེད་དོ། །རབ་ཏུ་སྟོན་ཏོ། །རྟོགས་པར་བྱེད་དོ། །རབ་ཏུ་སྒྲུབ་བོ། །རྣམ་པར་སྦྱོང་ངོ་། །ཐེ་ཙོམ་སེལ་ཏོ། །དོགས་པ་གཅོད་དོ། །དེ་ཁོ་ན་སྟོན་ཏོ། །རང་བཞིན་རྗོད་དོ། །འགྲོ་བ་ལ་ཕན་
D44.036.0366a06.01འདོགས་སོ། །ཆོས་ཉིད་ལས་མི་ཉམས་སོ། །མི་གཉིས་པ་ལ་འཇུག་གོ །ཆགས་པ་མེད་པའི་སྒོ་སྟོན་ཏོ། །དབྱངས་ཀྱི་ཡན་ལག་ཐམས་ཅད་ཡང་དག་པར་བསྒྲུབ་པས་རབ་ཏུ་འཇོམ་པའི་སྒྲས་སྒྲའི་ཆར་ཡང་བསམ་པ་ཇི་ལྟ་བུའི་དུས་
D44.036.0366a07.01