完整藏文原文 · 德格版页 当前仅加载第 36 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་ཤིན་ཏུ་གནས་པས་བརྟན་པ་ཞེས་བྱ་བ་དང་། ཡེ་ཤེས་དང་མངོན་པར་ཤེས་པའི་སྒོ་ཞེས་བྱ་བ་དང་། ཆོས་ཀྱི་དབྱིངས་ཡོངས་སུ་སྦྱངས་པ་ཞེས་བྱ་བ་དང་། དེ་བཞིན་གཤེགས་པའི་ཡོན་ཏན་ཞེས་བྱ་བ་དང་། དོན་སྣ་ཚོགས་ཀྱི་མཛོད་
D44.036.0233b01.01འཁོར་བ་དང་། མྱ་ངན་ལས་འདས་པའི་སྒོ་ཞེས་བྱ་བ་ལ་ཡང་མཉམ་པར་གཞོག་སྟེ། དེ་དག་ལ་{སྩོགས་,སོགས་}པ་མངོན་པར་ཤེས་པ་དང་། ཡེ་ཤེས་ཆེན་པོའི་སྒོའི་ཏིང་ངེ་འཛིན་ས་ཡོངས་སུ་སྦྱོང་བར་བྱེད་པ། བརྒྱ་སྟོང་ཕྲག་བཅུ་ཚང་བ་ལ་སྙོམས་
D44.036.0233b02.01པར་འཇུག་གོ །དེ་ཐབས་དང་། ཤེས་རབ་ཀྱིས་ཡོངས་སུ་སྦྱངས་པའི་ཏིང་ངེ་འཛིན་དེ་དག་རབ་ཏུ་ཐོབ་པ་དང་། སྙིང་རྗེ་དང་སྙིང་བརྩེ་བའི་མཐུས་ཉན་ཐོས་ཀྱི་ས་ལས་འདས་པ་ཡིན། རང་སངས་རྒྱས་ཀྱི་ས་ལས་འདས་པ་ཡིན།
D44.036.0233b03.01ཤེས་རབ་དང་ཡེ་ཤེས་ཀྱིས་རྣམ་པར་དཔྱད་པའི་ས་མངོན་སུམ་དུ་གྱུར་པ་ཡིན། དེ་ལྟར་དེ་བྱང་ཆུབ་སེམས་དཔའི་ས་བདུན་པ་འདི་ལ་གནས་པའི་ཚེ། ལུས་ཀྱི་ལས་ཚད་མེད་པ་མཚན་མ་དང་བྲལ་བ་རབ་ཏུ་འབྱུང་ངོ་། །ངག་གི་ལས་ཚད་མེད་
D44.036.0233b04.01པ་མཚན་མ་དང་བྲལ་བ་རབ་ཏུ་འབྱུང་ངོ་། །ཡིད་ཀྱི་ལས་ཚད་མེད་པ་མཚན་མ་དང་བྲལ་བ་ཤིན་ཏུ་རྣམ་པར་སྦྱངས་བ་མི་སྐྱེ་བའི་ཆོས་ཀྱི་བཟོད་པས་སྣང་བར་གྱུར་བ་ཚད་མེད་པ་རབ་ཏུ་འབྱུང་ངོ་། །བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བས་སྨྲས་
D44.036.0233b05.01པ། ཀྱེ་རྒྱལ་བའི་སྲས་དེ་ལྟ་གོ་བྱང་ཆུབ་སེམས་དཔའི་ས་དང་པོ་ལ་གནས་པའི་ཚེ་འང་བྱང་ཆུབ་སེམས་དཔའི་ལུས་དང་ངག་དང་ཡིད་ཀྱི་ལས་ཚད་མེད་པ། ཉན་ཐོས་དང་རང་སངས་རྒྱས་ཀྱི་སྤྱོད་པ་ལས་ཡང་དག་པར་
D44.036.0233b06.01འདས་ན་ཇི་རོབ། བྱང་ཆུབ་སེམས་དཔའ་རྡོ་རྗེའི་སྙིང་པོས་སྨྲས་པ། ཀྱེ་རྒྱལ་བའི་སྲས་དེ་ལྟའང་མ་ཡིན་ཏེ། དེ་ནི་སངས་རྒྱས་ཀྱི་ཆོས་ལ་དམིགས་པའི་མཐུར་ཟད་ཀྱི་རང་གི་བློ་ས་རྣམ་པར་དཔྱད་པ་ནི་མ་ཡིན་ནོ། །བྱང་ཆུབ་
D44.036.0233b07.01