完整藏文原文 · 德格版页 当前仅加载第 36 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ཆོས་ཀྱི་སྤྲིན་གྱི་ཆར་འབེབས་པ་ཡིན། ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། བརྒྱ་བྱིན་མངོན་པར་དགའ་བའི་ནོར་བུ་རིན་པོ་ཆེ་ནི། ལྷའི་རྒྱལ་པོའི་སྤྱི་བོ་ལ་བཏགས་ན། ནོར་བུ་དེའི་བྱིན་གྱིས་ལྷའི་དབང་པོ་བརྒྱ་བྱིན་
D44.036.0311b01.01འོད་དང་ལྡན་པར་འགྱུར་བ་སྟེ། ནོར་བུ་རིན་པོ་ཆེ་བདོག་པས་ལྷའི་རྒྱལ་པོ་བརྒྱ་བྱིན་ཆོས་བཅུས་སུམ་ཅུ་རྩ་གསུམ་པའི་ལྷ་ཐམས་ཅད་ཟིལ་གྱིས་གནོན་ཏེ། བཅུ་གང་ཞེ་ན། སུམ་ཅུ་རྩ་གསུམ་རིས་ཀྱི་ལྷའི་བུ་གཞན་ཐམས་ཅད་ཀྱི་ལྷ་རྫས་
D44.036.0311b02.01ལས་འདས་པའི་མདོག་དང་། ལྷ་རྫས་ལས་འདས་པའི་གཟུགས་དང་། ལྷ་རྫས་ལས་འདས་པའི་བལྟ་ན་མཛེས་པ་དང་། ལྷ་རྫས་ལས་འདས་པའི་འཁོར་དང་། ལྷ་རྫས་ལས་འདས་པའི་ལོངས་སྤྱོད་དང་། ལྷ་རྫས་ལས་འདས་པའི་རྫུ་
D44.036.0311b03.01འཕྲུལ་དང་། ལྷ་རྫས་ལས་འདས་པའི་དབང་ཆེན་པོ་དང་། ལྷ་རྫས་ལས་འདས་པའི་སྤྱོད་པ་དང་། ལྷ་རྫས་ལས་འདས་པའི་བློ་གྲོས་དང་། ལྷ་རྫས་ལས་འདས་པའི་ཤེས་རབ་སྟེ། དེ་ནི་ལྷ་རྫས་ལས་འདས་པའི་བསོད་ནམས་རབ་ཏུ་
D44.036.0311b04.01གྲུབ་པས་ནོར་བུ་རིན་པོ་ཆེ་དེ་ཐོབ་པའི་ཕྱིར་རོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་དེ་ཡང་ཏིང་ངེ་འཛིན་འདི་ཐོབ་པས་ཡེ་ཤེས་ཀྱི་ཚོགས་ཆེན་པོ་ཡངས་པའི་གཏེར་ཆེན་པོ་བཅུ་འཐོབ་བོ། །བཅུ་གང་ཞེ་ན། འདི་ལྟ་སྟེ་
D44.036.0311b05.01སངས་རྒྱས་ཀྱི་ཞིང་ཐམས་ཅད་སྣང་བར་བྱ་བའི་ཡེ་ཤེས་རབ་ཏུ་འཐོབ་བོ། །འདི་ལྟ་སྟེ་སེམས་ཅན་གྱི་ཁམས་ཐམས་ཅད་དུ་སྐྱེ་ཞིང་འབྱུང་བའི་ཡེ་ཤེས་རབ་ཏུ་འཐོབ་བོ། །འདི་ལྟ་སྟེ། དུས་གསུམ་དུ་སྤྲུལ་པའི་བྱིན་གྱིས་བརླབས་པའི་ཡེ་ཤེས་
D44.036.0311b06.01རབ་ཏུ་འཐོབ་བོ། །འདི་ལྟ་སྟེ་སངས་རྒྱས་ཐམས་ཅད་ཀྱི་སྐུའི་བྱིན་གྱིས་བརླབས་པའི་ཡེ་ཤེས་རབ་ཏུ་འཐོབ་བོ། །འདི་ལྟ་སྟེ། ཆོས་ཐམས་ཅད་རྟོགས་པར་རིག་པའི་ཡེ་ཤེས་རབ་ཏུ་འཐོབ་བོ། །འདི་ལྟ་སྟེ། ཆོས་ཐམས་ཅད་ཉེ་བར་སྟོན་པའི་ཆོས་
D44.036.0311b07.01