完整藏文原文 · 德格版页 当前仅加载第 36 函德格 387a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །བརྗོད་དུ་མེད་པ་བསྐལ་པར་བརྗོད་བྱས་ཀྱང་། །བརྗོད་དུ་མེད་ལ་མཐར་ཐུག་གང་ཡང་མེད། །བརྗོད་དུ་མེད་པའི་སངས་རྒྱས་ཞིང་གི་རྣམས། །ཐམས་ཅད་བཤིག་སྟེ་རྡུལ་དུ་ཀུན་བླགས་ཤིང་། །
D44.036.0387a01.01གཅིག་རྩེ་ལའང་གཅིག་པོ་བརྗོད་མེད་པར། །ཐམས་ཅད་བརྗོད་དུ་མེད་པར་རབ་ཏུ་འཇུག །ཞིང་རྣམས་བརྗོད་དུ་མེད་པའི་བརྗོད་མེད་པ། །སྐད་ཅིག་སེམས་ཀྱིས་ཀུན་ཀྱང་རབ་ཏུ་འཇིག །སྐད་ཅིག་རེ་རེར་འཇིག་པ་བརྗོད་དུ་མེད། །
D44.036.0387a02.01འཇིག་པས་བསྐལ་པ་མང་པོ་ཟད་པར་བྱེད། །དབྱེ་བའི་བྱེ་བྲག་དབྱེ་བ་བརྗོད་དུ་མེད། །རྡུལ་ལ་འཇུག་པ་བརྗོད་དུ་མེད་པ་སྟེ། །བགྲང་བའི་ཚུལ་གྱིས་བརྗོད་དུ་མེད་པ་ཡི། །བསྐལ་པ་བརྗོད་དུ་མེད་པ་ཟད་པར་བྱེད། །རྡུལ་དང་རྡུལ་
D44.036.0387a03.01ལ་མཚན་ཉིད་བརྗོད་དུ་མེད། །བརྗོད་དུ་མེད་པའི་རྡུལ་རྣམས་ཀུན་བཟུང་སྟེ། །བསྐལ་པ་ཀུན་ཏུ་བཟང་པོ་བསྟོད་བྱས་ཀྱང་། །ཀུན་ཏུ་བཟང་པོ་དེ་བསྔགས་མཐར་མི་འཇུག །བརྗོད་དུ་མེད་པའི་ཀུན་ཏུ་བཟང་པོ་རྣམས། །སྐྲ་
D44.036.0387a04.01རྩེ་རེ་རེ་ཀུན་ལ་ཡང་དག་འཇུག །སྐྲ་རྩེ་གཅིག་བཞིན་ཡུལ་རྣམས་ཀུན་ལ་སྟེ། །ཆོས་དབྱིངས་མ་ལུས་ཇི་སྙེད་དེ་བཞིན་ནོ། །སྐྲ་རྩེ་རེ་རེར་ཞིང་གི་ཁམས་ཀྱི་རྣམས། །བརྗོད་དུ་མེད་པར་ཡང་དག་འཛུད་པར་བྱེད། །མཁའ་
D44.036.0387a05.01དབྱིངས་སྐྲ་ཡི་རྩེ་མོས་གཞལ་དུ་རུང་། །ཞིང་རྣམས་ཐམས་ཅད་བརྗོད་དུ་མེད་པའོ། །སྐྲ་རྩེ་དེ་ལ་སངས་རྒྱས་ཞིང་གི་རྣམས། །རྣམ་པ་སྣ་ཚོགས་རྣམ་པར་ཕྱེ་བ་མང་། །བསྐལ་པ་མི་མཐུན་ཞིང་རྣམས་བརྗོད་དུ་མེད། །
D44.036.0387a06.01བསྐལ་པ་མཐུན་པའི་ཞིང་ཡང་བརྗོད་དུ་མེད། །སྐྲ་རྩེ་གཅིག་པོ་དེ་ལ་བརྗོད་མེད་པའི། །ཞིང་རྣམས་དག་པ་བརྗོད་དུ་མེད་པ་དང་། །སྣ་ཚོགས་རྒྱན་རྣམས་བརྗོད་དུ་མེད་པ་འགོད། །རྣམ་པ་དུ་མ་ཐ་དད་བརྗོད་དུ་མེད། །མིང་གི་
D44.036.0387a07.01