完整藏文原文 · 德格版页 当前仅加载第 36 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་སྣ་བརྒྱས་སེམས་བསྐོར་ཅིང་། །ཉོན་མོངས་བསྒྲིབས་དང་རྣམ་པར་ལྟ་དང་འདོད་ཉམས་པ། །བདེ་གཤེགས་ཆོས་ཀྱི་དགའ་བ་སྟོར་བའི་བྱིས་པ་རྣམས། །འཁོར་བའི་རྒྱུད་དུ་འབབ་ཅིང་ཐར་བས་
D44.036.0203a01.01སྔངས་གྱུར་པ། །བདག་གིས་སྐྱབས་པ་ཡིན་ཞེས་བརྩོན་འགྲུས་དམ་དུ་རྩོམ། །ཡེ་ཤེས་འདོད་པས་ལྟོས་པ་མེད་པར་འགྲོ་དོན་བྱེད། །གང་རྒྱུས་རྣམ་ཐར་ལམ་གྱི་རྒྱུ་ནི་གང་ཞེས་རྟོག །བདེ་གཤེགས་ཡེ་ཤེས་བསྒྲིབས་པ་མེད་ལས་གཞན་མེད་ན། །
D44.036.0203a02.01བདེ་གཤེགས་ཡེ་ཤེས་དེ་ཡང་ཤེས་རབ་མཐུས་འབྱུང་སྟེ། །ཤེས་རབ་ཐོས་ལས་འབྱུང་བར་བྱང་ཆུབ་སེམས་དཔའ་རྟོག །དེ་ལྟར་ཤེས་ནས་ཐོས་དོན་སྤྱད་པར་བརྩོན་འགྲུས་རྩོམ། །ཉིན་མཚན་ཉན་པའི་རྒྱུར་སྤྱོད་བྱ་བ་གཞན་{མྱེད་,མེད་}པར། །ཆོས་ཀྱི་དོན་
D44.036.0203a03.01གཉེར་ཆོས་ལ་རབ་ཏུ་བརྟེན་པ་ཡིན། །ནོར་བུ་མུ་ཏིག་རིན་ཆེན་ཚོགས་དང་མཛའ་གཉེན་དང་། །སྲིད་ལོངས་དུ་མ་ཕོ་བྲང་ཕུན་ལྡན་དམ་པ་དང་། །ཆུང་མ་དག་དང་བུ་དང་མཐུན་པར་སྤྱོད་པའི་འཁོར། །ལྟོས་མེད་སེམས་ཀྱིས་མཁས་པ་ཆོས་ཀྱི་དོན་དུ་གཏོང་།
D44.036.0203a04.01མགོ་དང་རྐ་ལག་{མྱིག་,མིག་}དང་དེ་བཞིན་བདག་གི་ཤ། །ལྕེ་དང་མཆེ་བ་རྣ་བ་སྣ་དང་ཁྲག་རྣམས་དང་། །ཕངས་པའི་རྐང་དང་སྙིང་ཕྱུང་ཡོངས་སུ་གཏོང་བ་བྱེད། །འདི་ནི་དཀའ་བར་མི་བརྩི་ཐོས་པ་དེ་དཀར་བརྩི། །ལ་ལ་དེ་དྲུང་འོངས་ཤིང་འདི་སྐད་སྨྲར་གྱུར་
D44.036.0203a05.01ཏེ། །དེ་སྟེ་མེ་ལྕེ་མི་ཟད་འབར་དོང་མཆོང་ཕོད་ན། །བདེ་གཤེགས་བསྟན་ཆོས་རིན་ཆེན་བཤད་དོ་ཞེས་ན་ཡང་། །ཐོས་ནས་མི་དམའི་ཡིད་ཀྱིས་ཡོན་ཏན་དོན་དུ་མཆོང་། །ཆོས་ཀྱི་ཚིག་གཅིག་དོན་དུ་རི་རབ་རྩེས་བརྟག་པར། །སྟོང་གསུམ་མེས་
D44.036.0203a06.01བཀང་ཚངས་རིས་ཡུལ་ནས་མཆོངས་གྱུར་ཀྱང་། །ད་དུང་རྒྱལ་བའི་བྱང་ཆུབ་ཡངས་པ་ཐོབ་དཀའ་ན། །དེ་སྟེ་ཐ་མལ་མི་བདེས་རྙེད་འགྱུར་ཤིན་ཏུ་བདེ། །དྲང་སྲོང་མཆོག་གི་ཡེ་ཤེས་འཐོབ་འགྱུར་ཇི་སྲིད་པ། །དེ་སྲིད་བར་དུ་མནར་མེད་སྡུག་བསྔལ་
D44.036.0203a07.01