完整藏文原文 · 德格版页 当前仅加载第 36 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་འདུག་པ་མཐོང་བ་དང་། ལྗང་པ་དགའ་དགའ་ལྟར་འདུག་པ་དང་། མེ་ཏོག་དགའ་དགའ་ལྟར་འདུག་པ་དང་། སྤོས་ཡིད་དུ་འོང་བ་དང་། ཤིང་ཏོག་དགའ་དགའ་ལྟར་འདུག་པ་དང་། གོས་ཡིད་དུ་འོང་བ་དང་། རིན་པོ་ཆེ་དགའ་དགའ་ལྟར་འདུག་
D44.036.0110b01.01པ་དང་། རྒྱན་དགའ་དགའ་ལྟར་འདུག་པ་དང་། ལྡུམ་ར་དགའ་དགའ་ལྟར་འདུག་པ་དང་། གྲོང་ཁྱེར་དགའ་དགའ་ལྟར་འདུག་པ་དང་། ལྗོངས་དགའ་དགའ་ལྟར་འདུག་པ་དང་། རྒྱལ་པོའི་གནས་དགའ་དགའ་ལྟར་འདུག་པ་དང་།
D44.036.0110b02.01ཁམས་དགའ་དགའ་ལྟར་འདུག་པ་དང་། ཡུལ་དགའ་དགའ་ལྟར་འདུག་པ་དང་། རྒྱལ་པོའི་སྲིད་དགའ་དགའ་ལྟར་འདུག་པ་དང་། དབང་དགའ་དགའ་ལྟར་སྒྱུར་བ་དང་། ཕྱོགས་དགའ་དགའ་ལྟར་འདུག་པ་དང་། འཁོར་དགའ་དགའ་ལྟར་
D44.036.0110b03.01འདུག་པ་དང་། འབྲོག་དགའ་དགའ་ལྟར་འདུག་པ་དག་མཐོང་ན། བྱང་ཆུབ་སེམས་དཔའ་ཐབས་དང་ཡེ་ཤེས་ལ་བརྩོན་པ་བསོད་ནམས་དམ་པས་བྱུང་བ། དགེ་བའི་རྩ་བ་དོན་དུ་གཉེར་བ་འགྲོ་བ་ཀུན་ཏུ་བག་ཡོད་པར་སྤྱོད་པ། ལེགས་པར་བསྟན་
D44.036.0110b04.01པའི་དགེ་བའི་རྩ་བ་ལ་བརྩོན་པ་རྒྱ་མཚོ་ལྟ་བུ་ཤིན་ཏུ་དབེན་པ། དགེ་བའི་རྩ་བ་ཟད་མི་ཤེས་པ་ཐམས་ཅད་དང་ལྡན་པ། བསོད་ནམས་ཀྱི་འབྱུང་གནས་དང་ལྡན་པ། དགེ་བའི་རྩ་བ་ཐམས་ཅད་ཐ་མི་དད་པ་ལ་མཁས་པས་ཡོངས་སུ་བསྔོ་བ།
D44.036.0110b05.01རྣམ་པ་མཐའ་ཡས་པའི་དགེ་བའི་རྩ་བ་ཐམས་ཅད་བསྔོ་བ་མཐོང་བ་དང་། རྣམ་པར་སྤྱོད་པའི་ཡེ་ཤེས་དང་ལྡན་པ་སེམས་ཅན་ཐམས་ཅད་ལ་སེམས་པས་དམིགས་པ། ཆུད་མི་ཟ་བའི་དགེ་བའི་རྩ་བ་དང་ལྡན་པ། སེམས་ཅན་ཐམས་ཅད་ཀྱི་ཚད་
D44.036.0110b06.01ཀྱིས་ཀླས་པར་རྒྱུན་མི་འཆད་ཅིང་དེ་བཞིན་ཉིད་དང་མཉམ་པའི་དགེ་བའི་རྩ་བ་དང་ལྡན་པ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་ཆོས་ཉིད་ཇི་ལྟ་བ་བཞིན་དུ་ཡོངས་སུ་འཛིན་པའི་ཆོས་ཉིད་ཀྱི་ངང་ཚུལ་
D44.036.0110b07.01