完整藏文原文 · 德格版页 当前仅加载第 36 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དག་པར་བྱིན་གྱིས་རློབ་བོ། །རྣམ་པར་དག་པ་ཀུན་ནས་ཉོན་མོངས་པར་བྱིན་གྱིས་རློབ་བོ། །དེ་བཞིན་དུ་རྒྱ་ཆེན་པོ་དང་ཤིན་ཏུ་ཡངས་པ་དང་། ཚད་མེད་པ་དང་། ཕྲ་བ་དང་། ཐ་གྲུ་ཆེན་པོ་དང་། སྣྲེལ་ཞི་དང་། སྤྱིའུ་ཚུགས་
D44.036.0270a01.01དང་། གཞི་མཉམ་པ་ལ་སོགས་པའི་འཇིག་རྟེན་གྱི་ཁམས་ཐམས་ཅད་ཀྱང་ཁྱུ་མཆོག་གི་མཐུ་ཕྱུང་བས་མངོན་པར་བསྒྲུབ་པ་དེ་དང་དེར་བྱིན་གྱིས་རློབ་བོ། །དེ་འདོད་ན་རྡུལ་ཤིན་ཏུ་ཕྲ་བ་གཅིག་ལ་འཇིག་རྟེན་གྱི་ཁམས་ཁོར་ཡུག་གི་འོབས་དང་བཅས་པ་རྣམ་པ་ཐམས་
D44.036.0270a02.01ཅད་དང་ལྡན་པ་གཅིག་ཀྱང་བྱིན་གྱིས་རློབ་སྟེ། རྡུལ་ཤིན་ཏུ་ཕྲ་བ་དེའང་{མྱི་,མི་}འཕེལ་ལ་བྱ་བ་དེ་དག་ཀྱང་ཡོངས་སུ་སྟོན་ཏོ། །རྡུལ་ཤིན་ཏུ་ཕྲ་བ་གཅིག་ལ་འཇིག་རྟེན་གྱི་ཁམས་གཉིས་དང་གསུམ་དང་བཞི་དང་ལྔ་ནས་འཇིག་རྟེན་གྱི་ཁམས་བརྗོད་དུ་མེད་པའི་བར་
D44.036.0270a03.01དུ་ཐམས་ཅད་ཀྱང་ཁོར་ཡུག་གི་འོབས་དང་བཅས་པ་རྣམ་པ་ཐམས་ཅད་དང་ལྡན་པར་བྱིན་གྱིས་རློབ་སྟེ། རྡུལ་ཤིན་ཏུ་ཕ་བ་དེ་ཡང་མི་འཕེལ་ལ་བྱ་བ་དེ་དག་ཀྱང་ཡོངས་སུ་སྟོན་ཏོ། །འདོད་ན་འཇིག་རྟེན་གྱི་ཁམས་གཅིག་ཏུ་འཇིག་རྟེན་གྱི་ཁམས་གཉིས་
D44.036.0270a04.01ཀྱི་རྒྱུན་ཡོངས་སུ་སྟོན་ཏོ། །འདོད་ན་འཇིག་རྟེན་གྱི་ཁམས་བརྗོད་དུ་མེད་པའི་བར་གྱི་རྒྱུན་ཡོངས་སུ་སྟོན་ཏོ། །འདོད་ན་འཇིག་རྟེན་གྱི་ཁམས་གཅིག་གི་རྒྱན་འཇིག་རྟེན་གྱི་ཁམས་གཉིས་སུ་ཡོངས་སུ་སྟོན་ཏོ། །འདོད་ན་འཇིག་རྟེན་གྱི་ཁམས་བརྗོད་དུ་མེད་
D44.036.0270a05.01པ་དག་ཏུ་ཡང་ཡོངས་སུ་སྟོན་ཏོ། །འདོད་ན་འཇིག་རྟེན་གྱི་ཁམས་བརྗོད་དུ་མེད་པ་དག་ན། སེམས་ཅན་གྱི་ཁམས་ཇི་སྙེད་ཡོད་པ་དེ་དག་ཐམས་ཅད་འཇིག་རྟེན་གྱི་ཁམས་གཅིག་ཏུ་སྡུད་དེ་སེམས་ཅན་དེ་དག་ལ་ཡང་གནོད་པར་{མྱི་,མི་}འགྱུར་རོ། །འདོད་ན་འཇིག་
D44.036.0270a06.01རྟེན་གྱི་ཁམས་གཅིག་ན་སེམས་ཅན་གྱི་ཁམས་ཅི་སྙེད་པ་དེ་དག་འཇིག་རྟེན་གྱི་ཁམས་བརྗོད་དུ་མེད་པར་སྡུད་དེ། སེམས་ཅན་དེ་དག་ལ་ཡང་གནོད་པར་{མྱི་,མི་}འགྱུར་རོ། །འདོད་ན་སྐྲའི་རྩེ་མོ་གཅིག་ལ་སངས་རྒྱས་ཀྱི་ཡུལ་གྱི་རྒྱན་རྣམ་པ་ཐམས་ཅད་དང་ལྡན་པ་གཅིག་སྟོན་ཏོ། །
D44.036.0270a07.01