完整藏文原文 · 德格版页 当前仅加载第 36 函德格 344a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ལྟ་བུ་དང་། དེ་ལྟ་བུའི་ཡུལ་དེ་ལྟར་རྒྱ་ཆེ་བ་དང་། དེ་ལྟར་ཡངས་པ་དང་། དེ་ལྟར་ཚད་མེད་པ་དང་། དེ་ལྟར་བསམ་གྱིས་མི་ཁྱབ་པ་དང་། དེ་ལྟར་འོད་ཀུན་ཏུ་མཐའ་ཡས་པ་དང་།
D44.036.0344a01.01དེ་ལྟར་སངས་རྒྱས་ཐམས་ཅད་མངོན་དུ་གྱུར་པ་དང་། དེ་ལྟར་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ་དང་། དེ་ལྟར་དགེ་བའི་རྩ་བ་ཐམས་ཅད་ཀྱིས་ཡོངས་སུ་གྲུབ་པ་དང་། དེ་ལྟར་མི་འཁྲུགས་པའི་སེམས་དང་
D44.036.0344a02.01ལྡན་པ་ལ་མངོན་པར་བརྩོན་པར་བྱའོ། །ཡོངས་སུ་ཡི་འཆད་པ་མེད་པས་བརྟན་པར་བྱའོ། །སྐྱོ་བ་མེད་པའི་སེམས་ཀྱིས་བསྒྲུབ་པར་བྱའོ། །བསམ་པ་ཕྱིར་མི་ལྡོག་པར་བསྐྱེད་པར་བྱའོ། །གདོན་མི་ཟ་བར་འབྱུང་བས་སྦྱར་བར་བྱའོ། །
D44.036.0344a03.01རྩོམ་པའི་ནན་ཏན་གྱིས་མཐུན་པར་སྤྱད་པར་བྱའོ། །བསམ་གྱིས་མི་ཁྱབ་པའི་ཡེ་ཤེས་ཡོངས་སུ་གནོན་པར་བྱའོ། །སྒྱུའི་ས་ལ་མངོན་པར་ཞེན་པ་མེད་པར་བྱའོ། །འཇིག་རྟེན་གྱི་ཡུལ་ཐམས་ཅད་ལ་མི་གནས་པར་བྱའོ། །
D44.036.0344a04.01ཆོས་ཐམས་ཅད་ལ་ཆགས་པ་མེད་པར་བྱའོ། །རློམ་སེམས་ཐམས་ཅད་ཡང་དག་པར་བསལ་བར་བྱའོ། །དངོས་པོ་ཐམས་ཅད་ལ་ཆགས་པ་མེད་པར་བྱའོ། །དམིགས་པ་ཐམས་ཅད་ལ་རྟོགས་པ་མེད་པར་བྱའོ། །ཆོས་ཁོང་དུ་
D44.036.0344a05.01ཆུད་པར་བྱ་བ་ལ་ཚོད་འཛིན་པ་མེད་པར་བྱའོ། །ཆོས་ཀྱི་ཡེ་ཤེས་རྟོག་པར་ཁོང་དུ་ཆུད་པར་བྱའོ། །ཐམས་ཅད་མཁྱེན་པའི་གདན་ལ་སངས་རྒྱས་སུ་བྱང་ཆུབ་པས་རྨོངས་པ་མེད་པར་བྱའོ། །ཆོས་ཀྱི་སྣང་བ་ཡོངས་སུ་བསྒྲུབ་པར་
D44.036.0344a06.01བྱའོ། །འགྲོ་བ་ཐམས་ཅད་དགེ་བའི་རྩ་བས་ཡོངས་སུ་བསྡུ་བར་བྱའོ། །བདུད་ཀྱི་ཡུལ་ལས་སེམས་ཅན་ཡོངས་སུ་བསྐྱོད་པར་བྱའོ། །ཆོས་ཀྱི་ཡུལ་ལ་སེམས་ཅན་རབ་ཏུ་དགོད་པར་བྱའོ། །སངས་རྒྱས་ཀྱི་ཡུལ་ལ་རབ་
D44.036.0344a07.01