完整藏文原文 · 德格版页 当前仅加载第 36 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་སུ་རྒྱལ་བ་ཀུན་གྱིས་སངས་རྒྱས་པ། །ཀུན་ཀྱང་ཀུན་ཏུ་བཟང་པོ་ཅི་བཞིན་དུ། །ལེགས་སྤྱོད་དམ་པ་མཆོག་ཏུ་ལྡན་གྱུར་ཅིག །ཡོན་ཏན་རྒྱུན་རྣམས་ཇི་སྙེད་གང་ཡང་རུང་། །རྒྱལ་སྲས་རྣམས་དང་རྒྱལ་བས་ཐུགས་ཆུད་པའི། །ཡོན་ཏན་
D44.036.0164b01.01གང་ལ་མཐའ་དང་དབུས་མེད་པའི། །ཡོན་ཏན་དེ་འདྲར་སེམས་ཅན་ཀུན་གྱུར་ཅིག །གང་ཡང་རྫུ་འཕྲུལ་སྟོབས་དང་ལྡན་པ་རྣམས། །འཇུག་པ་ཀུན་ལ་བསླབ་པ་ཀུན་བསླབས་པ། །རྣམ་འཕྲུལ་ཐམས་ཅད་ཡང་དག་སྟོན་པ་རྣམས། །ཕྱོགས་རྣམས་
D44.036.0164b02.01ཐམས་ཅད་རྒྱས་པར་འདོད་གྱུར་ཅིག །སེམས་ཀྱི་སྐད་ཅིག་གཅིག་གིས་རང་བྱུང་རྣམས། །འདྲེན་པ་སེམས་ཅན་ཀུན་དང་མཉམ་མཐོང་སྟེ། །ཆོས་རྣམས་ཐམས་ཅད་མ་ལུས་བསྡུ་བྱས་ཤིང་། །སྐྲ་རྩེ་གཅིག་ཏུ་མི་མགོན་སྡུད་གྱུར་ཅིག །འཇིག་རྟེན་འདི་
D44.036.0164b03.01ན་འགྲོ་བ་གང་རྒྱུ་བ། །གང་རྣམས་མི་ཡི་དམ་པས་མཁྱེན་གྱུར་པ། །དེ་དང་མཉམ་པ་ཐམས་ཅད་མ་ལུས་པའི། །འཇིག་རྟེན་མཁྱེན་ལ་མཆོད་པ་བྱེད་གྱུར་ཅིག །སྤོས་ཀྱི་རྒྱུད་དང་དེ་བཞིན་མེ་ཏོག་དང་། །གོས་ཀྱི་རྒྱུད་དང་དེ་བཞིན་གདུགས་རྣམས་ཀྱིས། །
D44.036.0164b04.01ཆོས་དབྱིངས་མ་ལུས་རྒྱས་པར་དགང་བྱས་ཤིང་། །འཇིག་རྟེན་ཀུན་ཏུ་ཡིད་ཀྱིས་འགེངས་གྱུར་ཅིག །སངས་རྒྱས་མཚན་གྱི་རྣམ་པ་བསམ་ཡས་པ། །སྐྲ་རྩེ་གཅིག་ཏུ་ཐམས་ཅད་བསྡུ་བ་ཡིས། །ལྷག་མ་མེད་པར་ལམ་རྣམས་ཀུན་བསྡུས་ཤིང་། །འཇིག་
D44.036.0164b05.01རྟེན་སྒྲོན་ལ་ཕྱག་འཚལ་གྱུར་བར་ཤོག །རྒྱལ་བ་དེ་དག་ཀུན་ལ་ཕྱག་འཚལ་ཏེ། །ཐམས་ཅད་ལུས་ཀྱི་ཚུལ་གྱིས་འདུད་བྱེད་ཅིང་། །ཕྱོགས་རྣམས་ཀུན་ཏུ་རྒྱལ་བ་ཀུན་བསྟོད་པས། །ཕྱི་མའི་བསྐལ་ཀུན་ཟད་པར་བྱེད་གྱུར་ཅིག །སེམས་ཅན་སྙེད་ཀྱི་ཡིད་
D44.036.0164b06.01ཀྱི་རྣམ་པ་ཡིས། །རྒྱལ་བ་གཅིག་ལ་འང་མཆོད་པ་བྱེད་གྱུར་ཅིག །ཇི་ལྟར་རྒྱལ་བ་གཅིག་མཆོད་དེ་བཞིན་དུ། །སྐྱེས་དབང་མ་ལུས་ཀུན་ལ་འང་མཆོད་གྱུར་ཅིག །དེ་དག་མཆོད་པའི་ཡོན་ཏན་རྗོད་བྱེད་པས། །འགྲོ་བ་ཀུན་ཏུ་བསྐལ་པ་ཟད་གྱུར་ཀྱང་། །
D44.036.0164b07.01