完整藏文原文 · 德格版页 当前仅加载第 36 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྲམ་དེ་ཉིད་མགར་བ་མཁས་པའི་ལག་ན་སྤྱོད་ན་སྲང་གྲངས་ཅི་ཡོད་པའི་ཚད་བཞིན་དུ་འདུག་གོ །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ། བྱང་ཆུབ་སེམས་དཔའི་ས་འོད་བྱེད་པ་འདི་ལ་གནས་པའི་
D44.036.0201b01.01ལོག་པའི་འདོད་ཆགས་ཀྱང་འགྲིབ་པ་མེད་པར་འབྱང་བར་འགྱུར་རོ། །ལོག་པའི་ཞེ་སྡང་ཡང་འགྲིབ་པ་མེད་པར་འབྱང་བར་འགྱུར་རོ། །ལོག་པའི་གཏི་མུག་ཀྱང་འགྲིབ་པ་མེད་པར་འབྱང་བར་འགྱུར་རོ། །དགེ་བའི་རྩ་བ་དེ་དག་ཀྱང་རབ་ཏུ་འབྱང་
D44.036.0201b02.01ཞིང་ཡོངས་སུ་དག་པ་དང་། ལས་སུ་རུང་བར་འགྱུར་རོ། །དེའི་བཟོད་པ་དང་དེས་པ་ཡང་དེ་བས་ཀྱང་ཡོངས་སུ་དག་པར་འགྱུར་རོ། །གྲོགས་ལ་བདེ་ཞིང་ངེས་པའི་བསམ་པ་དང་། མི་འཁྲུགས་པའི་བསམ་པ་དང་། གློང་བ་མེད་པའི་བསམ་པ་དང་།
D44.036.0201b03.01རྙོག་པ་མེད་པའི་བསམ་པ་དང་། མཐོན་དམན་མེད་པའི་བསམ་པ་དང་། སེམས་ཅན་ལ་ཕན་འདོགས་པས་ལན་མི་རེ་བའི་བསམ་པ་དང་། ཕན་བཏགས་པ་ལ་ཕྱིར་ལན་གློན་པའི་བསམ་པ་དང་། གཡོ་མེད་ཅིང་སྒྱུ་མེད་པའི་བསམ་པ་དང་།
D44.036.0201b04.01ཐིབས་པོ་མེད་པའི་བསམ་པ་ཡོངས་སུ་དག་པར་འགྱུར་ཏེ། དེའི་བསྡུ་བའི་དངོས་པོ་བཞི་ལས་དོན་སྒྲུབ་པ་ཤས་ཆེ་བ་ཡིན། ཕ་རོལ་ཏུ་ཕྱིན་པ་བཅུ་ལས་བཟོད་པའི་ཕ་རོལ་ཏུ་ཕྱིན་པ་ཤས་ཆེ་བ་ཡིན་ཏེ། ལྷག་མ་རྣམས་ཀྱང་ཅི་ཚུལ་ཅི་ནུས་སུ་ཡང་
D44.036.0201b05.01དག་པར་མི་བསྒྲུབ་པ་མ་ཡིན་ཏེ་ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའི་ས་འོད་བྱེད་པ་ཞེས་བྱ་བ་སྟེ། བྱང་ཆུབ་སེམས་དཔའི་ས་གསུམ་པའོ། །དེ་ལ་གནས་པའི་བྱང་ཆུབ་སེམས་དཔའ་ནི་ཕལ་ཆེར་ལྷའི་རྒྱལ་པོ་དབང་
D44.036.0201b06.01པོར་འགྱུར་ཏེ་སེམས་ཅན་རྣམས་ཀྱི་འདོད་པའི་འདོད་ཆགས་རྣམ་པར་བཟློག་པའི་ཐབས་ཉེ་བར་བསྒྲུབ་པ་ལ་མཁས་ཤིང་མཐུ་ཡོད་པ་ཡིན། དེ་སྦྱིན་པ་འམ། ངག་སྙན་པ་འམ། དོན་བསྒྲུབ་པ་འམ། དོན་མཐུན་པའི་དགེ་བའི་རྩ་བ་གང་ཅི་རྩོམ་ཡང་རུང་སྟེ།
D44.036.0201b07.01