完整藏文原文 · 德格版页 当前仅加载第 36 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རྗེས་སུ་སོང་བ་ཞེས་བྱ་བ་སྟེ། ཡོངས་སུ་བསྔོ་བ་བཞི་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་གཉིས་པ། །ཀྱེ་རྒྱལ་བའི་སྲས་དག །བྱང་ཆུབ་
D44.036.0013a01.01སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་ལྔ་པ་བསོད་ནམས་{མྱི་,མི་}ཟད་པའི་མཛོད་ཅེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ། སྒྲིབ་པའི་ལས་ཐམས་ཅད་ལས་བག་ཡོངས་སུ་བྱ་བའི་
D44.036.0013a02.01ཕྱིར་བཤགས་པ་དང་འབྲེལ་བའི་དགེ་བའི་རྩ་བ་འམ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཐམས་ཅད་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་སེམས་ཅན་གྱི་ཁམས་ཐམས་ཅད་ཀྱི་དུས་
D44.036.0013a03.01གསུམ་གྱི་དགེ་བའི་རྩ་བ་ལ་རྗེས་སུ་ཡི་རང་བས་རྗེས་སུ་ཡི་རང་བ་དང་འབྲེལ་བའི་དགེ་བའི་རྩ་བ་འམ། འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ལ་ནན་ཏན་དུ་བྱས་པས་ཕྱག་བྱ་བ་དང་། འབྲེལ་བའི་དགེ་བའི་རྩ་བ་
D44.036.0013a04.01འམ། སངས་རྒྱས་ཀྱི་ཆོས་ཐམས་ཅད་ལ་བརྩོན་པས་སངས་རྒྱས་ཐམས་ཅད་ལ་གསོལ་བ་གདབ་པ་དང་། འབྲེལ་བའི་དགེ་བའི་རྩ་བ་འམ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་དགེ་བའི་རྩ་བ་མི་ཟད་
D44.036.0013a05.01པ་གང་ལ། བྱང་ཆུབ་སེམས་དཔས་བརྩོན་པར་བྱ་བའི་དགེ་བའི་རྩ་བ་འབྱམ་ཀླས་པ་བསམ་གྱིས་མི་ཁྱབ་པ་དེ་དག་ལ་ཡང་དག་པར་འཇུག་པར་བྱེད་པ་འམ། གང་ཡང་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་
D44.036.0013a06.01མངོན་པར་བྱང་ཆུབ་བའི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱེད་ཅིང་། དགེ་བའི་རྩ་བ་དེ་དག་ལ་གནས་པར་བྱེད་པ་འམ། སངས་རྒྱས་བཅོམ་ལྡན་འདས་འདས་པ་དང་། མ་བྱོན་པ་དང་། ད་ལྟར་བྱུང་བའི་ཆོས་ཀྱི་འཁོར་ལོ་བསྐོར་བས་སེམས་
D44.036.0013a07.01