完整藏文原文 · 德格版页 当前仅加载第 36 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གྱི་ཡོན་ཏན་གྱི་སྤྱི་བོའི་མཐར་ཕྱིན་པས། ཡེ་ཤེས་རིན་པོ་ཆེ་མཆོག་གིས་སེམས་ཅན་ཐམས་ཅད་ཡང་དག་པར་སྡུད་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གྱི་སྤྱི་བོས་ཕྱག་བྱ་བར་འོས་
D44.036.0046b01.01ཤིང་། ཡེ་ཤེས་རིན་པོ་ཆེ་མཆོག་ལ་ཡང་དག་པར་གནས་པར་གྱུར་ཅིག །སེམས་ཅན་ཐམས་ཅད་ཆོས་ཀྱི་སྐྱེད་པ་ལ་དབང་སྒྱུར་བ་རབ་ཏུ་ཐོབ་སྟེ། ཡེ་ཤེས་ཀྱི་ཅོད་པན་ཤིན་ཏུ་བཅིངས་པར་གྱུར་ཅིག །སེམས་ཅན་ཐམས་ཅད་འཇིག་རྟེན་ཀུན་གྱིས་
D44.036.0046b02.01བལྟ་བར་མི་ནུས་པའི་ཆོས་ཅན་དུ་གྱུར་ཏེ། ཡེ་ཤེས་ཀྱི་ནོར་བུ་རིན་པོ་ཆེས་མགོ་རབ་ཏུ་བརྒྱན་པར་གྱུར་ཅིག །སེམས་ཅན་ཐམས་ཅད་སྤྱི་བོར་གྱུར་པའི་ཡེ་ཤེས་ཀྱིས་སངས་རྒྱས་ཀྱི་ཆོས་ཐམས་ཅད་ལ་རྣམ་པར་བལྟ་བའི་ཆོས་ཅན་དུ་གྱུར་ཏེ། སྤྱི་
D44.036.0046b03.01བོ་ཤིན་ཏུ་བཙུན་པ་དང་ལྡན་པར་གྱུར་ཅིག །སེམས་ཅན་ཐམས་ཅད་ཡེ་ཤེས་རིན་པོ་ཆེ་རྒྱ་མཚོའི་སྙིང་པོ་རྣམ་པར་དག་པ་དང་ལྡན་ཞིང་སྟོབས་བཅུའི་རྒྱན་ཅོད་པན་གྱིས་མགོ་རབ་ཏུ་བརྒྱན་པར་གྱུར་ཅིག །སེམས་ཅན་ཐམས་ཅད་འདོད་པའི་ཁམས་ཀྱི་
D44.036.0046b04.01དང་པོ་ནས་བདུད་ཐམས་ཅད་རྣམ་པར་འཇོམས་པའི་ཕྱིར། སའི་དམ་པ་ལ་གནས་པར་གྱུར་ཅིག །སེམས་ཅན་ཐམས་ཅད་སྟོབས་བཅུའི་མཐར་ཐུག་སྟེ། ཆོས་ཀྱི་ཡེ་ཤེས་ཀྱི་སྤྱི་བོ་རྣམ་པར་དག་པར་གྱུར་ཅིག །སེམས་ཅན་ཐམས་ཅད་ཐམས་
D44.036.0046b05.01ཅད་མཁྱེན་པའི་དབུ་ཟིལ་གྱིས་{མྱི་,མི་}ནོན་པའི་སྣང་བ་རབ་ཏུ་ཐོབ་སྟེ། རྒྱལ་པོའི་མཆོག་དམ་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཅོད་པན་དང་གཙུག་གི་རིན་པོ་ཆེ་ཡོངས་སུ་གཏོང་བའི་ཚེ། དགེ་བའི་རྩ་བ་
D44.036.0046b06.01དེས་སེམས་ཅན་ཐམས་ཅད་ཀྱིས་ཡེ་ཤེས་མཆོག་གི་འབྱུང་གནས་རྣམ་པར་དག་པ་དང་། ཡེ་ཤེས་ཀྱི་ཅོད་པན་དང་། ནོར་བུ་རིན་པོ་ཆེ་རབ་ཏུ་ཐོབ་པའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་
D44.036.0046b07.01