完整藏文原文 · 德格版页 当前仅加载第 36 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་སྟོབས་པ་དང་། སངས་རྒྱས་རྗེས་སུ་དྲན་པ་ལ་སེམས་ཅན་རྣམས་རབ་ཏུ་གཞོག་པ་དང་། སེམས་ཅན་ཐམས་ཅད་སངས་རྒྱས་ལ་གཞོལ་བར་བྱེད་པ་དང་། སངས་རྒྱས་{དམྱིགས་,དམིགས་}པ་ལ་བརྩོན་པའི་
D44.036.0070a01.01སེམས་དང་ལྡན་པའི་སེམས་ཅན་ཐམས་ཅད་ལ་རིམ་གྲོར་བྱེད་པ་དང་། སངས་རྒྱས་རྣམ་པར་རྟོག་པ་སེམས་ཅན་རྣམས་ལ་སྟོན་པ་དང་། སངས་རྒྱས་བརྗོད་པ་ལ་སེམས་ཅན་རྣམས་ཡང་དག་པར་འཛུད་པ་
D44.036.0070a02.01དང་། བསྐལ་པ་བྱེ་བར་ཡང་སངས་རྒྱས་བཅོམ་ལྡན་འདས་སྐྱེ་བ་ནི་ཤིན་ཏུ་དཀོན་ནོ་ཞེས་བྱ་བའི་ཚིག་སེམས་ཅན་རྣམས་ལ་བརྗོད་པ་དང་། སེམས་ཅན་དེ་དག་གིས་ཀྱང་དེའི་ཕྱིར། སངས་རྒྱས་མཐོང་བར་གྱུར་པ་དང་། སངས་རྒྱས་ལ་
D44.036.0070a03.01རིམ་གྲོ་དང་ཞེས་བྱེད་པ་དང་། དགའ་བ་དང་སྤྲོ་བ་བསྐྱེད་པ་དང་། དེ་བཞིན་གཤེགས་པ་ལས་སངས་རྒྱས་ཐམས་ཅད་ཀྱི་མཚན་ཉན་པ་དང་། སངས་རྒྱས་གྲངས་མེད་པ་ལ་ཤིན་ཏུ་བསྐྱེད་པའི་དགེ་བའི་རྩ་བ་{སྩོགས་,སོགས་}པ་དང་། སྲོག་ཆགས་བྱེ་བ་
D44.036.0070a04.01ཁྲག་ཁྲིག་བརྒྱ་སྟོང་གྲངས་མེད་པའི་སངས་རྒྱས་ཀྱི་གཏེར་རྣམ་པར་སྦྱོང་བ་དང་། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་དེ་བཞིན་གཤེགས་པ་རྣམས་ཀྱི་དྲུང་དུ་ཡོངས་སུ་སྨིན་པར་བྱེད་པ་དང་། སེམས་ཅན་དེ་དག་ཀྱང་བྱང་ཆུབ་སེམས་
D44.036.0070a05.01དཔའི་དགེ་བའི་བཤེས་གཉེན་དམ་པ་རབ་ཏུ་ཤེས་པ་དང་། བྱང་ཆུབ་སེམས་དཔའ་ལ་ཡིད་ཆེས་པས་སངས་རྒྱས་ཀྱི་ཆོས་ལ་གནས་པར་གྱུར་པ་དང་། འཇིག་རྟེན་ཐམས་ཅད་དུ་བསྐལ་པ་གྲངས་མེད་པར་སྐྱེད་ཅིང་སྤེལ་བའི་དགེ་བའི་རྩ་
D44.036.0070a06.01བས་སངས་རྒྱས་ཀྱི་ཕྲིན་ལས་ཡང་དག་པར་བསྒྲུབ་པའི་ཚེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་ཀྱིས་སངས་རྒྱས་ཐམས་ཅད་མཉེས་པར་བྱས་ཏེ། མི་མཉེས་པར་མི་བྱེད་
D44.036.0070a07.01