完整藏文原文 · 德格版页 当前仅加载第 36 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པའི་སར་སངས་རྒྱས་ཀྱི་ཆོས་རྣམ་པར་དག་པ་དང་། སངས་རྒྱས་ཀྱི་སྐུ་གཞན་ལ་རག་ལུས་པ་མེད་པའི་རྟེན་གྱི་ཚུལ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་
D44.036.0073a01.01དཔའ་ཆེན་པོ་སེམས་དམའ་བར་བྱས་ཤིང་ས་ལ་བཏིང་བའི་རྡོག་ལམ་དང་འདྲ་བའི་སེམས་སུ་བྱས་ཏེ་ས་དང་འདྲ་བར་སྡུག་བསྔལ་ཐམས་ཅད་བཟོད་པ། མི་འགྱུར་བ། མི་སྐྱོ་བ། སེམས་ཅན་ཐམས་ཅད་རིམ་གྲོ་བྱེད་པས་ངལ་བ་མེད་པའི་ཡིད་དང་ལྡན་
D44.036.0073a02.01པ། སེམས་ཅན་ཐམས་ཅད་ཀྱི་སྦྱིན་བདག་དགེ་བའི་རྩ་བ་ཐམས་ཅད་ཉེ་བར་སྟོབས་པའི་སེམས་དང་ལྡན་པ། འགྲོ་བ་བྱིས་པས་ཉེ་བར་བྱས་པ། ཉམས་སུ་ལེན་ཅིང་རྣ་ལ་གཟོན་པའི་ངང་ཚུལ་ཅན། དགེ་བ་ཤིན་ཏུ་བརྟན་པ་ལ་བརྩོན་པ་ཡིད་
D44.036.0073a03.01ལ་བྱེད་པ། བཟང་པོས་གནས་པ་ལ་བརྩོན་པ། སེམས་ཅན་གྱི་ཁམས་ཐམས་ཅད་བསྙེན་བཀུར་བའི་སེམས་ཀྱིས་བདག་ཉིད་རིམ་གྲོ་པར་འབུལ་བའི་ཚེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། ཅི་ནས་ཀྱང་སེམས་ཅན་ཐམས་
D44.036.0073a04.01ཅད་ཤིན་ཏུ་རིམ་གྲོ་བྱས་པ་དང་། ཅི་ནས་ཀྱང་བྱང་ཆུབ་སེམས་དཔའི་སྤྱོད་པ་རྒྱུན་མི་འཆད་པ་དང་། ཅི་ནས་ཀྱང་བྱང་ཆུབ་སེམས་དཔའི་དོན་ཉམས་པ་མེད་པ་དང་། ཅི་ནས་ཀྱང་བྱང་ཆུབ་སེམས་དཔའི་ལམ་དུ་ལེགས་པར་ཞུགས་
D44.036.0073a05.01པར་འགྱུར་བ་དང་། ཅི་ནས་ཀྱང་བྱང་ཆུབ་སེམས་དཔའི་མཉམ་པ་ཉིད་ཁོང་དུ་ཆུད་པར་འགྱུར་བ་དང་། ཅི་ནས་ཀྱང་དེ་བཞིན་གཤེགས་པའི་རིགས་སུ་བདག་ཉིད་བགྲང་བར་འགྱུར་བ་དང་། ཅི་ནས་ཀྱང་བྱང་ཆུབ་སེམས་དཔའི་སྤྱོད་པ་
D44.036.0073a06.01བདེན་པའི་ཚིག་དང་། འགྲོགས་པ་རྗེས་སུ་བསྲུང་བར་འགྱུར་བ་དང་། ཅི་ནས་ཀྱང་ཁམས་གསུམ་ཐམས་ཅད་སངས་རྒྱས་ཀྱི་ཆོས་ཀྱིས་རྣམ་པར་དག་པར་འགྱུར་བ་དང་། ཅི་ནས་ཀྱང་ལྷག་པའི་བསམ་པས་རྟོགས་པར་སངས་རྒྱས་ཀྱི་ཆོས་ཐམས་
D44.036.0073a07.01