完整藏文原文 · 德格版页 当前仅加载第 36 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྣམ་པར་འདག་སྟེ། བྱང་ཆུབ་སེམས་དཔའ་དེ་ནི་མྱུར་བ་བཅུ་དང་ལྡན་པ་ཡིན། བཅུ་གང་ཞེ་ན། འདི་ལྟ་སྟེ། སྤྱོད་པ་ལ་ཡང་དག་པར་བྱུང་བས་ཡོངས་སུ་རྫོགས་པར་བྱ་བ་མྱུར་དུ་ཡོངས་སུ་རྫོགས་
D44.036.0310b01.01པར་བྱེད་པ་ཡིན། སངས་རྒྱས་ཀྱི་ཆོས་སྣང་བས་འཇིག་རྟེན་མྱུར་དུ་སྣང་བར་བྱེད་པ་ཡིན། ཆོས་ཀྱི་འཁོར་ལོའི་ཐབས་མཁས་པས་སེམས་ཅན་མྱུར་དུ་ཡོངས་སུ་སྨིན་པར་བྱེད་པ་ཡིན། ལས་
D44.036.0310b02.01ཇི་ལྟ་བ་བཞིན་དུ་སེམས་ཅན་རྣམ་པར་{དམྱིགས་,དམིགས་}པས་སངས་རྒྱས་ཀྱི་ཞིང་མྱུར་དུ་ཡོངས་སུ་སྦྱོང་བ་ཡིན། སྟོབས་བཅུ་མཉམ་པ་ཉིད་ཀྱི་ཡེ་ཤེས་མྱུར་དུ་གནོན་པ་ཡིན། དེ་བཞིན་གཤེགས་པ་ཐམས་ཅད་དང་མྱུར་དུ་འགྲོགས་པ་ཡིན།
D44.036.0310b03.01བྱམས་པ་ཆེན་པོའི་སྟོབས་ཀྱིས་བདུད་ཀྱི་དཀྲུགས་མ་མྱུར་དུ་འཇོམས་པ་ཡིན། ཐེ་ཙོམ་ཡོངས་སུ་གཅོད་པས་སེམས་ཅན་ཐམས་ཅད་མྱུར་དུ་ཚིམ་པར་བྱེད་པ་ཡིན། མོས་པ་དང་འདུལ་བ་ཇི་ལྟ་བ་བཞིན་དུ་རྣམ་པར་འཕྲུལ་བ་མྱུར་དུ་ཡང་དག་
D44.036.0310b04.01པར་སྟོན་པ་ཡིན། འཇིག་རྟེན་གྱི་ཁམས་ཐམས་ཅད་དུ་སྒྲ་སྐད་སྣ་ཚོགས་རྣམ་པར་དག་པར་འགྱུར་བའི་ཕྱིར་ཆོས་ཐམས་ཅད་ཀྱི་རང་བཞིན་དང་མྱུར་དུ་ལྡན་པར་འགྱུར་བ་ཡིན། བྱང་ཆུབ་སེམས་དཔའ་དེ་ནི་ཆོས་ཐམས་ཅད་ལ་བྱང་ཆུབ་སེམས་
D44.036.0310b05.01དཔའི་རྒྱ་བཅུས་བཏབ་པ་ཡིན་ཏེ། བཅུ་གང་ཞེ་ན་འདི་ལྟ་སྟེ། བྱང་ཆུབ་སེམས་དཔའ་དེ་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་། དགེ་བའི་རྩ་བ་གཅིག་པ་ཡིན། བྱང་ཆུབ་སེམས་དཔའ་
D44.036.0310b06.01དེ་ནི་མཐའ་དང་དབུས་མེད་པའི་ལུས་ཀྱིས་ཡེ་ཤེས་ཀྱི་རང་བཞིན་གཅིག་པ་ཡིན། བྱང་ཆུབ་སེམས་དཔའ་དེ་ནི་དེ་བཞིན་གཤེགས་པ་ཐམས་ཅད་ལ་མཆོད་པས་སྤྱོད་པ་གཅིག་པ་ཡིན། བྱང་ཆུབ་སེམས་དཔའ་དེ་ནི་གཉིས་སུ་མེད་པ་ཡང་དག་
D44.036.0310b07.01