sangs rgyas phal po che zhes bya ba shin tu rgyas pa chen po'i mdo/
当前为德格木刻版 181a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 181a
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 36 函 · 德格 181a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文འཇུངས་པ་ཅན་གྱི་ཀུན་ནས་འཁོར་བས་ལམ་གྱི་རྒྱུད་དུ་སྐྱེ་བའི་ཀུན་ཏུ་འབྲེལ་བ་དང་། འདོད་ཆགས་དང་ཞེ་སྡང་དང་། གཏི་མུག་ལ་སྤྱོད་པའི་ལས་ཤིན་ཏུ་བསྩགས་པ་དང་། ཁྲོ་བ་དང་ཁོན་དུ་འཛིན་པས་འབར་བར་བྱས་པའི་སེམས་ཀྱི་མེ་ལྕེ་དང་། ཕྱིན་ཅི་ལོག་དང་བཅས་པའི་ལས་མངོན་པར་བསྒྲུབ་པ་དང་། འདོད་པ་དང་སྲེད་པའི་མ་རིག་པ་དང་། ལྟ་བ་དང་ཀུན་ཏུ་ཟབ་པའི་བག་ཆགས་མཚམས་འབྲེལ་བའི་སེམས་དང་། ཡིད་དང་རྣམ་པར་ཤེས་པའི་ས་བོན་གྱིས་འདི་ལྟ་སྟེ། ཁམས་གསུམ་
དུ་མིང་དང་གཟུགས་ལྷན་ཅིག་ཏུ། སྐྱེས་ཤིང་ཐ་མི་དད་པར་བྱུང་བའི་ཡང་སྐྱེ་བའི་སྡུག་བསྔལ་གྱི་མྱུ་གུ་མངོན་པར་སྐྱེད་དོ། །{མྱིང་,མིང་}དང་གཟུགས་དེ་རྣམ་པར་འཕེལ་ནས་སྐྱེ་མཆེད་དྲུག་གི་ཚོགས་འབྱུང་བར་འགྱུར་རོ། །སྐྱེ་མཆེད་རྣམས་བྱུང་བས་ཕན་ཚུན་རེག་པ་དང་ཕྲད་ཅིང་འདུས་པས་ཚོར་བ་མངོན་པར་འབྱུང་ངོ་། །ཚོར་བ་མྱོང་བ་དེ་ཉིད་ལ་ཡང་དང་ཡང་མངོན་པར་དགའ་བས་སྲེད་པ་དང་ཉེ་བར་ལེན་པ་རྣམ་པར་འཕེལ་ལོ། །ཉེ་བར་ལེན་པ་རྣམ་པར་འཕེལ་བས། སྲིད་པ་ཀུན་ཏུ་
འབྱུང་ངོ་། །སྲིད་པ་ཀུན་ཏུ་འབྱུང་བས་སྐྱེ་བ་དང་། རྒ་ཤི་དང་། མྱ་ངན་དང་སྨྲེ་སྔགས་འདོན་པ་དང་། སྡུག་བསྔལ་དང་། ཡིད་{མྱི་,མི་}བདེ་བ་དང་། འཁྲུག་པ་རྣམས་ཀྱང་འབྱུང་བར་འགྱུར་ཏེ། དེ་ལྟར་སེམས་ཅན་དེ་དག་གི་སྡུག་བསྔལ་གྱི་ཕུང་པོ་བདག་དང་བདག་གི་{མྱེད་,མེད་}པ། གསོབ་གསོག་སྟོང་བ་བྱེད་པ་{མྱེད་,མེད་}པ། སེམས་མེད་པ་རྩ་དང་ཤིང་དང་། རྩིག་པ་དང་། སྒང་སྒོང་དང་མིག་ཡོར་ལྟ་བུ་མངོན་པར་འབྱུང་བ་ཡང་དེ་ལྟར་ཁོང་དུ་{མྱི་,མི་}ཆུད་དོ་ཞེས། དེ་ལ་བྱང་ཆུབ་སེམས་དཔས་སེམས་ཅན་
དེ་དག་དེ་ལྟར་སྡུག་བསྔལ་གྱི་ཕུང་པོ་དང་འབྲལ་མི་མྱོང་བ་མཐོང་ནས། དེའི་ཕྱིར་དེའི་སྙིང་རྗེ་ཆེན་པོ་རྒྱས་པར་འབྱུང་སྟེ། སེམས་ཅན་འདི་དག་ནི་བདག་གིས་ཡོངས་སུ་བསྐྱབ་པར་བྱ་བ་དག་གོ །ཡོངས་སུ་དགྲོལ་བར་བྱ་བ་དག་གོ །ཤིན་ཏུ་བདེ་བ་ལ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 181a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。