完整藏文原文 · 德格版页 当前仅加载第 36 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་པར་གྱུར་ཅིག །ཇི་ལྟར་དེ་བཞིན་ཉིད་མི་འཕྲོགས་པ་དེ་བཞིན་དུ་དགེ་བའི་རྩ་བ་འདིས་མུ་སྟེགས་ཅན་གཞན་དང་ཕས་ཀྱི་རྒོལ་བ་ཐམས་ཅད་ཚར་གཅོད་པའི་ཕྱིར་བདུད་ཀྱི་ལས་ཐམས་ཅད་ཀྱིས་མི་འཕྲོགས་པར་གྱུར་ཅིག །ཇི་ལྟར་དེ་བཞིན་ཉིད་བསྒོམ་པ་ཡང་མ་ཡིན།
D44.036.0117b01.01མི་བསྒོམ་པ་ཡང་མ་ཡིན་པ་དེ་བཞིན་དུ་དགེ་བའི་རྩ་བ་འདིས་རྣམ་པར་རྟོག་པ་ཐམས་ཅད་རབ་ཏུ་སྤང་བའི་ཕྱིར་དངོས་པོ་དང་དངོས་པོ་མེད་པ་ཐམས་ཅད་ལ་རྣམ་པར་མི་རྟོག་པར་གྱུར་ཅིག །ཇི་ལྟར་དེ་བཞིན་ཉིད་བྱང་བ་བྱང་ཆུབ་མེད་པ་དེ་བཞིན་དུ་དགེ་བའི་རྩ་བ་འདིས་བྱང་ཆུབ་ཀྱི་སེམས་ཀྱི་རྒྱན་
D44.036.0117b02.01ཐམས་ཅད་འཐོབ་པར་བརྩོན་པའི་ཕྱིར། སངས་རྒྱས་ཐམས་ཅད་མཐོང་བས་དམའ་བ་མེད་པར་གྱུར་ཅིག །ཇི་ལྟར་དེ་བཞིན་ཉིད་འགྲོ་བའི་སྨྲ་བ་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་སྐད་ལ་མཁས་པའི་རྒྱུད་ཀྱིས་ཤིན་ཏུ་འཕགས་པར་འགྱུར་བའི་ཕྱིར་སྐད་རྣམ་པར་ཕྱེ་བ་ཤེས་པ་
D44.036.0117b03.01མངོན་པར་ཤེས་པར་གྱུར་ཅིག །ཇི་ལྟར་དེ་བཞིན་ཉིད་ཆོས་ཐམས་ཅད་ལ་ལྟོས་པ་མེད་པ་དེ་བཞིན་དུ་དགེ་བའི་རྩ་བ་འདིས་སེམས་ཅན་ཐམས་ཅད་ཀུན་ཏུ་བཟང་པོའི་སྤྱོད་པས་བྱུང་བའི་ཕྱིར་སེམས་ཅན་ཐམས་ཅད་ལྟོས་པ་མེད་པར་གྱུར་ཅིག །ཇི་ལྟར་དེ་བཞིན་ཉིད་ས་ནས་སར་
D44.036.0117b04.01འགྲོ་བ་དེ་བཞིན་དུ་དགེ་བའི་རྩ་བ་འདིས་ཀུན་ཏུ་བཟང་པོའི་རྒྱན་ཐོབ་པའི་ཕྱིར་སེམས་ཅན་ཐམས་ཅད་ཀྱི་གནས་ཡེ་ཤེས་ཀྱིས་ཐོབ་པར་གྱུར་ཅིག །ཇི་ལྟར་དེ་བཞིན་ཉིད་གཅད་དུ་མེད་པ་དེ་བཞིན་དུ་དགེ་བའི་རྩ་བ་འདིས་སྤྱོད་པའི་དཀྱིལ་འཁོར་ཐམས་ཅད་ཡང་དག་པར་བསྟན་
D44.036.0117b05.01པའི་ཕྱིར། སེམས་ཅན་ཐམས་ཅད་ཀྱིས་མི་འཇིགས་པ་གཅད་དུ་མེད་པ་རབ་ཏུ་ཐོབ་པར་གྱུར་ཅིག །ཇི་ལྟར་དེ་བཞིན་ཉིད་ཟག་པ་མེད་པ་དེ་བཞིན་དུ་དགེ་བའི་རྩ་བ་འདིས་ཆོས་ཤེས་པའི་ཚུལ་གྱིས་རྣམ་པར་ཤེས་པའི་ཕྱིར་ཟག་པ་མེད་པའི་དགེ་བའི་རྩ་བ་བྱང་ཆུབ་ཀྱི་སེམས་
D44.036.0117b06.01ཡོངས་སུ་རྫོགས་པར་གྱུར་ཅིག །ཇི་ལྟར་དེ་བཞིན་ཉིད་ཀྱི་ཆོས་གང་ཡང་འགག་པ་མེད་ཅིང་ཆོས་གང་མངོན་པར་སངས་རྒྱས་པ་མེད་པ་དེ་བཞིན་དུ་དགེ་བའི་རྩ་བ་འདིས་ཆོས་ཀྱི་དབྱིངས་མཐའ་ཡས་པ་སེམས་བསྐྱེད་པས་རྒྱས་པར་དགང་བའི་ཕྱིར་ཆོས་ཐམས་ཅད་མངོན་པར་འཚང་རྒྱ་
D44.036.0117b07.01