完整藏文原文 · 德格版页 当前仅加载第 36 函德格 353a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དབྱིངས་མཐའ་དང་དབུས་མེད་པ་རབ་ཏུ་ཤེས་ཤིང་ཆོས་ཐམས་ཅད་མཚན་ཉིད་ཐ་དད་པའི་ཚུལ་གྱིས་མཚན་ཉིད་སྣ་ཚོགས་རབ་ཏུ་ཤེས་ལ་ཕྱི་མའི་མཐའི་མུར་ཐུག་པའི་བསྐལ་པར་སྐྱོ་བ་མེད་ཅིང་ཡོངས་སུ་ཡི་འཆད་
D44.036.0353a01.01པ་མེད་དེ། འགྲོ་བ་ཐམས་ཅད་སྙིང་རྗེ་ཆེན་པོས་ཡོངས་སུ་བསྐྱབ་པའི་སེམས་ཀྱིས་སེམས་ཅན་ཐམས་ཅད་ཡོངས་སུ་འགྲེལ་ཅིང་འདུལ་བས་དེའི་ཕྱིར་བྱང་ཆུབ་སེམས་དཔའ་ཀུན་ཏུ་བཟང་པོ་ཞེས་བྱའོ། །ཀྱེ་རྒྱལ་བའི་སྲས་དག་འདི་ལྟ་སྟེ་
D44.036.0353a02.01དཔེར་ན། གླང་པོའི་རྒྱལ་པོ་ཤུགས་དང་ལྡན་པ་ཞེས་བྱ་བ་ནི་རི་གསེར་གྱི་ལོགས་ཞེས་བྱ་བའི་རིན་པོ་ཆེ་བདུན་གྱི་རང་བཞིན་གྱི་ལུང་པ་རིན་པོ་ཆེའི་རབ་བདུན་གྱིས་བསྐོར་བ། རིན་པོ་ཆེའི་ཤིང་ཐགས་ཀྱི་དྲ་བ་བདུན་གྱིས་བསྐོར་བ་རིན་པོ་ཆེའི་དྲ་
D44.036.0353a03.01བས་ཀུན་ནས་ཡོག་པ་ན་གནས་ཏེ། གླང་པོའི་རྒྱལ་པོ་ཤུགས་དང་ལྡན་པ་དེ་ཡང་ཐམས་ཅད་དུ་དཀར་བ་གངས་ཀྱི་མདོག་ལྟར་འདུག་པ། གསེར་གྱི་རྒྱལ་མཚན་ཅན། གསེར་གྱི་རྒྱན་གྱིས་བརྒྱན་པ། གསེར་གྱི་ཕྱང་འཕྲུལ་གྱིས་ཀླུབས་པ། གསེར་
D44.036.0353a04.01གྱི་དྲ་བས་བཀབ་པ། དྲིལ་བུའི་དྲ་བ་བརྒྱུས་པ། རིན་པོ་ཆེ་ཐམས་ཅད་ཀྱི་དྲ་བས་སྣ་ཀུན་ནས་བཀབ་པ། རིན་པོ་ཆེའི་དྲིལ་བུའི་ཕྲེང་བ་ཀུན་ནས་བརྒྱུས་པ། ཡན་ལག་བདུན་ཤིན་ཏུ་གནས་པ། མཆེ་བ་དྲུག་དང་ལྡན་པ། ཡིད་དུ་འོང་བ་གཟུགས་
D44.036.0353a05.01དང་ཁ་དོག་མི་མཐུན་པ་མེད་པ་བལྟ་ན་སྐྱོ་མི་ཤེས་པར་སྡུག་པ་རྣམ་པར་དག་པ། རིགས་དང་ལྡན་པ་ཅང་ཤེས་པ་ཡིད་བཞིན་དུ་བྱེད་པ་སྟེ། དེ་ནི་ལྷའི་དབང་པོ་སུམ་ཅུ་རྩ་གསུམ་གྱི་བདག་པོ་བརྒྱ་བྱིན་གྱི་སྒོ་ན་གསེར་གྱི་ལོགས་ཀྱི་རི་ལུང་པ་ནས་མི་སྣང་བར་
D44.036.0353a06.01གྱུར་ཏེ། སུམ་ཅུ་རྩ་གསུམ་གྱི་ལྷའི་རྒྱལ་པོ་བརྒྱ་བྱིན་ལ་རིམ་གྲོ་བྱ་བའི་ཕྱིར་འོང་ངོ་། །དེ་ནས་ལྷའི་རྒྱལ་པོ་བརྒྱ་བྱིན་གྱིས་གླང་པོའི་རྒྱལ་པོ་ཤུགས་དང་ལྡན་པ་ལ་ཞོན་པར་གྱུར་ན། དེའི་ཚེ་གླང་པོའི་རྒྱལ་པོ་ཤུགས་དང་ལྡན་པ་དེ་རྫུ་འཕྲུལ་གྱི་རྣམ་པ་སྣ་ཚོགས་སྟོན་
D44.036.0353a07.01