完整藏文原文 · 德格版页 当前仅加载第 36 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་རྣམ་པར་འཕྲུལ་པ་བསམ་གྱིས་མི་ཁྱབ་པའི་ལས་རྣམ་པར་སྨིན་པ་སྒྱུ་མ་ལྟ་བུ་ལ་འཇུག་པ་དང་། ཡེ་ཤེས་དང་། ཏིང་ངེ་འཛིན་གྱི་རྣམ་པར་འཕྲུལ་པ་ཡངས་པ་དང་། ཕྲ་བའི་ཏིང་ངེ་འཛིན་གྱི་མཚན་མ་དང་། ཏིང་ངེ་འཛིན་
D44.036.0321b01.01ལས་ལྡང་བ་ཤེས་པ་དང་། འདི་ལྟ་སྟེ་བྱང་ཆུབ་སེམས་དཔའི་མཐུ་དང་བྱང་ཆུབ་སེམས་དཔའི་ཁོང་དུ་ཆུད་པས། དེ་བཞིན་གཤེགས་པའི་ཡུལ་ལ་འཇུག་ཅིང་འབྱུང་བ་དང་། དེ་བཞིན་གཤེགས་པའི་སྐུ་སྟོན་པའི་རྣམ་པར་འཕྲུལ་བ་དང་། གཞན་
D44.036.0321b02.01ཡང་བྱང་ཆུབ་སེམས་དཔའ་སངས་རྒྱས་སྤྲུལ་པ་དང་། སངས་རྒྱས་སུ་བྱིན་གྱིས་རློབ་པ་དང་། ཆོས་ཀྱི་འཁོར་ལོ་སྤྲུལ་པ་དང་། འདུལ་བ་བྱིན་གྱིས་བརླབ་པ་བྱེད་ཅིང་། དེ་བཞིན་གཤེགས་པའི་རིགས་དང་། རྒྱུད་དུ་སྐྱེ་བ་དང་། སངས་
D44.036.0321b03.01རྒྱས་ཀྱི་སྒྲ་གྲག་པར་བྱ་བ་རབ་ཏུ་སྒྲུབ་པའི་རྫུ་འཕྲུལ་དང་། རྣམ་པར་འཕྲུལ་པ་སེམས་ལྟར་མགྱོགས་པའི་ཕ་རོལ་ཏུ་ཕྱིན་པ་ཡིན། གཞན་ཡང་བྱང་ཆུབ་སེམས་དཔའ་སངས་རྒྱས་བརྗོད་དུ་མེད་པའི་བསྟན་པ་དང་། ལྡེམ་པོ་དག་རབ་ཏུ་ཤེས་
D44.036.0321b04.01ཏེ། ཆོས་ཀྱི་སྒོ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པའི་ཡང་བརྗོད་དུ་མེད་པས་ཆོས་ཀྱི་འཁོར་ལོ་རྣམ་པར་འཕྲུལ་བ་དག་པར་བྱེད་དོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཉིན་ཞག་གི་གྲངས་དང་ཡུད་དུ་ཡན་མན་དང་། ཟླ་བའི་གྲངས་དང་ལོ་དང་
D44.036.0321b05.01བསྐལ་པའི་གྲངས་རབ་ཏུ་ཤེས་ཏེ། སྐད་ཅིག་གཅིག་དང་ལྡན་པའི་ཡེ་ཤེས་ཀྱིས་དུས་གསུམ་མངོན་པར་བསྒྲུབ་པའི་རྣམ་པར་འཕྲུལ་པ་ཡང་དག་པར་སྟོན་ཏེ། བྱང་ཆུབ་སེམས་དཔའི་སྤྱོད་པ་རྣམ་པར་འཕྲུལ་པ་བཅུ་པོ་འདི་དག་ལ་འང་ཕ་
D44.036.0321b06.01རོལ་ཏུ་ཕྱིན་པ་ཐོབ་པ་ཡིན་ཏེ། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་མཁས་པའི་ཡེ་ཤེས་སེམས་ཅན་གྱི་ཁམས་ཐ་མི་དད་པ་ཞེས་བྱ་བ་སྟེ་བརྒྱད་པའོ། །གཞན་
D44.036.0321b07.01