完整藏文原文 · 德格版页 当前仅加载第 36 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱངས་ལ་དབང་བའི་ཕ་རོལ་ཏུ་ཕྱིན་པ་ཐོབ་པ་དང་། འགྲོ་བ་ཐམས་ཅད་ཀྱི་ཤེས་པའི་དབྱངས་དང་ལྡན་པར་གྱུར་ཅིག །དགེ་བའི་རྩ་བ་འདིས་སེམས་ཅན་ཐམས་ཅད་མི་དམའ་བའི་དབྱངས་དང་། བག་ཚ་བ་མེད་པའི་དབྱངས་དང་།
D44.036.0151a01.01འདོད་ཆགས་མེད་པའི་ཚིག་གི་དབྱངས་དང་། ངག་སྙན་པའི་དབྱངས་དང་། འཁོར་གྱི་དཀྱིལ་འཁོར་ཐམས་ཅད་མངོན་པར་དགའ་བར་བྱེད་པའི་དབྱངས་དང་། སངས་རྒྱས་ཀྱི་ཆོས་ཐམས་ཅད་བརྗོད་པའི་དབྱངས་དང་། འགྲོ་བ་ཐམས་ཅད་ཀྱི་ཐེ་ཙོམ་
D44.036.0151a02.01གཅོད་ཅིང་ཁོང་དུ་ཆུད་པར་བྱེད་པའི་དབྱངས་དང་། སྤོབས་པས་ལེགས་པར་སྦྱར་བའི་དབྱངས་དང་། སེམས་ཅན་གཉིས་ཀྱིས་ལོག་པ་ཐམས་ཅད་སད་པར་བྱེད་པའི་དབྱངས་དམ་པ་ཡངས་པ་དང་ལྡན་པར་གྱུར་ཅིག་ཅེས། །དེ་ལྟར་བྱང་ཆུབ་སེམས་དཔའ་སེམས་
D44.036.0151a03.01དཔའ་ཆེན་པོ་དགེ་བའི་རྩ་བ་དེ་དག་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། །སེམས་ཅན་ཐམས་ཅད་ཀྱི་ལུས་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་བསོད་
D44.036.0151a04.01ནམས་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་མཚན་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་ལས་དང་རྣམ་པར་སྨིན་པ་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་
D44.036.0151a05.01ཐམས་ཅད་མཁྱེན་པ་ཉིད་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་བྱང་ཆུབ་ཀྱི་སེམས་ཚད་མེད་པ་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་དབང་བོའི་ཚུལ་རབ་ཏུ་ཤེས་པ་རྣམ་པར་དག་ཅིང་ཁ་ན་མ་ཐོ་བ་མེད་པ་
D44.036.0151a06.01དང་། སེམས་ཅན་ཐམས་ཅད་ཀྱི་མོས་པ་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་སྤྱོད་པ་ཆགས་པ་མེད་པ་ལ་བརྩོན་པའི་སྨོན་ལམ་རྣམ་པར་དག་ཅིང་ཁ་ན་མ་ཐོ་བ་མེད་པ་དང་། སེམས་ཅན་ཐམས་ཅད་ཀྱི་དྲན་པ་དང་། བློ་གྲོས་དང་།
D44.036.0151a07.01