完整藏文原文 · 德格版页 当前仅加载第 36 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བ་མེད། །བདག་ཉིད་རྒྱལ་བས་རྣམ་པར་སངས་རྒྱས་མེད། །དེ་བཞིན་ཉིད་གང་འགྲོ་བ་ཀུན་མཉམ་པའི། །ཆོས་ཉིད་མཚན་ཉིད་རྗེས་སུ་ཤེས་བྱས་ཤིང་། །བསམ་ཡས་མཚན་ཉིད་དེ་དག་མཐོང་གྱུར་ནས། །མཚན་ཉིད་མེད་པའི་ཤེས་ལ་རྨོངས་པ་མེད། །
D44.036.0120b01.01དེ་ལྟར་ཟབ་པའི་སྤྱོད་ལ་རབ་བརྩོན་པ། །དེ་དག་བྱང་ཆུབ་རྟག་པར་བརྩོན་པ་སྟེ། །དེ་དག་སྨོན་ལམ་དེ་ཡང་ལྡོག་པ་མེད། །འགྲོ་བ་ཀུན་གྱི་དོན་དུ་དེ་དག་བརྩོན། །དེ་དག་འཇིག་རྟེན་རྣམས་ལས་འདས་གྱུར་ཅིང་། །འཆི་འཕོ་ཡོངས་སུ་རྟོག་པ་མེད་
D44.036.0120b02.01བྱས་ཏེ། །སྤྲུལ་པ་འདྲ་བར་སེམས་ཀྱང་རིག་བྱས་ནས། །དེ་དག་འགྲོ་བ་གདུལ་ཕྱིར་རབ་ཏུ་འཇུག །དེ་དག་མཐོང་དང་དྲན་པ་འདི་འདྲ་སྟེ། །ལས་ཀྱི་སྨིན་པས་འཇིག་རྟེན་བྱུང་བ་ཡི། །ཁམས་གསུམ་པ་ཡི་སེམས་ཅན་ཐམས་ཅད་ལ། །དེ་དག་ཡོངས་སུ་
D44.036.0120b03.01བསྐྱབ་པར་མངོན་པར་བརྩོན། །འགྲོ་བ་ཀུན་གྱི་འདུ་ཤེས་རྒྱུ་བ་དང་། །རྣམ་པར་རྟོག་པ་ཇི་སྙེད་ཐ་དད་པའི། །བསྐལ་པ་མི་མཉམ་དེ་དག་དེ་བཞིན་ཤེས། །ངོ་བོ་ཉིད་ལས་ནམ་ཡང་ཕྱིར་མི་ལྡོག །ཤེས་པས་མཁས་པ་ཆོས་རབ་བསྔགས་པའི་རྣམས། །
D44.036.0120b04.01འགྲོ་བ་ཀུན་ལ་སྙིང་བརྩེའི་སེམས་ལྡན་པས། །ཆོས་ཀྱི་ཚུལ་ལ་རྗེས་སུ་སེམས་བྱེད་ཅིང་། །ཚུལ་མཁས་དེ་དག་དེ་ལྟར་ཡོངས་སུ་བསྔོ། །དེ་བཞིན་ཉིད་ཀྱི་མཚན་ཉིད་ཀྱི་རང་བཞིན་ཞེས་བྱ་བ་སྟེ་ཡོངས་སུ་བསྔོ་བ་བརྒྱད་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་
D44.036.0120b05.01མདོ། །བམ་པོ་བཅུ་པ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་ཆགས་པ་མེད་པ་དང་། གྲོལ་ཞིང་བཅིངས་པ་མེད་པ་ཞེས་བྱ་བ་དགུ་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་
D44.036.0120b06.01སེམས་དཔའ་ཆེན་པོ་དགེ་བའི་རྩ་བ་ཐམས་ཅད་ལ་བརྙས་པ་མེད་པའི་སེམས་དང་ལྡན་པ་ཡིན། འཁོར་བ་བསྒྲུབ་པ་ལ་བརྙས་པ་མེད་པའི་སེམས་དང་ལྡན་པ་ཡིན། དགེ་བའི་རྩ་བ་ཡང་དག་པར་བསྡུ་བ་ལ་བརྙས་པ་མེད་པའི་སེམས་དང་ལྡན་པ་ཡིན། དགེ་བའི་རྩ་བ་ཐམས་ཅད་ཡོངས་སུ་བཙལ་བ་ལ་བརྙས་པ་
D44.036.0120b07.01