完整藏文原文 · 德格版页 当前仅加载第 36 函德格 360a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་དང་བཅས། མཆོད་རྟེན་རྣམ་པར་ཕྱེ་བའི་རྒྱན་དང་བཅས། སེམས་ཅན་གྱི་དགེ་བའི་རྩ་བ་བསྐྱེད་པ་དང་བཅས་པར་རྗེས་སུ་དྲན་ཞིང་ཁོང་དུ་ཆུད་དོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་
D44.036.0360a01.01རྣམས་ཀྱི་ཕྱི་མའི་མཐའི་མུར་གྱུར་པའི་བསྐལ་པ་ཤེས་པ་ལ་འཇུག་པ་སྟེ། ཡེ་ཤེས་ཀྱི་མངོན་པར་ཤེས་པ་བཞི་པའོ། །ཀྱེ་རྒྱལ་བའི་སྲས་དག་གཞན་ཡང་བྱང་ཆུབ་སེམས་དཔའ་ཆགས་པ་མེད་པའི་རྣ་བ་རྣམ་པར་དག་པ་མངོན་པར་བསྒྲུབ་ཅིང་རྣམ་པར་
D44.036.0360a02.01སྦྱོང་། ཡོངས་སུ་སྦྱོང་། ཡོངས་སུ་རྫོགས་པར་བྱེད། ཡངས་པར་བྱེད། ཚད་མེད་པར་བྱེད། འཐོབ་པར་བྱེད། མངོན་དུ་བྱེད། འོད་གསལ་བར་བྱེད། བསྒྲིབས་པ་མེད་པར་བྱེད། ཁོང་དུ་ཆུད་པར་བྱེད་དེ། དེ་ཆགས་པ་མེད་པའི་རྣ་བ་མངོན་པར་བསྒྲུབས་པ་དང་ལྡན་
D44.036.0360a03.01པས་སྒྲ་ཇི་སྙེད་མཉན་པར་འདོད་པ་དེ་དག་རབ་ཏུ་ཉན་ཏོ། །གང་{མྱི་,མི་}འདོད་པ་དེ་དག་ནི་མི་ཉན་ཏོ། །དེ་ཤར་ཕྱོགས་ཀྱི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སངས་རྒྱས་ཀྱི་ཞིང་བརྗོད་དུ་མེད་པའི་
D44.036.0360a04.01ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱིས་བཤད་པ་དེ་དག་རབ་ཏུ་ཉན་ཏོ། །ཤར་ཕྱོགས་ན་སངས་རྒྱས་བཅོམ་ལྡན་འདས་དེ་དག་སྟོན་པ་དང་གསུང་བ་དང་། འཆད་པ་དང་བརྗོད་པ་དང་རྣམ་པར་དགོད་པ་མཛད་པ་དང་། ཇི་སྙེད་དུ་སྨིན་པར་མཛད་
D44.036.0360a05.01པ་དང་ཇི་སྙེད་དུ་འདུལ་བ་དང་ཇི་སྙེད་དུ་དྲན་པར་བསྐུལ་བ་དང་ཇི་སྙེད་དུ་ཆོས་སྟོན་པ་ཟབ་ཅིང་ཡངས་ལ་རྣམ་པར་ཕྱེ་བ་སྣ་ཚོགས་དང་ལྡན་པ་ཐབས་ཀྱི་ཚུལ་མཐའ་ཡས་ཤིང་རྣམ་པར་དག་ལ། ཚད་མེད་པ་ལ་མཁས་པ་དང་ལྡན་པ་དེ་དག་ཐམས་ཅད་རབ་ཏུ་འཛིན་ཏོ། །
D44.036.0360a06.01དོན་བཟང་པོ་དང་ཡི་གེ་བཟང་པོ་འཁོར་གྱི་དཀྱིལ་འཁོར་དུ་ངེས་པའི་ཚིག་དང་བཅས་པ། ཇི་ལྟར་ཤེས་པར་བྱས་པ། ཇི་ལྟར་ཁོང་དུ་ཆུད་པར་བྱས་པ། ཇི་ལྟར་འདུལ་བར་གྱུར་པ་ཇི་ལྟར་དམིགས་པར་གྱུར་པ། ཇི་ལྟར་རྟེན་
D44.036.0360a07.01