完整藏文原文 · 德格版页 当前仅加载第 36 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བའི་ལས་ཤིན་ཏུ་བསྩགས་པ་དང་། མི་དགེ་བའི་ལས་ཕན་ཚུན་དུ་བྱམས་པའི་སེམས་ཀྱིས་སྤྱད་པ་དང་། ཕན་ཚུན་དུ་མི་གནོད་ཅིང་མི་འཚེ་བའི་ཕྱིར་ལེགས་པར་བཤད་པས་ཀྱང་ཤིན་ཏུ་ངོམས་པར་བྱེད་དོ། །
D44.036.0069a01.01སེམས་ཅན་དེ་དག་ཀྱང་བྱང་ཆུབ་སེམས་དཔའི་ཚིག་ཐོས་ནས་སྡིག་པའི་ལས་དེ་ལས་ལྡང་ངོ་། །རྣམ་པར་ལྡོག་གོ །མི་སྤྱོད་དོ། །དེས་དེ་ལྟར་བསྒྲུབས་པའི་དགེ་བའི་རྩ་བ་དེ་དག་ཡོངས་སུ་བསྔོ་སྟེ། སེམས་ཅན་ཐམས་ཅད་སངས་རྒྱས་ཀྱི་མཚན་
D44.036.0069a02.01གསང་བ་སྦུབས་ན་འདུག་པ་དང་ལྡན་ཞིང་སྐྱེས་བུ་ཆེན་པོའི་མཚན་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་བརྩོན་འགྲུས་དང་ལྷག་པའི་བསམ་པ་དང་། ཚངས་པའི་སྤྱོད་པ་རྣམ་པར་དག་པས་སྤྱོད་ཅིང་སྐྱེས་བུའི་མཚན་དང་ལྡན་པར་གྱུར་
D44.036.0069a03.01ཅིག །སེམས་ཅན་ཐམས་ཅད་ཆགས་པ་མེད་པ་དཔའ་བའི་ཡེ་ཤེས་ལ་ཡང་དག་པར་གནས་པ་ལས་མི་ལྡོག་ཅིང་ཤིན་ཏུ་བརྟན་པས་དབང་སྒྱུར་བ་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་འདོད་པའི་དགའ་བས་མི་ཟློགས་མི་ཆགས་པའི་
D44.036.0069a04.01སེམས་དང་ལྡན་པར་གྱུར་ཅིག །སེམས་ཅན་ཐམས་ཅད་སྨད་པ་མེད་པར་ཐམས་ཅད་མཁྱེན་པར་འབྱུང་བའི་ཡེ་ཤེས་བཟང་པོ་དང་ལྡན་ཞིང་སྐྱེས་བུ་དམ་པ་དང་ལྡན་པར་གྱུར་ཅིག །སེམས་ཅན་ཐམས་ཅད་སྟོབས་བཅུ་འབྱུང་བའི་དགེ་བའི་རྩ་བ་
D44.036.0069a05.01དང་ལྡན་ཞིང་སྐྱེས་བུ་ཆེན་པོའི་སྟོབས་དང་ལྡན་པར་གྱུར་ཅིག །སེམས་ཅན་ཐམས་ཅད་རྨད་དུ་བྱུང་བའི་ཚོགས་ལ་གནས་པ་རབ་ཏུ་ཐོབ་ཅིང་དུས་ཐམས་ཅད་དུ་སྐྱེས་བུའི་དབང་པོ་ཉམས་པ་མེད་པར་གྱུར་ཅིག །སེམས་ཅན་ཐམས་ཅད་ཁམས་
D44.036.0069a06.01གསུམ་ཐམས་ཅད་ཀྱི་འདོད་ཆགས་དང་བྲལ་བས་དབང་སྒྱུར་ཞིང་བྱང་ཆུབ་སེམས་དཔའི་སྤྱོད་པ་ལ་གནས་པ་དང་། འདོད་པ་ལྔའི་ཡོན་ཏན་གྱི་དགའ་བ་ལ་མ་ཆགས་པ་དང་གྲོལ་ཞིང་བཅིངས་པ་མེད་པའི་སེམས་དང་ལྡན་པར་གྱུར་ཅིག །སེམས་ཅན་
D44.036.0069a07.01