完整藏文原文 · 德格版页 当前仅加载第 36 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་རྣམ་པར་བརྒྱན་པ་དང་། སངས་རྒྱས་ཀྱི་ཞིང་རབ་ཏུ་བརྒྱན་པ་དང་། སངས་རྒྱས་ཀྱི་ཞིང་ཤིན་ཏུ་རྣམ་པར་ཕྱེ་བ་དང་། སངས་རྒྱས་ཀྱི་ཞིང་མཆོག་དང་། སངས་རྒྱས་ཀྱི་ཞིང་གཙོ་བོ་དང་། སངས་རྒྱས་ཀྱི་ཞིང་རབ་དང་། སངས་རྒྱས་
D44.036.0016a01.01ཀྱི་ཞིང་ཕུལ་དང་། སངས་རྒྱས་ཀྱི་ཞིང་དམ་པ་དང་། སངས་རྒྱས་ཀྱི་ཞིང་གྱ་ནོམ་པ་དང་། སངས་རྒྱས་ཀྱི་ཞིང་རྨད་དུ་བྱུང་བ་དང་། སངས་རྒྱས་ཀྱི་ཞིང་བླ་ན་མེད་པ་དང་། སངས་རྒྱས་ཀྱི་ཞིང་མཉམ་པ་མེད་པ་དང་། སངས་རྒྱས་ཀྱི་ཞིང་འདྲ་བ་མེད་པ་དང་། སངས་
D44.036.0016a02.01རྒྱས་ཀྱི་ཞིང་མཐའ་ཡས་པ་དང་། དེ་ལྟར་ཡོངས་སུ་བཟུང་སྟེ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་སངས་རྒྱས་ཀྱི་ཞིང་གི་རྒྱན་རྣམ་པར་དག་པ་གང་ཇི་སྙེད་པའི་རྒྱན་རྣམ་པར་དག་པ་དང་། དགེ་བའི་རྩ་བ་འདིས་འཇིག་རྟེན་གྱི་ཁམས་
D44.036.0016a03.01ཐམས་ཅད་རྣམ་པར་དག་པར་གྱུར་ཅིག །སངས་རྒྱས་ཀྱི་ཞིང་ཐམས་ཅད་རྣམ་པ་འདི་ལྟ་བུའི་རྣམ་པར་དག་པ་དང་ལྡན་པར་གྱུར་ཅིག །འཇིག་རྟེན་གྱི་ཁམས་རེ་རེར་ཡང་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་སངས་རྒྱས་ཀྱི་ཞིང་གི་རྒྱན་ཇི་སྙེད་པ་དེ་དག་ཐམས་ཅད་ཡང་
D44.036.0016a04.01དག་པར་གནས་པར་གྱུར་ཅིག །གྲུབ་པར་གྱུར་ཅིག །རྣམ་པར་དག་པར་གྱུར་ཅིག །ཡོངས་སུ་དག་པར་གྱུར་ཅིག །ཡང་དག་པར་གྲུབ་པར་གྱུར་ཅིག །རབ་ཏུ་བྱུང་བར་གྱུར་ཅིག །རབ་ཏུ་བརྒྱན་པར་གྱུར་ཅིག །ཀུན་ཏུ་བརྒྱན་པར་གྱུར་ཅིག །བྱང་བར་གྱུར་
D44.036.0016a05.01ཅིག །བྱིན་གྱིས་བརླབས་པར་གྱུར་ཅིག །འཇིག་རྟེན་གྱི་ཁམས་གཅིག་ཏུ་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་འང་མ་ལུས་པར་བཟུང་སྟེ། སངས་རྒྱས་ཀྱི་ཞིང་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པ་ཐམས་ཅད་མ་ལུས་
D44.036.0016a06.01པར་དེ་སྙེད་ཀྱི་རྒྱན་གྱིས་ཡོངས་སུ་བརྒྱན་པར་གནས་པར་གྱུར་ཅིག །སངས་རྒྱས་ཀྱི་ཞིང་ཐམས་ཅད་མ་ལུས་པར་དུས་གསུམ་ཐམས་ཅད་ཀྱི་སངས་རྒྱས་ཀྱི་ཞིང་གི་ཡོན་ཏན་རྣམ་པར་ཕྱེ་བ་དང་། སངས་རྒྱས་ཀྱི་ཞིང་གི་རྒྱན་དང་། སངས་རྒྱས་ཀྱི་ཞིང་གི་བདག་ཉིད་ཆེ་བ་དང་། སངས་
D44.036.0016a07.01