完整藏文原文 · 德格版页 当前仅加载第 36 函德格 330b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་སྤྱོད་པ་རྣམ་པར་དག་པས་རབ་ཏུ་དང་བ། སེམས་ཅན་གྱི་ཁམས་ཐམས་ཅད་ལ་ཕན་འདོགས་ཤིང་མི་ཟད་པའི་རྒྱུན་གྱིས་མཐར་ཐུག་པས་དུས་གསུམ་གྱི་ཡེ་ཤེས་རྒྱ་མཚོ་ལ་ཞེན་པར་འབབ་པ་དང་། འདི་ལྟ་སྟེ་བྱང་
D44.036.0330b01.01ཆུབ་སེམས་དཔའི་མཉམ་པ་མེད་པའི་ཡེ་ཤེས་ཀྱི་ཆུ་ཀླུང་ཏིང་ངེ་འཛིན་རིན་པོ་ཆེ་གྲངས་མེད་པས་བརྒྱན་པ་སངས་རྒྱས་ཐམས་ཅད་ལྟ་ཞིང་སངས་རྒྱས་ཐམས་ཅད་ཀྱི་ཡེ་ཤེས་རྒྱ་མཚོ་ལ་ཞེན་པར་འབབ་པ་དང་། འདི་ལྟ་སྟེ། སྙིང་
D44.036.0330b02.01རྗེ་ཆེན་པོའི་ཡེ་ཤེས་ཀྱི་ཆུ་ཀླུང་བྱམས་པ་ཆེན་པོའི་དབང་དུ་གྱུར་པ། འགྲོ་བ་ཐམས་ཅད་ནས་ཕྱིར་མི་ལྡོག་ཅིང་འགྲོ་བ་ཐམས་ཅད་ཉེ་བར་བཟུང་བའི་ཕྱིར། ཐབས་མཁས་པའི་མཚམས་སྦྱོར་བ་གྲངས་མེད་པས། ཡོངས་སུ་
D44.036.0330b03.01གདུང་བ་ཞི་བར་བྱེད་ཅིང་སྟོབས་བཅུ་རྒྱ་མཚོ་ལ་ཞེན་པར་འབབ་པའོ། །ཇི་ལྟར་ཆུ་ཀླུང་ཆེན་པོ་བཞི་པོ་དེ་དག་མཚོ་ཆེན་པོ་མ་དྲོས་པ་ནས་མི་ཟད་པའི་རྒྱ་མཚོ་ལ་ཞེན་པར་འདོད་པ་དེ་བཞིན་དུ་བྱང་ཆུབ་སེམས་དཔའ་ཡང་ཁྱད་པར་དུ་
D44.036.0330b04.01འཕགས་པའི་སྨོན་ལམ་དང་ལྡན་པའི་བྱང་ཆུབ་སེམས་དཔའི་སྤྱོད་པས་ཐམས་ཅད་མཁྱེན་པའི་ཡེ་ཤེས་ཟད་མི་ཤེས་པའི་མཐར་ཐུག་པར་འགྲོ་ཞིང་རྣམ་པར་འཚང་རྒྱ་བར་རྣམ་པར་རོལ་པས་རྣམ་པར་འཚང་རྒྱ་བ་ཡིན། ཇི་ལྟར་ཆུ་ཀླུང་
D44.036.0330b05.01ཆེན་པོ་བཞི་པོ་དེ་དག་རྒྱ་མཚོ་ཆེན་པོ་ལ་ཞེན་པར་འདོང་ཞིང་ཕྱིར་མི་ལྡོག་པ་དེ་བཞིན་དུ། བྱང་ཆུབ་སེམས་དཔའ་སྨོན་ལམ་གྱི་རྒྱུན་མ་འཆད་པར་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་ལ་རབ་ཏུ་བརྩོན་པ་ཡང་ཐམས་
D44.036.0330b06.01ཅད་མཁྱེན་པ་ཉིད་དུ་མངོན་པར་བསྒྲུབ་པ་ལས། ཕྱིར་མི་ལྡོག་ཅིང་སངས་རྒྱས་ཀྱི་བྱང་ཆུབ་ཆོས་ཐམས་ཅད་ལ་བསྒྲིབས་པ་མེད་པ་དང་། ཆགས་པ་མེད་པ་ལ་གནས་པའི་དེ་བཞིན་གཤེགས་པའི་ཡེ་ཤེས་རྒྱ་མཚོ་ལ་ཞེན་པར་
D44.036.0330b07.01