完整藏文原文 · 德格版页 当前仅加载第 36 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ནོར་བུ་རིན་པོ་ཆེའི་སྙིང་པོས་སྤྲས་པ། ཉི་མ་དང་ཟླ་བ་དང་སྐར་མ་ཆེ་ཕྲ་ལྟ་བུར་རབ་ཏུ་བརྒྱན་པ། རྒྱན་རྣམ་པ་སྣ་ཚོགས་རྨད་དུ་བྱུང་བས་བརྒྱན་པ་རིན་པོ་ཆེ་ཁྱད་པར་དུ་འཕགས་པ་རྒྱ་མཚོས་སྤྲས་པ། རྒྱ་མཚོ་དང་།
D44.036.0040a01.01རྒྱལ་མཚན་དང་། བཀྲ་ཤིས་དང་། བུམ་པ་སྣ་ཚོགས་ཡོངས་སུ་གང་བ་དང་། དགའ་བ་འཁྱིལ་པའི་རྒྱན་སྣ་ཚོགས་ཀྱིས་རྣམ་པར་བརྒྱན་པ། འཛམ་བུའི་ཆུ་ཀླུང་གི་གསེར་གྱི་གྱིམ་བག་དྲི་མ་མེད་ཅིང་རྡུལ་དང་བྲལ་བས་བཀབ་པ་དེ་ལ་འཛམ་བུའི་གླིང་ཐམས་
D44.036.0040a02.01ཅད་ཀྱི་བདག་པོ་སྤྱི་བོ་ནས་དབང་བསྐུར་བས་མངོན་པར་དབང་བསྐུར་བའི་བསོད་ནམས་ཀྱི་སྟོབས་དང་ལྡན་པ། བྱམས་པས་དབང་བསྐུར་བ། ཕ་རོལ་གྱི་འཁོར་བཅོམ་པ་དང་ལྡན་པ། བཀའ་ལ་ཟློག་པ་མེད་པ་འདུག་ན་དགའ་བ་དེ་ལྟ་བུའི་སྟན་གྱི་རྣམ་པ་ཚུལ་དེ་འདྲ་བ་
D44.036.0040a03.01སྦྱིན་ཞིང་ཡོངས་སུ་གཏོང་བ་དང་། དེ་དང་དེ་དག་གི་རྒྱལ་པོ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ལ་ཁྲི་སྟན་བཟང་པོའི་རྣམ་པ། དེ་ལྟ་བུའི་སྦྱིན་པ་བྱེད་ཅིང་ཡོངས་སུ་གཏོང་བ་དང་། ཡང་དག་པར་རྫོགས་པའི་སངས་རྒྱས་སྦྱིན་པའི་གནས་ཀྱི་དམ་པ་ལ་
D44.036.0040a04.01གསོལ་བ་འམ། སྐྱེས་བུ་དམ་པ་དགེ་བའི་བཤེས་གཉེན་ནམ། འཕགས་པའི་དགེ་འདུན་དཀོན་མཆོག་གམ། ཆོས་སྨྲ་བ་འམ། ཆོས་ལ་དགབ་པའི་ཕྱིར་ཡོངས་སུ་གཡོག་པའི་སེམས་ཀྱིས་སམ། ཕ་དང་མ་དང་བླ་མའི་སྐྱེ་བོ་འམ། ཉན་
D44.036.0040a05.01ཐོས་དང་རང་རྒྱལ་བའི་སྦྱིན་པའི་གནས་སམ། བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་ཐམས་ཅད་དམ། དེ་བཞིན་གཤེགས་པ་ཐམས་ཅད་ཀྱི་མཆོད་རྟེན་མཆོད་པའི་ཕྱིར་རམ། ཕོངས་པ་དང་། བཀྲེན་པ་སློང་བ་དཔག་ཏུ་
D44.036.0040a06.01{མྱེད་,མེད་}པ་དག་གམ། སེམས་ཅན་ཐམས་ཅད་ལ་ཕན་གདགས་པའི་ཕྱིར་ཡང་རུང་སྟེ། སྦྱིན་ཞིང་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་སངས་རྒྱས་ཀྱི་ཆོས་ཐམས་ཅད་
D44.036.0040a07.01