完整藏文原文 · 德格版页 当前仅加载第 36 函德格 321a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུན་ལ་གཟུགས་བརྙན་གྱི་ཚུལ་དུ་སྣང་ཞིང་རྣམ་པར་དམིགས་ལ་མཐོང་བར་གྱུར་ཀྱང་དེ་དག་ལ་ཐག་ཐོགས་གང་ཡང་མེད་དོ། །དེ་ཡང་འདི་ལྟར་དཔེར་ན། མེ་ལོང་གི་དཀྱིལ་འཁོར་ལ་བཞིན་གྱི་གཟུགས་བརྙན་སྣང་བ་བཞིན་དུ་གཞལ་མེད་ཁང་
D44.036.0321a01.01ཆེན་པོ་དེ་ལ་ཐམས་ཅད་སྣང་། ཐམས་ཅད་ཀྱང་གསལ། ཐམས་ཅད་ཀྱང་དམིགས་ཏེ། ཐམས་ཅད་ཀྱི་གཟུགས་བརྙན་དམིགས་པར་ཡོད་དོ། །དེ་བཞིན་དུ་བྱང་ཆུབ་སེམས་དཔའ་ཡང་སེམས་ཅན་གྱི་ཁམས་ཐ་མི་དད་པ། ཞེས་བྱ་བའི་ཏིང་ངེ་འཛིན་འདིས་
D44.036.0321a02.01ཞིང་གི་རྒྱུད་ཀྱང་རབ་ཏུ་ཤེས་སོ། །སངས་རྒྱས་ཀྱི་རྒྱུད་ཀྱང་རབ་ཏུ་ཤེས་སོ། །སེམས་ཅན་གྱི་རྒྱུད་ཀྱང་རབ་ཏུ་ཤེས་སོ། །ཆོས་ཀྱི་རྒྱུད་ཀྱང་རབ་ཏུ་ཤེས་སོ། །སྤྱོད་པའི་རྒྱུད་ཀྱང་རབ་ཏུ་སྒྲུབ་བོ། །མོས་པའི་རྒྱུད་ཀྱང་ཡོངས་སུ་རྫོགས་པར་
D44.036.0321a03.01བྱེད་དོ། །ཏིང་ངེ་འཛིན་གྱི་རྒྱུད་ལ་འང་རྣམ་པར་འཕྲུལ་པར་བྱེད་དོ། །རྣམ་པར་ལྡང་བའི་རྒྱུད་ཀྱང་ཡོངས་སུ་སྟོན་ཏོ། །ཡེ་ཤེས་ཀྱི་རྒྱུད་ཀྱང་རབ་ཏུ་འཐོབ་བོ། །སྐད་ཅིག་གི་མཐའི་རྒྱུད་ལའང་རབ་ཏུ་གནས་སོ། །ཀྱེ་རྒྱལ་བའི་སྲས་དག །བྱང་ཆུབ་
D44.036.0321a04.01སེམས་དཔའ་དེ་ནི་རྣམ་པར་འཕྲུལ་པ་བཅུས་ཀྱང་མཆོག་ཏུ་གྱུར་པ་ཡིན་ཏེ། བཅུ་གང་ཞེ་ན་འདི་ལྟར། སངས་རྒྱས་ཀྱི་རྣམ་པར་འཕྲུལ་པ་ནམ་མཁའི་དབྱིངས་ཀྱིས་ཀླས་པ། ཆོས་ཀྱི་དབྱིངས་ཀྱི་མཐས་གཏུགས་པ་དང་། བྱང་ཆུབ་སེམས་
D44.036.0321a05.01དཔའི་རྣམ་པར་འཕྲུལ་པ་ཐ་དད་པ་མེད་པའི་མཐར་ཐུག་པ་ཐ་མི་དད་པའི་དབང་དམ་པའི་ཕ་རོལ་ཏུ་ཕྱིན་པ་དང་། བྱང་ཆུབ་སེམས་དཔའི་སྤྱོད་པ་དང་། སྨོན་ལམ་ཆེན་པོའི་རྣམ་པར་འཕྲུལ་བ་དེ་བཞིན་ཉིད་ལ་ཞུགས་ཤིང་། སངས་རྒྱས་ཀྱི་
D44.036.0321a06.01མཛད་པའི་ཕ་རོལ་ཏུ་ཕྱིན་པ་ཐོབ་པ་དང་། འཇིག་རྟེན་གྱི་ཁམས་རྣམ་པར་འཕྲུལ་པ་དམིགས་པ་ཐམས་ཅད་དོན་ཡོད་ཅིང་རྣམ་པར་དག་པས་འཇིག་རྟེན་གྱི་ཁམས་ཐམས་ཅད་རབ་ཏུ་སྣང་བར་བྱ་བའི་བྱིན་གྱི་རླབས་ཅན་དང་། སེམས་ཅན་
D44.036.0321a07.01