完整藏文原文 · 德格版页 当前仅加载第 36 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
པ། གཏོང་བ་ལ་མོས་པས་ལག་པ་ཡོངས་སུ་གཏོང་བ་དང་། ཚུལ་གྱི་གཞི་ཆེན་པོ་རབ་ཏུ་བརྟན་པ་ལ་སྤྱོད་པའི། བྱང་ཆུབ་སེམས་དཔའི་ཡིད་དང་བ་དང་། ཚོར་བས་མཉམས་པའི་བློ་དང་བ་དང་། འགྲོ་བ་མ་ཡིན་པར་འགྲོ་བ་ལས་ཕྱིར་ལོག་
D44.036.0055b01.01པའི་འགྲོ་བས་བྱང་ཆུབ་ཏུ་འབྱུང་བས། དེ་ཇི་ལྟར་བྱང་ཆུབ་སེམས་དཔའ་རྟག་ཏུ་བརྩོན་པ་དང་། རྒྱལ་པོ་དགའ་ལྡན་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཚད་{མྱེད་,མེད་}པ་དག་ཀྱང་
D44.036.0055b02.01སྐྱེ་བའི་སྐྱེ་གནས་སྣ་ཚོགས་དག་ན་གནས་ཤིང་ལག་པ་ཡོངས་སུ་གཏོང་བར་གྱུར་པ་དེ་ལྟར་བྱང་ཆུབ་སེམས་དཔའ་སེམས་ཡངས་ཤིང་རྒྱ་ཆེ་བ་ཚད་མེད་པ་དང་ལྡན་པ། སངས་རྒྱས་རྒྱ་མཚོ་མཐོང་བར་གྱུར་པ། ཆོས་ཀྱི་རྒྱུད་ཀྱི་སྒོ་རྣམ་པར་ཕྱེ་བ།
D44.036.0055b03.01འཇིག་རྟེན་གྱི་ཁམས་ཐམས་ཅད་དུ་ཁྱབ་པར་གཏོང་བའི་ལག་པ་དང་ལྡན་པ། ཐམས་ཅད་མཁྱེན་པའི་བྱང་ཆུབ་ཡང་དག་པར་འཛིན་པའི་སྨོན་ལམ་ཅན། སེམས་བསྐྱེད་པ་རྡུལ་མེད་པ་དང་འགྲོགས་པས་ཀུན་ནས་བསྐོར་བ་མེད་པ། ཡེ་
D44.036.0055b04.01ཤེས་དང་ཆོས་ཀྱི་ལུས་རྒྱུན་མི་འཆད་པ། མི་ཤིགས་མི་ཆོད་པའི་ལུས་དང་ལྡན་པ། བདུད་ཀྱི་ལས་ཐམས་ཅད་ཀྱིས་མི་སྒུལ་བ། དགེ་བའི་བཤེས་གཉེན་གྱིས་ཉེ་བར་བརྟན་པས་སེམས་སྤེལ་བ། བྱང་ཆུབ་སེམས་དཔའ་ཐམས་ཅད་ཀྱིས་
D44.036.0055b05.01སྤྱད་པ་དང་གཅིག་ཏུ་གྱུར་པའི་གཏོང་བས་བྱུང་བ་དེ་སློང་བ་ལ་རྐ་ལག་གི་སྦྱིན་པ་བྱེད་ཅིང་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། ཐམས་ཅད་མཁྱེན་པ་ཉིད་དུ་{དམྱིགས་,དམིགས་}ཏེ།
D44.036.0055b06.01རྐང་ལག་ཡོངས་སུ་བཏང་བ་ཡོངས་སུ་བྱིན་པ་འདི་ལ་དགེ་བའི་རྩ་བ་ཅི་ཡོད་པ་དེ་དག་འདི་ལྟར་སེམས་ཅན་ཐམས་ཅད་ལ་ཡོངས་སུ་བསྔོའོ། །དགེ་བའི་རྩ་བ་འདིས་སེམས་ཅན་ཐམས་ཅད་རྫུ་འཕྲུལ་(ཀྱི་,གྱི་)རྐང་པ་ཐོབ་ཅིང་རིན་པོ་ཆེའི་ལག་པ་དང་
D44.036.0055b07.01