完整藏文原文 · 德格版页 当前仅加载第 36 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ལ་གནོད་པ་ཤིན་ཏུ་མི་ཟད་པར་གྱུར་པ་མཐོང་བ་དང་། སྐྱེས་པའི་དངོས་པོ་ལས་བཟློག་པར་གྱུར་པ། ཕོ་སྨོས་གཉིས་ཀ་མ་ཡིན་པའི་སྐྱེ་གནས་སུ་གཞག་པར་གྱུར་པ། སྡུག་བསྔལ་གྱི་ཚོར་བས་མནར་བར་གྱུར་པ། ལུས་མི་བདེ་བས་ཤིན་ཏུ་
D44.036.0068b01.01གཟིར་བར་གྱུར་པ། སྐྱེས་པར་ཚུལ་གྱིས་དཔག་པ་ཙམ་དུ་གྱུར་པ་རྟེན་པའི་ལུས་འགག་པར་གྱུར་པ་དང་། སེམས་ཅན་རྣམས་ཀྱི་གནོད་པའི་རྣམ་པ་དེ་ལྟ་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོས་མཐོང་ན། བྱམས་པ་ཆེན་པོས་སེམས་ཅན་
D44.036.0068b02.01རྣམས་ཡོངས་སུ་སྐྱོབ་ཅིང་སྙིང་རྗེ་ཆེན་པོ་སྔོན་དུ་བཏང་སྟེ། འགྲོ་བ་ཐམས་ཅད་ལ་ཕན་འདོགས་པས་འཛམ་བུའི་གླིང་གི་སྐྱེས་པ་ལས་ཉམས་པར་འགྱུར་བ་ཐམས་ཅད་རྣམ་པར་བཟློག་གོ །རབ་ཏུ་རྒྱུན་གཅད་དོ། །ཡོངས་སུ་སྐྱོབ་བོ། །
D44.036.0068b03.01རྣམ་པར་འཆད་པར་བྱེད་དོ། །ཆོས་དང་མཐུན་པའི་མཛོད་དང་། བདེ་བ་བྱེ་བ་ཁྲག་ཁྲིག་བརྒྱ་སྟོང་དག་ཀྱང་གཏོང་ཞིང་ཚིག་འདི་སྐད་དུ་བརྗོད་དེ། ཁྱེད་ཀྱིས་གང་གི་ཕྱིར་སྡིག་པའི་ལས་རྣམ་པ་འདི་ལྟ་བུའི་བྱ་བར་གྱུར་པ་དེའི་བདེ་བ་དང་། ཕན་པའི་
D44.036.0068b04.01རྣམ་པ་ཐམས་ཅད་ངས་སྦྱར་གྱིས། སྡིག་པའི་ལས་ཀྱི་རྣམ་པ་འདི་ལྟ་བུ་དག་ཚུལ་བཞིན་མ་ཡིན་པ་ལ་འཇུག་པར་སེམས་བསྐྱེད་པས་བདེ་བ་མྱོང་བའི་དོན་དུ་ཁྱེད་མ་བྱེད་ཅིག །དེ་ལྟར་ཕ་རོལ་ལ་སྡིག་པའི་ལས་འདི་ལྟ་བུ་དག་བྱས་ཤིང་བདག་གིས་བདེ་
D44.036.0068b05.01བའི་ཚོར་བ་མྱོང་བར་འགྱུར་བ་འདི་ནི་གནས་མ་ཡིན་ཏེ། དེའི་གནས་མེད་དོ། །འདི་ལྟར་སྡིག་པའི་རྣམ་པ་འདི་ལྟ་བུ་ལ་སྤྱོད་པ་འདི་ནི་སངས་རྒྱས་ཐམས་ཅད་ཀྱིས་སྨད་པའོ་ཞེས་ནས། དེ་མ་ཡིན་པའི་མི་དགེ་བའི་ཆོས་གཞན་དག་བྱེད་པ་མཐོང་ན་ཡང་
D44.036.0068b06.01རྣམ་པར་ཟློག་པར་བྱེད་ཅིང་། སེམས་ཅན་ཐམས་ཅད་སྦྱིན་པ་ཐམས་ཅད་ཡོངས་སུ་བཏང་བས་ཡང་དག་པར་སྡུད་དོ། །ཡོ་བྱད་ཐམས་ཅད་ཀྱིས་ཀྱང་མངོན་པར་སྡུད་པར་བྱེད་དོ། །འདི་ལྟ་སྟེ་དབེན་པའི་ཆོས་ལ་ཡིད་ཆེས་པར་བྱེད་པ་དང་།
D44.036.0068b07.01